Termiz davlat universiteti

Kobalt (II) tuzlari bilan reaksiyasi. Tiotsionat-ionlari to‘yingan eritmada kobalt (II) kationlari bilan [Co(SCN)₄]^2- kompleks ionini hosil qiladi va amil spirtida ekstraksiyalanib, organik qatlamni ko‘k rangga bo‘yaydi:

4SCN^- + Co²⁺ = [Co(SCN)₄]^2-

Reaksiyani bajarish:

Probirkaga 2-3 tomchi kobalt (II) tuzlari solib, ustiga 3 tomchi ammoniy yoki kaliy tiotsionat to‘yingan eritmasi va 5 tomchi amil spirti qo‘shiladi. Aralashma chayqatiladi. Organik qatlamda ko‘k rangning hosil bo‘lishi kuzatiladi.

Temir (III) tuzlari bilan reaksiyasi. Temir (III) ionlari kislotali muhitda tiotsio-natlar bilan qizil yoki pushti rangni beradi va natijada temir (III) kompleks ionini hosil qiladi:

SCN^- + Fe³⁺ = [Fe(SCN)]²⁺

[Fe(SCN)]²⁺ + SCN^- = [Fe(SCN)₂]⁺ yoki [Fe(SCN)₆]^3-

hosil bo‘lgan kompleks efir yoki amil spirti bilan yaxshi ekstraksiyalanadi. Reaksiyani bajarishda S^2-, SO₃^2-, S₂O₃^2-, C₂O₄^2-, I^-, PO₄^3- - anionlari xalaqit beradi.

Reaksiyani bajarish:

Filtr qog‘ozi ustiga bir tomchi ammoniy yoki kaliy tiotsionatidan tomiziladi va markazda hosil bo‘lgan dog‘ga FeCl₃ eritmasidan qo‘shiladi. Qizil rangning hosil bo‘lishi kuzatiladi.