2-Afina dengiz ittifoqining buzilishi. Gegemoniya uchun kurashda holdan toygan Fiva Gresiyada rahbarlik rolini qo‘ldan berib qo‘ydi. 2-Afina dengiz ittifoqi hamon kattagina birlashma bo‘lib qolmoqda edi. Binobarin, Afina, siyosiy arboblarining fikriga ko‘ra, o‘zining o‘tmishdagi qudratini qayta tiklash uchun qulay vaziyatdan foydalanib qolishga shoshilgan. Afina 1-Afina dengiz ittifoqida qo‘llangan praktikasini qaytadan qo‘llanishga, ya’ni kleruxiyalarni ko‘chirib borishga va ittifoqchilardan ularning manfaatlari bilan hisoblashmasdan muntazam suratda xirojlarni undirib olishga uringan. Bu narsa 2-Afina ittifoqining buzilishiga sabab bo‘lgan. «Ittifoqchilar urushi» degan urush kelib chiqqan (eramizdan avvalgi 357-355-yillar). Afina floti mag‘lubiyatga uchraydi. 2-Afina dengiz ittifoqi 22 yil yashagandan keyin tarqalib ketadi.
Do'stlaringiz bilan baham: |
