Юрак аритмиялари

Ushbu o‘quv qo‘llanmada Yurak qon tizimi kasalliklarini davolash va erta

tashxislashda simptom va sindromlarini, ichki a'zolar kasalliklari diagnostikasida qo’llaniladigan kasallik va yangi tekshiruv usullarini, tashxis qo’yish va bemorning tibbiy bayonnomasini yozishni o’rgatadi. Simptomatologiya va diagnostikani o’qitishni xususiy patologiyani o’rgatishdan ajratib bo’lmaydi, ya'ni, bir tomondan o’rganish yo’llari va bilish usullari, boshqa tomondan obyektiv bilish orasida farq bo’lmasligi kerak. Simptomatologiya, diagnostika va xususiy patologiya asoslari ajralmas bog’liqlikda o’rganilishi kerak. Asosiy terapevtik kasalliklarni o’rganish simptomlarning klinik axamiyatini illyustrasiyasidir. Talabalar diagnostika usullariga muayyan bemor kasalligi tarixini taxlil qilishga ko’nikadilar. Talaba klinikada ishlashning birinchi kunlaridanoq ichki kasalliklar propedevtikasi vazifalaridan biri bo’lgan vrachlik deontologiyasi asoslarini ham o’rganib olishi lozim. Propedevtikani bilish keyinchalik terapiyani emas, balki boshqa klinik intizomlarni ham o’rganish uchun zarur. Kasalliklar simptomlarini va asosiy diagnostik usullarni bilishi, tashxis uslublariga faqatgina terapevt emas, balki, xirurg, ginekolog, nevropatolog va boshqa barcha klinik mutaxassislar ham ega bo’lishlari shart.
Bakalavr ichki kasalliklar propedevtikasi fani bo’yicha nazariy, uslubiy, tashkiliy va amaliy ko’nikmalarni o’zlashtirish orqali mustaqil ishga ya'ni umumiy amaliyot vrachi bo’lishiga tayyorlanishi, hamda ularni klinik, laborator, funksional va asbobiy tekshiruvlar natijalarni taxlil qilib, diagnoz qo’yishga o’rganadi.
Ichki kasalliklar propedevtikasi fanini o’rganish jarayonida talabalarda kasallik, diagnoz, diagnostika prinsiplari, simptom, sindromlarni kelib chiqishi mexanizmlari to’g’risida hozirgi zamon tushunchalarini shakllantirish, talabalar ongiga vrachlik odobi va axloqi va deontologiyasi asoslarini singdirishdir.
Ichki kasalliklar propedevtikasi fani orqali talaba organizmdagi asosiy patologik
jarayonlarni vujudga kelish sabablarini va ularni rivojlanish mexanizmlarini, asosiy simptom va sindromlar to’grisida tushunchani, fizikal tekshirish o’tkazishni, ko’zdan kechirish, paypaslash, tuqillatish, eshitish, arterial bosimni o’lchash, pulsni aniqlash, EKGni yozib olish, qon, siydik, najas, balg’am, me'da shirasi, duodenal mahsulotni, plevral suyuqlikni umumiy taxlili va ularni klinik baholash, klinik o’lim hollarida reanimasiya chora-tadbirlarni ko’rishni, shifokorlik deontologiyasi asoslarini bilishlari shart.