Filologik tadqiqot asoslari page 3 4-курс I. Ma’ruza mashg’ulotlari

Ansipatsiya- matnning davomini oldindan ko'ra bilish mahorati. 
Amaliy ahamiyati (qimmati) - mazkur tadqiqotchilik ishi nati- jalaridan 
amaliyotda foydalanish tusi. 
Dolzarblik - ushbu muammoning hozirgi fan va amaliyot uchun o'rganilishining 
muhimligi; dolzarblik darajasi global tusda (fan, jamiyat ehtiyojlari, umuman 
amaliyotni qamrab olishi) yoki lokal tusda (fanning alohida tarmog'i, alohida 
mintaqa, muayyan tusdagi ijtimoiy institutlarni va shu kabilarni qamrab olishi) 
bo'lishi mumkin. 
Deduksiya - fikrlashning umumiy qonuniyatlardan xususiy faktlarga tomon 
rivojlanishini nazarda tutadigan fikriy operatsiya. 
Dissertatsiya (lotinchadan tarjimasi - tadqiqot, mushohada) -muayyan ilmiy 
(akademik) malakani (darajani) olish maqsadida maxsus tayyorlangan, ommaviy 
muhokamaga va himoyaga qo'yil- adigan asar. 
Ilmiy mavzular turlari: amaliy, aralash, nazariy. 
Ideallashtirish - tadqiqotchining nuqtai nazarida hodisa yoki jarayonning ideal 
obrazini, ya’ni nazariy modelning yaratilishi; fara- zlarni ishlab chiqishda 
qo'Ilaniladi. 
Induksiya - xususiy faktlarni umumlashtirish mantiqiga asoslangan fikriy 
operatsiya. 
Ilmiy tadqiqot uslubi - bu muayyan bilish maqsadini hisobga olgan holda 
muayyan bilish vazifalarini hal etishga qaratilgan aqliy va (yoki) amaliy 
operatsiyalar (rusum-qoidalar) tizimidir. 
Ilmiy muammo - bu ilmiy-tadqiqotchilik ishi mavzuini belgilay- digan murakkab 
nazariy va (yoki) amaliy vazifalar majmuidir. Muammo tarmoq, tarmoqlararo, 
global bo'lishi mumkin. 
Ilmiy ish - boshqa har qanday ishdan o'zining maqsadi yangi ilmiy bilimni olishi 
bilan farq qiladi. Ayni shu ish jarayonida voqelik haqidagi ob'ektiv bilimlar ishlab 
chiqiladi va bir tizimga solinadi. 
Ilmiy mavzu - bu yechimni talab qiladigan murakkab vazifadir. 
Ilmiy-tadqiqotchilik ishi mavzui mauyyan ilmiy yo'nalishga yoki ilmiy muammoga 
tegishli bo'lishi mumkin. 

---