Fonetik tahlil tartibi

Fonetik tahlil tartibi:

1. 
   Gap tarkibidan muayyan so`z ajratib olinadi
   
2. 
   So`z bo`g`inlarga ajratiladi
   
3. 
   Ochiq-yopiq, berkitilgan-berkitilmagan bo`g`inlar aniqlanadi
   
4. 
   Urg`uli bo`g`in ko`rsatiladi.
   
5. 
   Fonetik hodisalarga e`tibor qaratiladi
   
6. 
   So`z tarkibidagi unli tovushlar aniqlanadi va unli tovushlar tasnifi bo`yicha tahlil qilinadi.
   
7. 
   So`z tarkibidagi undosh tovushlar aniqlanadi va undosh tovushlar tasnifi bo`yicha tahlil qilinadi.
   

Namuna:
Qilichin tashladi beklar nihoyat,

Bosildi tulporlar, tig`lar suroni. (Shavkat Rahmon)

1. 
   Beklar
   
2. 
   Bek-lar
   
3. 
   Har ikkala bo`g`in yopiq bo`g`in va berkitilgan bo`g`in
   
4. 
   Ikkinchi bo`g`in urg`uli
   
5. 
   Fonetik hodisa ro`y bermagan
   
6. 
   E – o`rta keng; til oldi (old qator); lablanmagan unli.
   

A – quyi keng; til oldi (old qator); lablanmagan unli.

7. 
   B – lab (lab-lab); portlovchi; jarangli; shovqinli; sof undosh
   

K – sayoz til orqa; portlovchi; jarangsiz; shovqinli; sof undosh
R – til oldi, sirgaluvchi; jarangli; shovqinli; sof undosh

Topshiriq: Badiiy asarlardan 5 ta gapni ajratib olib, gap tarkibidagi istalgan so`zni namunadagidek tahlil qiling.