Fuqarolik ishlari bo‘yicha tumanlararo sudining 2019-yil 16-sentabrdagi sud buyrug‘iga

Arizachi O.Suyarov tumanlararo maʼmuriy sudga murojaat qilib, unda fuqarolik ishlari 
bo‘yicha Toshkent shahar Mirobod tumanlararo sudining 25.12.2020-yildagi hal qiluv 
qaroriga asosan uni foydasiga javobgar Toshkent shahar Bektemir tuman hokimligidan 
1.766.651.953 so‘m moddiy zarar, 10.000.000 so‘m maʼnaviy zarar, 460 200 so‘m davlat 

---

boji, 4.519.478 so‘m ekspertiza to‘lovi jami 1.781.631.631 so‘m undirish 
belgilanganligini, hal qiluv qarori 14.01.2021 yilda ijro harakatlari o‘tkazish uchun 
Majburiy ijro byurosining Toshkent shahar, Bektemir tuman bo‘limiga yuborilgan 
O‘zbekiston Respublikasining “Sud hujjatlari va boshqa organlar hujjatlarini ijro etish 
to‘g‘risida”gi Qonunning 23, 30, 85-modda talablari buzilganligini, xususan oradan 10 oy 
22 kun o‘tgan bo‘lsa-da, Majburiy ijro byurosining Toshkent shahar Bektemir tuman 
bo‘limi mansabdor shaxslari tomonidan sud qarori ijrosini taʼminlanmasdan va unga 
yetkazilgan zarar undirilmasdan kelinayotganligini inobatga olib, Toshkent shahar 
Bektemir tuman majburiy ijro xodimlarining harakatsizligini qonunga xilof deb 
topib, sud qarorini tez kunlarda ijro etilishi taʼminlash maqsadida majburiyat yuklashni 
so‘ragan. 
Sud majlisida O.Suyarovning ishonchli vakili A.Dadajonov shikoyat arizasini to‘liq 
qo‘llab quvvatlab, uni qanoatlantirishni so‘radi. Javobgar Majburiy ijro byurosi Bektemir 
tumani bo‘limi hamda uchinchi shaxs Toshkent shahar Bektemir tumani hokimiyati 
vakillari sud majlislarining vaqti va joyi tegishli tarzda xabardor qilingan bo‘lsada 
kelmadi va kelmaganlik sabablarini sudga maʼlum qilmadi. 
Sudya arizani qanoatlantirishni rad etish to‘g‘risida hal qiluv qarori qabul qildi. Bundan 
norozi bo‘lgan arizachi vakili apellatsiya shikoyati bilan murojaat qildi.