Fuqarolik ishlari bo‘yicha tumanlararo sudining 2019-yil 16-sentabrdagi sud buyrug‘iga

(201-modda).
202-moddaga ko’ra “Apellatsiya shikoyati (protesti) apellatsiya instansiyasi sudiga 
yo‘llanadi, biroq hal qiluv qarorini qabul qilgan sudga beriladi. 
Hal qiluv qarorini qabul qilgan sud shikoyat (protest) kelib tushgan kundan e’tiboran 
besh kunlik muddatda uni apellatsiya instansiyasi sudiga ish bilan birga yuborishi 
shart.” Bunda apelyatsiyani qabul qilgan sud 5 kun ichida apelyatsiya instansiyasiga 
jo’natishi kerakligi nazarda tutilgan. Yuqoridagi vaziyatda tumanlararo ma’muriy sud 
qabul qilgan apelyatsiyasini 5 kun ichida viloyat ma’muriy sudiga yuborishi kerak. 
Apelyatsiya berish muddatiga to’xtaladigan bo’lsak, hal qiluv qarori qabul qilingan 
kundan e’tiboran 1 oy ichida berilishi kerak, ya’ni yuqoridagi kazusda agar arizachi 
manfaatlari hal qiluv qarorida qanoatlantirilmagan bo’lsa va buni arizachi xato deb 
bilsa, 1 oydan kechikmagan muddatda apelyatsiya berish huquqiga ega. Agar uzrli 
sabablarga ko’ra muddat o’tib ketgan bo’lsa va buni arizachi isbotlasa, iltimosnomasiga 
binoan sud apelyatsiyani qabul qilishi mumkin (203-modda).
Ushbu vaziyatda 223-moddani ham qo’llasak bo’ladi chunki birinchi instansiya sudi 
tomonidan qabul qilingan ajrim ustidan protest keltirilish holati nazarda tutilgan. 
"Birinchi instansiya sudining ajrimi, qarori ustidan ushbu Kodeksda belgilangan 
qoidalar bo‘yicha berilgan apellatsiya shikoyati (protesti) ushbu bobda sudning hal 
qiluv qarorlari ustidan berilgan apellatsiya shikoyatini (protestini) ko‘rish uchun 
nazarda tutilgan tartibda apellatsiya instansiyasi sudi tomonidan ko‘riladi. 
Apellatsiya instansiyasi sudi birinchi instansiya sudining ajrimi, qarori ustidan 
berilgan shikoyatni (protestni) ko‘rib chiqish natijalari bo‘yicha quyidagilarga haqli: 
1) ajrimni, qarorni o‘zgarishsiz qoldirishga; 
2) ajrimni, qarorni o‘zgartirishga yoki bekor qilishga; 

---

3) arizani (shikoyatni) qabul qilishni rad etish haqidagi, arizani (shikoyatni) 
qaytarish, ish yuritishni to‘xtatib turish to‘g‘risidagi ajrimni bekor qilishga va arizani 
(shikoyatni) birinchi instansiya sudiga ko‘rib chiqish uchun yuborishga; 
4) ajrimni bekor qilishga va arizani (shikoyatni), ishni ko‘rib chiqish uchun sudga 
taalluqliligiga ko‘ra boshqa sudga yuborishga”.
Apelyatsiya mazmuni esa ushbu kodeksning 204-moddasiga asosan, “Apellatsiya 
shikoyati (protesti) sudga yozma shaklda beriladi va shikoyatni (protestni) bergan 
shaxs yoki uning vakili tomonidan imzolanadi. 
Apellatsiya shikoyatida (protestida) quyidagilar ko‘rsatilishi kerak: 
1) apellatsiya shikoyati (protesti) yo‘llanayotgan sudning nomi; 
2) shikoyat (protest) berayotgan shaxsning nomi (familiyasi, ismi, otasining ismi); 
3) ustidan shikoyat (protest) berilayotgan hal qiluv qarorini qabul qilgan sudning 
nomi, ishning raqami va hal qiluv qarori qabul qilingan sana, talabning predmeti; 
4) shikoyat (protest) berayotgan shaxsning talablari hamda shikoyat (protest) bergan 
shaxsning qonunlar va boshqa qonunchilik hujjatlariga, ish holatlariga va dalillarga 
havola qilgan holda hal qiluv qarorini noto‘g‘ri deb hisoblash uchun keltirgan asoslari; 
5) shikoyatga (protestga) ilova qilinayotgan hujjatlarning ro‘yxati”. 
Undan tashqari, shikoyat berayotgan shaxsning yoki vakilning telefon, faks, elektron 
manzili ko’rsatilishi mumkin.