Futbol bolalar va o‘smirlarni jismonan sog‘lomlashtirish hamda ularning salomtligini mustahkamlashdagi eng qulay ommaviy vositadir


Download 138.32 Kb.
bet6/7
Sana26.09.2020
Hajmi138.32 Kb.
#131282
1   2   3   4   5   6   7
Bog'liq
Hamroyeva Abera Futbol bolalar va o‘smirlarni jismonan sog‘lomlashtirish

3. O’quvchilar salomtligini mustahkamlashdagi eng qulay uslublari.
Futbolchilarning ta`lim va mashg`ulot uslublari turlicha bo`lib, ular futbolchilarning jismoniy fazilatlarini rivojlantirishda, harakat malakalarini egallash va takomillashtirishda, irodaviy hamda axloqiy jihatdan tarbiyalashda muhim ahamiyat kasb etadi.

Ta`lim va mashg`ulotni tashkil qilishda shug`ullanuvchilarning, o`rganilayotgan materialning xususiyatlarini va mavjud imkoniyatlarini hisobga olgan holda turli uslublardan foydalanish zarur. O`quv mashg`ulotlarida barcha uslublar majmuasi qo`llaniladi. Ba`zan esa vazifa va muayyan sharoitga bog`liq ravishda u yoki bu uslubga ko`proq o`rin berilishi mumkin.



Ta`lim va mashg`ulot jarayonida qo`llaniladigan uslublarning quyidagi guruhlari mavjud:

1. Ko`rsatmali uslublar: mashqlarni sxemada, maketda, kinogrammada ko`rsatish, o`quv va rasmiy musobaqalarni tomosha qilish.

2. So`z bilan tushuntirish uslublari: aytib berish, tushuntirish, yo`llanma berish, kamchilikni ko`rsatish, ishontirish, suhbat, ma`ruza, doklad.

3. Amaliy uslublar: mashq qilish uslubi va uning variantlari (usullarni butunicha yoki qismlarga ajratib ilk bor o`rganish), ko`p marotaba takrorlash uslubi, oralatib, interval bilan takrorlash uslublari, o`yin hamda musobaqa uslublari.

Yuqorida ko`rsatib o`tilgan asosiy uslublardan tashqari mashg`ulotning turli vazifalarini hal qilish uchun boshqa uslublar ham mavjud.

Ta`lim jarayonida mashg`ulotni ko`rsatib, izohlab, tushuntirib berish katta o`rin tutadi.



Ko`rsatib berish mashq to`g`risida aniq tasavvur hosil qilishga ko`maklashadi. Ko`rsatish uslubiga ham bir qator talablar qo`yiladi. Namoyish qilinayotgan usul shug`ullanuvchilarning hammasiga yaxshi ko`rinishi lozim. Shunga muvofiq murabbiy o`zi uchun hamda guruh yoki jamoa uchun qulay joy tanlaydi. Usulni o`qituvchilar diqqatini mashqning muhim elementlariga qaratgan holda shoshilmay, aniq va yaqqol ko`rsatib berish zarur. Masalan, to`pni yugurib kelib tepishni ko`rsatayotganda to`pga nisbatan tayanch oyoqni qo`yishni aniq ko`rsatish, tepayotgan oyoqning boldirtovon va tizza bo`g`imlari harakati xususiyatlarini ifodalab berish kerak.

Ko`rsatib berish har qancha aniq bo`lmasin, usullarning murakkab ekanligi shug`ullanuvchining asosiy narsalarni darhol ilg`ab olishga hamma vaqt ham imkon beravermaydi. Shuning uchun ko`rsatib berishdan ilgari tushuntirish yoki ko`rsatish asnosida tushuntirib, izohlab berish lozim. Ko`rsatish bilan tushuntirish bir-birini to`ldirib boradi. Ko`proq qaysi biriga e`tibor berish zarurligi esa usulning xarakteriga bog`liq. Aytaylik, to`pni oyoq yuzining ichki tomoni bilan olib yurish o`rgatilganidan so`ng, to`pni oyoq yuzining tashqi qismi bilan olib yurishga o`rgatayotganda uni ko`rsatish bilangina kifoyalanish mumkin. Yaxshi tayyorlangan futbolchilar bilan mashg`ulotlar o`tayotganda, tanish materiallar asosida yangi texnik usul va taktik harakat o`rgatilayotgan bo`lsa, faqat tushuntirib berishning o`zi etarlidir. Namoyish qilinadigan materiallar ham bunda qo`l keladi.

Mashg`ulot jarayonida xatolarni tuzatish, u yoki bu usul to`g`risida to`g`ri tasavvur hosil qilish uchun tushuntirish uslubi ishga solinadi. Mashg`ulot oxirida, tushuntirish yordamida eng muhim uslublar shug`ullanuv-chilar xotirasida mustahkamlanadi.

Ko`rsatmali va so`z bilan tushuntirish uslublari yordamida o`rganilayotgan material haqida umumiy tasavvur hosil qilinadi, xolos, o`yin texnikasi va taktikasini to`liq egallab olish uchun amaliy uslubni qo`llash zarur. Har bir ta`lim yoki mashg`ulotning amaliy uslubi muayyan tarkibiy qism yoki usuldan iborat bo`ladi. Ularning yig`indisi uslubning yaxlitligi demakdir. Mana, masalan, harakat yoki harakat faoliyatini ko`p marotaba takrorlash uslubi quyidagi usullarni o`z ichiga oladi:

a) trenerning u yoki bu harakatni (masalan, to`pni to`xtatish va h.k.) ko`rsatish;
b) futbolchining ko`rsatilgan harakatni bajarib ko`rishiga va mashg`ulotning ko`rsatmasiga muvofiq yo`l-yo`lakay xatolarni tuzatib borishiga harakat qilishi;

v) futbolchilarning o`rganilgan harakatni avtomatik tarzda malaka hosil bo`lguniga qadar takrorlay berishi;

g) harakat faoliyatini murakkablashtirish va unga yangi elementlar (masalan, taktik kombinastiyalar va shunga o`xshashlar) kiritilishi.



Shu zaylda boshqa uslublarni ham tarkibiy element yoki usullarga ajratib chiqish mumkin.

Murabbiy ta`lim va mashg`ulot uslublarini tanlayotganda, har qaysi holat uchun oqilona uslubni ko`rsatuvchi qoidalarga suyanadi. Ta`lim va mashg`ulot uslublariga qo`yiladigan asosiy talablarga muvofiq bu uslublar quyidagi talablarga javob berishi kerak:

a) mashg`ulotning maqsad va vazifalari futbolchilarning individual va yosh xususiyatlariga muvofiq kelish;

b) mashg`ulotlarda futbolchilarning faolligini oshirish, bilimlarini, o`yin malaka va ko`nikmalarini ongli va puxta o`zlashtirishni ta`minlash;

v) mashg`ulot va ta`limning uzviy va izchil o`tkazilishiga, futbolchilar bu ishda osondan qiyinga, ma`lumdan noma`lumga, oddiydan murakkabga, umumiydan xususiyga o`tishiga yordam berish.

O`yinni o`zlashtirib olish bilan shug`ullanuvchilarda muayyan harakat malakalari shakllanadi. Shuning uchun har bir usul harakat malakalarining shakllanuvchi bosqichlariga muvofiq o`rgatiladi. Usullarni o`rgatish paytida quyidagi izchillikka rioya qilinadi:

a) usul bilan tanishtirish;

b) usulni birmuncha soddalashtirgan holda o`rgatish;

v) o`yin sharoitiga yaqin sharoitda usulni takomillashtirish;

g) usulni o`yin chog`ida mustahkamlash.

Usullar bilan tanishtirish. Ta`limning mazkur bosqichida shug`ullanuvchilar usul to`g`risida to`g`ri, aniq tasavvurga ega bo`lishlari lozim. Shu bilan birga, bir vaqtda harakatning muhim detallariga alohida e`tibor beriladi. Usul to`g`risida tasavvur hosil qilish uchun kinogramma, sxema, maket va shu singarilardan foydalaniladi.

Shug`ullanuvchilar usulni mustaqil bajarishga kirishishdan oldin uni ishonch bilan taqlidan takrorlay olishga erishishlari kerak. Shunisi ham borki, o`rganilgan usullarni takrorlash vaqtida ham to`g`ri bajarilayotganini tizimtik sur`atda nazorat qilib borish darkor. Trener bunda harakatlarni har bir detaligacha diqqat bilan kuzatib borishi lozim. Ko`zga tashlangan xato o`sha zahoti tuzatilishi kerak.



Usullarni o`rgatish chog`ida butunicha va qismlarga bo`lib o`rgatish uslubidan foydalanish mumkin. Oddiy harakat usullari, odatda, butunicha, qiyinlari esa qismlarga bo`lib o`rgatiladi.

U yoki bu usulni butunicha o`rgatilayotganda, uni elementlarga ajratmay bir yo`la bajariladi. Masalan, yugurib kelib oyoqning tashqi qismi yuzasi bilan zarba berishni o`rgatar ekan, trener oldin yugurib kelishni, keyin tayanch oyoqni qanday qo`yishni va, nihoyat, oyoqning tashqi qismi yuzasini to`pga yaqinlashtirishni o`rgatib o`tirmaydi, balki u usulni butunicha ko`rsatadi-da, shug`ullanuvchilarga darhol to`pga zarba berishni taklif qiladi, yo`l qo`yilgan ayrim xatoliklarni esa keyin ko`rsatib o`tadi.



Ta`limning butunicha o`rgatish uslubi qo`llanilganda, harakatning strukturasi saqlanadi, shug`ullanuvchilarning individual xususiyatlaridan yaxshi foydalaniladi. Bu o`yinning texnik usullarini o`rganish chog`ida asosiy uslub bo`lib hisoblanadi.

U yoki bu usulni qismlarga bo`lib o`rgatish usul elementlarini o`zlashtirishdan boshlanadi. Keyinroq bu boradagi bilimlar birlashtirilib, pirovardida, usulning butunicha o`rganilishi ta`minlanadi. Biroq elementlar alohida-alohida o`rganilar ekan, usulning butunicha bajariladigan shart-sharoitini aynan vujudga keltirish mumkin emas, elementlarni bajarish xarakteri o`zgarib ketadi. Masalan, yugurib kelib oyoqning tashqi qismi yuzasi bilan zarba berishni o`rganishda turgan joyidan zarba beruvchi oyoqni orqaga silkish foydasiz, chunki bu harakat yugurib kela turib oyoqni orqaga silkishga mutlaqo o`xshamaydi. Agar buni e`tibordan chetda qoldirib, usulni bajarish turgan joyida o`rganilsa, usul noto`g`ri o`zlashtiriladi va pirovardida uni boshqatdan to`g`ri o`rganish uchun ko`p vaqt talab qilinadi. Shuning uchun qismlarga ajratib o`rgatish uslubidan ehtiyot bo`lib foydalanish zarur.

U uslubdan asosan murakkab usullarni bajarishda yo`l qo`yilgan xatoliklarni bartaraf etishda foydalangan ma`qul.



Usullarni birmuncha soddalashtirilgan holda o`rganish. Ta`limning mazkur bosqichida shug`ullanuvchilar harakatning strukturasini egallaydilar. Bunda ular oldiga avvalo to`g`ri dastlabki holatni egallash, harakatda gavdaning qaysi qismlari ishtirok etishini, ularning yo`nalishi va muvofiqligini aniqlash vazifalari izchillik bilan qo`yilishiga qat`iy rioya qilish zarur. Shundan so`ng harakatni optimal amplitudada moslab turib bajarishga, harakatlar aniqligiga erishiladi va shundan keyingina usulni bajarishning boshqa jihatlariga talablar qo`yiladi. Buning zarur sharti - usulni bajarishga birorta ham to`sqinlik bo`lmasligi kerak. Texnik usullar yoki taktik jihatdan o`zaro hamkorlikni o`rganayotganda, ularni baja-rish shartini, chunonchi, dastlabki holatni, masofani, usul ijrosi, yo`nalishini, o`zaro harakatda ishtirok etayotgan sheriklar sonini o`zgartirish mumkin.

Ta`lim jarayonida shug`ullanuvchilar ko`pincha xatoga yo`l qo`yadilar. Murabbiy xatolarning harakteriga qarab, ularni bartaraf etish uchun bosqichlarga alohida e`tibor qaratish, usulni qismlarga bo`lib o`rgatish, takror ko`rsatib berish, tushuntirish va boshqa usullardan foydalanadi. Ta`lim va mashg`ulotning barcha bosqichlarida shug`ullanuvchilar bilan individual ishlarni amalga oshirish muhimdir. O`yinga yaqin bo`lgan sharoitda usulni takomillashtirish.

Shug`ullanuvchilar texnik usulning birmuncha soddalashtirilgan holatini o`rganib olganlaridan so`ng bu usul murakkab sharoitda takomillashtira boriladi. Bunda usulni boshqa usullar bilan juda xilma-xil tarzda uyg`unlashtirib ko`p marta takrorlashdan, turlicha kuch, aniqlik va tezlikda, har xil monelik chiqishi va turli ob-havo sharoitida bajarishdan foydalaniladi. Masalan, darvozaga zarba berishni takomillashtirish turli holatlardan (to`p uchib kelayotganda, yarim uchib kelayotganda, harakatdaligida, qarshilik bo`layotganda) turib tepish, bu harakatni boshqa usullar bilan juda xilma-xil tarzda qo`shib olib borish (to`pni to`xtatish - zarba berish, to`pni olib yurish - zarba berish, to`pni olib yurish - harakatni o`zgartirish - zarba berish) orqali bajariladi, biroq bunda mashqlarning o`xshash bo`lib qolishidan va takrorlashni ortiqcha suiiste`mol qilishdan qochishga harakat qilish kerak.

Usulni o`yin chog`ida mustahkamlash. Usul o`yin chog`ida, uni bajarish vaqtida uzil-kesil mustahkamlanadi. Mazkur bosqichda o`quv o`yinlari muhim ahamiyat kasb etadi. Har bir o`quv yilidan ilgari vazifa aniq qilib belgilab olinishi kerak. Murabbiy bunda shug`ullanuvchilar diqqatini faqat texnik usullarni to`g`ri bajarishga qaratibgina qolmay, balki ularni zarur vaziyatda taktik jihatdan to`g`ri qo`llashlariga ham jalb qiladi.


Download 138.32 Kb.

Do'stlaringiz bilan baham:
1   2   3   4   5   6   7




Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling