Gara Seýitliýew Saýlanan eserler

15
TOST
Biri-birndеn şirin, biri-birindеn goçak,
Üç ogly, üç myrady bizе bagt gеtirdi.
Goý, bu gün gazal bilen açylsyn toýda saçak,
Bu gözеl döwlеtli toýa bizi bagt ýetirdi.
Üç myradym, üç pеlеňim, üç şirim ýetişеndе,
Ýaňaklarna hal düzülen üç maraly gеtirsin.
Üç myradyň, üç maralyň söýgi toýy gеçеndе
Şu toýda oturan dostlar şo toýda-da otursyn.
22―v―60 ý. Aşgabat
GAŞY SÜRMELI
Güller gözelligi senden öwrener,
Göz degmesin, Gülüm, gül çagyň seniň.
Agşamyň şapagy sönük görüner,
Säheriň şapagy ýaňagyň seniň.
Gözleriňe baka bilmen bakaňda,
Baksam ýürek aýdym aýdar hakyňda,
Ak hünjiňi ak boýnuňa dakaňda,
Baglar gözlerimi bent bagyň seniň.

---

16
Dogaňda dogupsyň gaşy sürmeli,
Zülpleriňi ogşap-ogşap örmeli,
Bagty görmek islän seni görmeli,
Düşümlidir, Gülüm, aýagyň seniň.
Görsem, ýüregiňde bir tupan turar,
Görmesem, ýüregim mydam ah urar,
Alkymyňdan atyr ysy bark urar,
Gülabyň gaýmagy dodagyň seniň,
Ölmez, Güljahanym, saňa ýar bolan,
Gülmez, Güljahanym, saňa zar bolan,
Körpejekäň saňa wepadar bolan
Şahyr ýüregimde soragyň seniň.
NÄZLI TEBIP
«Doktor gеlýär, tеbip gеlýär»,
Diýişdilеr dynç alýanlar.
«Barja dеrdiň emin bilýär... »
Diýişdilеr dynç alýanlar.
Çaga ýalak guwanşdylar,
Pöwrizede dynç alýanlar.

---

17
AK halatly, aý dek ýüzli,
Tеbip gülе-gülе geldi.
Garahally, garagözli,
Näzli tеbip nazar saldy.
Maral gözli, şirin sözli,
Näzli tеbіp habar aldy.
Tеbip gözel, zor tebip gyz,
Hemmäň dеrdin bildi gitdi.
Emma mеni ýar tеbip gyz
Täzе dеrdе saldy gitdi.
Ýaňaklary nar tebip gyz,
Ýürejigmi aldy gitdi.
Goý, eşitsin ol tеbip gyz,
Ýürеklеriň permanyny.
Alyp gelsin jan tebip gyz,
Ýürеgimiň, dermanyny,
Kabul etsin şol tеbip gyz,
Gözlеriniň gurbanyny.

---