Qiyalik deganda yuzaga bo‘lgan normalning 𝑁̅ vektori hamda OZ o‘qiga parallel va yuzaning qiyalik hisoblanishi zarur bo‘lgan A nuqtasi orqali o‘tuvchi 𝑍̅ vektor orasidagi φ burchak tushuniladi (5.18-rasm).
Qiyalikning qiymati [0, 𝜋⁄2] diapazonda bo‘ladi.
5.18-rasm. Qiyalikni aniqlash sxemasi
Ekspozitsiya (nishablik orientatsiyasi) deganda yuzaga bo‘lgan normal vektorining N gorizontal tekislikka proeksiyasi hamda OY o‘qiga parallel va ekspozitsiyani hisoblash zarur bo‘lgan yuzaning A nuqtasidan o‘tadigan Y vektori orasidagi ω burchak tushuniladi (5.19-rasm).
Shunday qilib, ekspoziuiyaning nol qiymatiga shimol tomonga yo‘nalish muvofiq keladi, sanash esa soat strelkasi bo‘yicha yuritiladi.
5.19-rasm. Ekspozitsiyani aniqlash sxemasi
Ushbu hisoblash algoritmi boshlang‘ich muntazam tarmoq bo‘yicha har bir uzeliga qiyalik yoki ekspozitsiyaning qiymati muvofiq keladigan yangi muntazam tarmoqni shakllantirish imkoniyatini beradi. Qiyalik va ekspozitsiyaning qiymatlarini hisoblash uchun muntazam tarmoqning (i, j) uzelida quyidagi formulalardan foydalaniladi:
Do'stlaringiz bilan baham: |
