Generator kuchlanishini rostlashning asosiy tamoyillari

b) Generatorni yuklama ostida tekshirish
Generatorni yuklama ostida tekshirish uchun ulanish sxemasiga hech qanday o`zgartirish kiritilmaydi. Elektrodvigatel yordamida generator rotorining aylanishlar chastotasi sekin asta oshiriladi va reostat dastasi (17) soat mili yo`nalishida aylantirilib, generatorga yuklama beriladi. Bunda generator ishlab chiqarayotgan kuchlanish kamayadi (chunki U₂ = Ye - IR_st, bu yerda I - yuklama toki; R_st - stator chulg’amalari qarshiligi). Generator kuchlanishini nominal qiymatga yetkazish uchun yuklamani oshirish bilan birgalikda rotorning aylanishlar chastotasini oshirib boriladi. Generator kuchlanishi va yuklama toki nominal qiymatga ega bo`lgan holga to`g’ri kelgan aylanishlar chastotasiga, generatorning to`la unum bilan ishlash nuqtasi deb ataladi. Ishga yaroqli generatorning to`la unum bilan ishlash nuqtasiga tegishli aylanishlar chastotasi uning tavsifnomasida ko`rsatilgandan ortiq bo`lmasligi kerak.


2.O`zgaruvchan tok generatorining elektr
tavsifnomasini olish
a). Generatorning elektr tavsifnomasini kuchlanish rostlagichi ulanmagan holda tekshirish

Bu tekshirishni o`tkazishdan avval voltmetr almashlab ulagichi (25) PH - 40V holatga keltirilishi kerak. So`ngra yuklama almashlab ulagich 10 yordamida akumulyator generator uyg’otish chulg’amiga ulanadi(yuklama almashlab ulagich "40A" holdan 2...3 sekundga "B" holatga keltiriladi). Generator uyg’ongandan keyin, uning aylanishlar chastotasini 700 dan 1300 1/min gacha asta-sekin oshirib boriladi. Har 100 1/min da generatorning kuchlanishi U_G (qurilmadagi voltmetr (1) yordamida) va uyg’otish toki I_U (ampermetr 6 yordamida) o`lchanadi va hisobotdagi tegishli jadvalga yozib boriladi. Tajriba na-tijasida olingan ma’lumotlar asosida

U_G = f(n) va I_U = f(n)
grafiklari chiziladi. Masshtabda chizilgan grafiklar ostida generatorning kuchlanish rostlagichi ulanmagan holdagi elektr tavsifnomasining qisqacha tahlili yoziladi.