Gidroenergetik qurilmalar elektr qismi, rele himoyasi va avtomatikasi

Glossariy 
Elektr qurilmalari deb elektr energiyani ishlab chiqarish, oʻzgartirish, 
transformatsiyalash, 
uzatish, 
taqsimlash 
va 
boshqa 
turdagi 
energiyaga 
oʻzgartiruvchi mashinalar, apparatlar, liniyalar va yordamchi uskunalar (ular 
oʻrnatilgan inshoot va xonalar bilan birga) majmuiga aytiladi.
Energetik tizim deb bir-biri bilan oʻzaro bog’langan elektr stansiyalar, elektr va 
issiqlik tarmoqlari majmuining elektr energiyasini uzluksiz ishlab chiqarish, 
oʻzgartirish va taqsimlash jarayonlarini umumiy rejimda birlashganligi va shu 
rejimning umumiy holda boshqarilishiga aytiladi.
 
Elektr energetik tizim deb energetik tizimning elektr qismiga va undan 
ta’minlanuvchi, elektroenergiyani ishlab chiqarish, uzatish, taqsimlash va iste’mol 
qilish umumiy jarayonlari bilan bog’langan elektroenergiya qabul qiluvchilarga 
aytiladi.
Elektr ta’minoti tizimi deb iste’molchilarni elektr energiya bilan ta’minlab berish 
uchun moʻljallangan elektr qurilmalar majmuiga aytiladi.
 
Elektr tarmog’i deb ma’lum bir hududda ishlovchi podstansiyalar, taksimlovchi 
qurilmalar, havo va kabel elektr uzatuv liniyalaridan tashkil topgan, 
elektroenergiyani uzatish va taqsimlash uchun moʻljallangan elektr qurilmalar 
majmuiga aytiladi.
Elektr energiya qabul qiluvchisi deb elektr energiyasini boshqa turdagi energiyaga 
aylantiruvchi apparat, agregat, mexanizmga aytiladi.
 
Elektr energiya iste’molchisi deb texnologik jarayon bilan birlashgan va ma’lum 
bir hududda joylashgan elektr qabul qiluvchiga yoki bir guruh elektr qabul 
qiluvchilarga aytiladi.
 
Mustaqil energiya manbai deb kuchlanish boshqa energiya manbalarida 
yuqolganida, ushbu qoidalarda avariyadan keyingi rejim uchun belgilangan 
oraliqda, kuchlanish saqlanib qoluvchi energiya manbaiga aytiladi.