Glossariy avtomatlashtirilgan axborot texnologiyasi (aat)

Ishchi stantsiya – tarmoqqa ulangan shaxsiy kompyuter, foydalanuvchi shu orqali axborot resurslariga kirib boradi.
Ishchi tizimlar – katta miqdordagi ma’lumotlarni saqlash, izlash, murakkab hisoblashlar, modellashtirish, dasturiy ta’minotni rivojlantirishga xizmat qiladigan vositalar.
Iqtisodiy kibernetika – mashina texnologiyalariga asoslangan holda ijtimoiy-iqtisodiy jarayonlarni o’rganadigan fan.
Iqtisodiy zaxiralar – sanoat jamiyatida moddiy ishlab chiqarishga yo’naltirilgan zaxiralar; uning turlari: moddiy, tabiiy, mehnat, moliyaviy va energetik zaxiralar.
Iqtisodiyot – o’zining namoyon bo’lishining xilma-xil ko’lamlari, shakllari, turlarida belgilangan tuzilishga ega, mo’ljallangan maqsadlarga erishishni ta’minlovchi vazifalar doirasida amalga oshirishga qaratilgan ko’plab kishilar ishtirokida harakat qiluvchi tizim.
Kalit (klyuch) — kriptografik o’zgartirishlar algoritmi parametrlarining maxfiy holati
Katalog — fayl nomlari, uning hajmi, tashkil etilgan sanasi va boshqa xossalari haqida ma’lumotlarni saqlaydi.
Kattalik – biror ob’ektni xarakterlovchi va uning muayyan bir nusxasi uchun berilgan sonli yoki matnli qiymatni belgilovchi ko’rsatkich.
Kibernetik tizimlar – kibernetika fani shug’ullana-digan murakkab boshqarish tizimlari.
Kibernetika – boshqarish tizimlari, shakllari va vositalari haqidagi hamda boshqarish tizimlariga oid umumiy qonunlarni o’rganadigan fan.
Koaksial kabel – ma’lumotlar uzatishning ikkita turli tizimi: signalni modulyatsiyalab (raqamli signal qanday shaklda uzatilsa, undan shunday shaklda foydalaniladi) va modulyatsiyalamasdan (raqamli signalni analogli signalga aylantirib jo’natiladi va qabul qilishda aksincha; buni modem bajaradi) uzatishdan foydalanishga imkon beradi.
Kod (fran. qonunlar majmui) – turli axborotni uzatish, qayta ishlash va saqlash uchun mo’ljallangan shartli belgilar tizimi, boshqacha aytganda, berilgan so’zlar to’plami bilan o’zaro bir qiymatli moslikka ega bo’lgan va biror–bir alifbo bo’yicha tuzilgan so’zlar to’plami.
Kodlashtirish – axborotni shartli belgilar va qoidalar yordamida belgilab, tartib bo’yicha uni bir tizimdan boshqa tizimga o’tkazish jarayoni.