Характер типологияси бўйича тушунча

Ташқи белгиларга асосланиб инсонларни характерини аниқлаш (Шамсиддин Мухаммад ибн Амируддин Дунасарий).

• 
  Агар киши шермонанд бўлса, у жасур, қахрли, ҳам шарм ҳаёли бўлади.
  
• 
  Агар қоплоннусха бўлса, кибр-ҳаволи, очкўз бўлади.
  
• 
  Агар айиқсимон бўлса, беҳиммат, пасткаш, бевафо ва аҳдини бузадиган бўлади.
  
• 
  Агар ов итига ўхшаса, ор-номуслидир, аммо сал-пал алдашга мойил бўлади.
  
• 
  Агар отга ўхшаб кетса, кибр-ҳаволи, гердайган, аммо мол давлати кўп бўлади.
  
• 
  Агар тулки шакл бўлса, ҳийлагар, фирибгар, вафосиз ва ахдида турмайдигандир.
  
• 
  Агар қўйга ўхшаса, соддадил, ростгўй аммо алданадигандир.
  
• 
  Агар эчкнусха бўлса, аблах, ўта очкўз, шахватпарастдир.
  
• 
  Агар тўнғизнусха бўлса, сержахл ва жанжалкаш бўлади.
  
• 
  Агар бургутшакл бўлса, диловор ва шер юракдир.
  
• 
  Агар эшакнусха бўлса, бетомуз ва аҳмоқдир.
  

КЎЗ.

• 
  Кўз кичик булса, ожизлик ва ғам андухга ботганликдан белгидир.
  
• 
  Кўз йирик бўлса, ожизлик ва аблахлик, нодонликдан далолатдир.
  
• 
  Кўз катта ва хира бўлса, уятсиз ва зинокор бўлади.
  
• 
  Кўз тим қора бўлса, бадгумон ва қўрқоқликдан нишонадир.
  
• 
  Кўз мовий бўлса, бешарм, бевафо, эътиқодсиз ва иймони сустлиги далилидир.
  
• 
  Кўз мовий-сарғиш бўлса, ундай киши ёмонлик ва қабихликка одат қилган бўлади.
  
• 
  Кичик тор кўз олдига бўртиб чиққан бўлса, зийрак, қабхсўзлик бўлади.
  
• 
  Кўз тор бўлса, кишининг бадфеъл ва зинокорлигидан далолат беради.
  
• 
  Кўзнинг оқу-қораси баробар бўлса, у вафоли, ростгўй ва яхшилик қилувчидир.
  
• 
  Агар кўз қора ё шахло кўзда қора нуқталар ила феруза ранг қўшилган бўлса, унинг ичи қорадир.
  

БОШ.

• 
  Кишининг боши катта бўлса, олийхиммат ва сал нодонлигидан далолатдир.
  
• 
  боши ўртача бўлса, жасур, хушёр ва фахмлигидан даракдир.
  
• 
  Агар бошнинг ўртасида чуқурчаси бўлса, ул киши жасур ва шижоатлидир.
  
• 
  Агар чизиқлар бўлса, ҳар ҳолда мақтовга сазоворлигидан далолатдир.
  
• 
  Кимнинг боши кичкина бўлса, билимдон ва зийракликдан далолатдир.
  
• 
  Кимнинг
  

ПЕШОНА.

• 
  Пешона кенг, катта бўлса, ундай киши соддароқдир.
  
• 
  Пешонаси тор бўлса, заиф ва очкўздир.
  
• 
  Семиз, барваста-ю, пешонаси ўртача бўлса, жасур ва ҳимматлидир.
  

ҚУЛОҚ.

• 
  Кимнинг қулоғи катта бўлса, тамагир ва пастхиммат бўлади.
  
• 
  Қулоғи кичкина бўлса, ҳиёнаткор ва бадфъел бўлади.
  
• 
  Қулоғи ўртача бўлса, зийрак ва жасур бўлади.
  
• 
  Агар қулоғи патмонанд бўлса, доно ва комил киши бўлади.
  
• 
  Агар қулоғи ҳам анча юпқа бўлса, хасадгўй, рашкга ўч бўлади.
  
• 
  Агар шалпанқулоқ бўлса, нодон ва узоқ умр кўришдан далолат беради.
  

БУРУН.

• 
  Кимнинг бурни йўғон, дағал бўлса, бу истехзо ва мазхараомузлиги нишонасидир.
  
• 
  Бурни узун йўғон бўлса, шижоатли ва бақувват бўлади.
  
• 
  Бурни ўртача, тўғри бўлса, қўрқмас ва илмсевар бўлади.
  
• 
  Бурни япалоқ бўлса, чидамли ва бақувват бўлади.
  
• 
  Бурни иккига бўлинган бўлса, қўрқмас ва кўзи ўткирлигидан далолатдир.
  
• 
  Аммо бурни кичкина бўлса, хаммасидан яхшироқдир.
  

ЛАБ.

• 
  Агар лаби тор, оғзи кенг бўлса, ёмон хислатлилик аломатидир.
  
• 
  Агар пастки лаби олдига чиқиб турса, соҳибининг соддадил ва тўғрисўзлигидан нишонадир.
  

ОҒИЗ.

• 
  Оғзи ўртача киши яхшилик қилувчи ва илм-хунарли бўлади.
  
• 
  Оғзи катта бўлса, баддил ва махмадона бўлади.
  
• 
  Оғзи кичик ҳам олдга туртиб чиқиб турса ул киши қин адоватли ва хунрез бўлади.
  
• 
  Аммо кичик оғиз эркакларга ярашмайди.
  

ТИШ.

• 
  Кимнинг тишлари йирик бўлса, бадфеъл ва сир-асрорини билиб олишга шай бўлади.
  
• 
  Кимнинг тиши заиф, оралари очиқ бўлса, унинг куч-кувватга тўлганидан далолат беради.
  

ЮЗ.

• 
  Юзи семиз бўлса, аёллар ва эркаклар билан тил топишадиган бўлади.
  
• 
  Юзи ингичка бўлса, ёмон одат ва ёмон хислатли бўлади.
  
• 
  Юзи кенг бўлса, севги мухаббатга ошуфта бўлади.
  
• 
  Юзи узунчоқ бўлса, фахшга ўч ва махмадона бўлади.
  
• 
  Юзи кичкина бўлса андак яхшироқ ва нохушроқ бўлади.
  
• 
  Юзи кенг, чўзиқроқ бўлса, ахмоқ ва бешарм бўлади.
  

БЎЙИН.

• 
  Бўйни узун бўлса, ундай кишинингкўнгли қора бўлади.
  
• 
  Бўйни узун йўғон бўлса, қахр-ғазаби тошган бўлади.
  
• 
  Бўйни ўртача бўлса, тезфахм, мард ва хотираси кучли бўлади.
  
• 
  Бўйни калта бўлса, бадхулқ ва табиатан бузуқ бўлади.
  
• 
  Бўйни нозик ва юмшоқ бўлса, макру ҳийлага мойилроқ бўлади.