Hayotning 101 qoidasi Uzbekistan 978-613-9-45185-2
Tashvishlanish vaqtingizni belgilang
Download 0.8 Mb. Pdf ko'rish
|
Hayotning 101 qoidasi kitobi word
|
12.
Tashvishlanish vaqtingizni belgilang “Ferrarisini sotgan rohib asari”ni yozganimdan so’ng, ko’pgina mushtariylarimdan xatlar yog’ila boshladi. Ularning barchasi asardagi darslar orqali stressga to’la zamonda baxt, to’la-to’kis va xotirjam hayotni yarata olganlardir. Xat yozganlarning ko’pchiligi hayotining ko’p vaqtini ofisga tashlab ketishi lozim bo’lgan xavotirlarni o’ylashga sarflab yuborardi. Ularning hayotlari juda ham band edi. Ular kulishni, sevishni, oilasi bilan zavqlanishni unutib qo’yayotgandi. Sababi, o’z ishlari ularni yeb bitirayotgan edi. Ko’plab odamlar hayotining eng baxtiyor qismini doimiy xavotirlarni tinmasdan o’ylashga bag’ishlab yuborishadi. Ular ishi, turli soliqlar, tabiat, bolalari tog’risida xavotirga tushishadi. Ammo, barchamiz qalbimizning tubidan biz xavotirlanayotgan narsalarning ko’pi hech qachon hayotda bo’lmasligini bilamiz. Buni Mark Tvenning so’zlarida yaqqol ko’rishimiz mumkin: ”Hayotimda juda ko’p qiyinchiliklar bo’lgan, ammo ularning faqat ba’zilari haqiqiy hayotdagina sodir bo’lgan”. Mening donishmand dadam nasihatlari bilan hayotimga katta ta’sir o’tkazgan insondir. U bir kun menga shunday degan edi. “Sanskritning yo’qolib borish to’g’risidagi fikri uning xavotirlanish xarakteriga juda o’xshaydi.-Men hayratdaman,-dedim. –Hayratlanma,-dedi dadam. –Biz jasadni yondirayotgan paytdagi xavotirimiz bilan boshqa bir tiriklikni ham yondirib yuboramiz. Men shaxsiy tajribamdan xavotirlanish odati inson hayotiga qanchalik zarar keltirishini yaxshi bilaman. Yigirma yoshligimda, men shiddat bilan bir qancha muvaffaqqiyatlarga erishgan edim. Mamlakatning eng mashhur huquq maktablaridan ikki marta huquqiy darajalarni oldim. Markaziy sudda kotib bo’lib ishladim va eng yuqori darajadagi advokatlikni qo’lga kiritdim. Lekin, men juda ko’p ishlar va juda - juda ko’p tashvishda, xavotirda yurardim. Dushanba kuni ertalab horg’in hissiyot bilan uyg’onardim. Ishim meni shaxs sifatida qo’llay olmasligini, iqtidorimni ishga bekorga sarflab yuborayotganimni o’ylardim. Shunday qilib, hayotimni o’zgartirishga, yaxshilashga qaror qildim. Buni qanday qilib inson o’ziga yordam qilishni o’rgatadigan va hayotda yetakchi bo’lgan adabiyotlarni o’qishdan boshladim. Tez orada, men ulardan hayotimni muvozanatda saqlay oladigan, xotirjamlikka to’la va ma’noli qiladigan qimmatbaho darslarni o’rgandim. Xavotirlanaveradigan odatingizdan voz kechish uchun, men “Xavotirli tanaffus” deb nomlagan oddiy strategiyani topdim. Unda siz xavotirlanishingiz uchun kuningiz davomida maxsus vaqt ajratasiz. Agar biz muammolarga duch kelsak, kunimizning bor qismini shuni o’ylashga e’tiborimizni qaratamiz. Uning o’rniga men sizga har kechqurun xavotirlanishingiz uchun 30 daqiqalik vaqt-jadvalini tavsiya qilaman. Mana 16 shu tashvishlanish davrida, muammolaringizga ko’milib ketishingiz, ulardan tashvishlanishingiz mumkin. Lekin, ajratilgan vaqt tugaganidan keyin, muammolaringizni ortga tashlab ketishni o’rganing va biror samarali ish bilan shug’ullaning. Masalan, tabiat qo’yniga sayrga chiqing, ruhlantiruvchi kitoblar o’qing yoki yaqin insoningiz bilan qalbdan muloqot qiling. Agar kunning boshqa paytida tashvishlanishga muhtoj bo’lsangiz, buni biror daftarga yozib oling, sababi, keyinchalik yana xavotir tanaffusidan foydalanishingiz mumkin. Ana shu oddiy lekin kuchli texnika siz xavotirlanishga sarflayotgan vaqtingizni uzluksiz kamaytirishga va oxirida bu odatdan butunlay voz kechishga yordam beradi. Download 0.8 Mb. Do'stlaringiz bilan baham: 
|