Homework#03 String va uning metodlari

Homework#03
String va uning metodlari

1. Input orqali yoshingizni so’rab olib, yoshingiz nechchidaligini ekranga chiqaradigan dastur tuzing;

- f stringdan foydalaning.
2. O’zgaruvchi oching va qiymatiga quyidagi matnni ko’chirib yozing: “String – matn ko’rinishidagi ma’lumot turi.”

-len() funksiyasidan foydalanib uning uzunligini, keyin esa 9-indeksdan oxirigacha bo’lgan harflarni ekranga chiqaring.

3. Input orqali ism va familiyangizni so’rab olib, siz bilan salomlashadigan dastur tuzing;
-f stringdan foydalaning
- Ism-familya harflari qay ko’rinishda kiritilsa ham, ularning 1-harflari katta, qolganlari kichik ko’rinishda ekranga chiqsin, so’z boshi va oxiridagi bo’sh kataklarni ham olib tashlang.

4. “John yaxshi talaba, u darsga kech qolmaydi, vazifalarni vaqtida bajaradi. Siz ham John kabi bo’ling!”

-Bir o’zgaruvchi ochib unga yuqoridagi matnni yozing
-Dasturingiz ism nomli o’zgaruvchini input orqali qabul qilsin va “John” ni inputda olingan ism bilan almashtirib ekranga chiqarsin.

5. Dasturingiz foydalanuvchidan input orqali ism so’rasin va u ismning teskarisini ekranga chiqarsin.

6. Foydalanuvchidan yashayotgan shahrini input orqali oling. Avval uning xotiradagi qiymatini to’lig’icha bosh harflarga o’zgartiring, keyin uni ekranga chiqaring. (Farg’ona -> FARG’ONA)

7. Foydalanuvchidan parol nomli input oling va uning faqat raqamlardan tashkil topgan, yoki topmaganligini tekshiring. Parol faqat raqamlardan iborat bo’lsa True, aks holda False ekranga chiqsin.

8. Biron o’zgaruvchiga 3-4 ta so’zdan iborat qiymat bering. Hamma so’zning 1-harfini bosh harflarda ekranga chiqaring.