I ишчи дастур

Модулнинг мақсади ва вазифалари
Олий таълим муасасалари педагог кадрларни қайта тайёрлаш ва малакасини ошириш курсининг мақсади педагог кадрларнинг ўқув-тарбиявий жараёнларни юксак илмий-методик даражада таъминлашлари учун зарур бўладиган касбий билим, кўникма ва малакаларини мунтазам янгилаш, малака талаблари, ўқув режа ва дастурлари асосида уларнинг касбий компетентлиги ва педагогик маҳоратини доимий ривожланишини таъминлашдан иборат.
Курснинг вазифаларига қуйидагилар киради:
“Мусиқа санъати” йўналишида педагог кадрларнинг касбий билим, кўникма, малакаларини узлуксиз янгилаш ва ривожлантириш механизмларини яратиш;

• 
  замонавий талабларга мос ҳолда олий таълимнинг сифатини таъминлаш учун зарур бўлган педагогларнинг касбий компетентлик даражасини ошириш;
  
• 
  педагог кадрлар томонидан замонавий ахборот-коммуникация технологиялари ва хорижий тилларни самарали ўзлаштирилишини таъминлаш;
  
• 
  махсус фанлар соҳасидаги ўқитишнинг инновацион технологиялари ва илғор хорижий тажрибаларни ўзлаштириш;
  
• 
  “Мусиқа санъати” йўналишида ўқув жараёнини фан ва ишлаб чиқариш билан самарали интеграциясини таъминлашга қаратилган фаолиятни ташкил этиш.
  

Модул бўйича тингловчиларнинг билими, кўникмаси, малакаси ва компетенцияларига қўйиладиган талаблар:
“Мусиқа санъати фанларини ўқитиш методикаси” курсини ўзлаштириш жараёнида амалга ошириладиган масалалар доирасида:
Тингловчи:

• 
  мусиқа санъати фанларини ўқитишдаги илғор хорижий тажрибаларни;
  
• 
  мусиқа санъатида эришилган янги илмий натижалар, яратилган илмий адабиётларни;
  
• 
  республика ва хорижда “Мусиқа санъати” йўналиши бўйича олиб борилаётган илмий тадқиқотлар ва уларнинг натижаларини;
  
• 
  ижрочилик турларини ўзлаштиришнинг услубий асосларини;
  
• 
  якка ва жамоавий ижронинг ривожланиш тенденцияларини;
  
• 
  замонавий талабларда машғулотларни ташкил қилишнинг илмий ва амалий асосларини;
  
• 
  мусиқа санъати фанларини ўқитишда сўнгги йилларда эришилган ютуқларни;
  
• 
  мусиқа санъат соҳасидаги таълим мазмуни узвийлиги ва интеграциясини таъминлашда новаторлик ва анъанавийлик мезонларини;
  
• 
  мусиқа санъатидаги замонавий йўналиш ва услублар ҳамда тенденцияларни билиши лозим.