Ibora va tasviriy ifodalar ustida ishlash metodikasi

Nazorat uchun savollar:
1. “Sintaksis o‘qitish metodikasi” bo‘limining boshqa bo‘limlar bilan aloqadorligini tushuntiring.
2. Gapning asosiy belgilari, ifoda maqsadi va tuzulishiga ko‘ra turlarini o‘qitishga innovatsion usullarini tushuntirib bering.
3. Sintaksisning punktuatsiya bo‘limi bilan uzviy bog‘liqligi haqida gapiring.
4. Sodda gap sintaksisini o‘qitish metodikasi haqida fikringizni bildiring.
5. Maktabda so‘z birikmasini o‘rgatish jarayonida qanday ijodiy-amaliy topshiriqlardan foydalaniladi?
GLOSSARIY
SINTAKSIS – (yun. Syntaxis – tuzilma, tartib, birikma) – 1) nutq birliklarini shakllantirishning muayyan tillar uchun xos bo‘lgan vosialari majmai. 2) grammatikaning so‘zlarni so‘z birikmalari va gaplarga, sodda gaplarni esa qo‘shma gaplarga birikish usullarini o‘rganuvchi, so‘z birikmalari va gaplarning tuzilishi, ma’nosi, o‘zaro ta’sirlashuvi hamda vazifalarini tadqiq etuvchi bo‘lim.
SODDA GAP– o‘z tarkibida birgina predikativ birlikka ega bo‘lgan, ma’lum bir fikr ifodalay oladigan, grammatik va intonatsion jihatdan shakllangan sintaktik birlik.
STANDART – ko‘pchilik manfaatdor tomonlar kelishuvi asosida ishlab chiqilgan va ma’lum sohalarda eng maqbul darajali tartiblashtirishga yo‘naltirilgan hamda faoliyatning har bir turlariga va natijalariga tegishli bo‘lgan umumiy va takror qo‘llanilgan qoidalar, tavsiyalar, talablar va usullar belgilangan va tan olingan idora tomonidan tasdiqlangan me’yoriy hujjat.
TA’LIM STANDARTI – standart tekshirish usullariga muvofiq keladigan va o‘qitish sifatining standart ko‘rsatkichlarining bilan ifodalangan mazkur ta’lim turida o‘quvchini o‘qitishda va tarbiyalashda qo‘yiladigan talab ko‘rsatkichlarning mazmuni.
DAVLAT TA’LIM STANDARTLARI – ta’limning zarur, yetarli darajasi va o‘quv yuklamalar hajmiga qo‘yiladigan asosiy davlat talablarini belgilab beruvchi mezon.
UMUMIY O‘RTA TA’LIM – bu 11yillik (I-XI sinflari) o‘qishdan iborat bo‘lgan umumiy o‘rta ta’lim – majburiy ta’limdir.