Ifodalovchi frazeologik va paremiologik birliklarning lingvokulturologik tadqiqi

Ilova-1 
Osh uzvli paremiyalar 
A 
Amirning oshidan faqirning mushti yaxshi. 
Arpa dema osh bo`lsa, yaqin dema qasd bo`lsa. 
Arpa-bug`doy osh bo`lur, oltin-kumush tosh bo`lur. 
Arpa-bug`doy osh ekan, tanga-tilla tosh ekan. 
Asl qushning bolasi oldiga qo`ymay osh yemas. 
Ayron – osh bo`lmas, nodon – bosh bo`lmas. 
B 
Ba’zilar sherikdir ichgan oshingga, to`yib kosang bilan urar boshingga. 
Bardoshliga yog`liq osh, sabrsizga osh ham tosh. 
Bardoshliga yog`liq osh. 
Baxildan tosh so`raguncha, gadoydan osh so`ra. 
Baxmal kiydim – egnimda yo`q, palov yedim – og`zimda yo`q. 
Bermas qizning oshi pishmas. 
Bermasning oshi pishmas, pishsa ham o`choqdan tushmas 
Betashvish bosh qayda, mehnatsiz osh qayda. 
Bilimsiz kishiga ish yo`q, ilmsiz kishiga osh yo`q. 
Bilmas kishiga ish yo`q, ishsiz kishiga osh yo`q. 
Bir qoshiq oshim – g`alvasiz boshim. 
Birovga bersam – esiz oshim, uyda tursa, sasir oshim. 
Birovning oshiga qaragan och qolar. 
Boshi yo`qning oshi yo`q. 
Boshning yugurugi – boshga, qo`lning yugurugi – oshga. 
Boy bir qo`li bilan osh beradi, bir qo`li bilan tosh beradi. 
Boy buvaning oshi bor, ichi to`la toshi bor. 
Boyning oshi – ko`zning yoshi. 
Boyning oshini boytevat qizg`anadi. 
Boyning oshini yeyishga temirdan tish kerak. 

---

82 
Boyning yog`liq palovidan o`zingning quruq qatirmoching yaxshi. 
Buyurgan oshga tish tegar, yoz tegmasa qish tegar. 
D 
Dangasaning fikr-u yodi – yoz bo`lsa-yu, qish bo`lmasa, 
Osh bo`lsa-yu, ish bo`lmasa, salqin bo`lsa-yu, oftob bo`lmasa. 
Dil og`ritgan – do`st emas, ich og`ritgan – osh emas. 
Do`sting bemor bo`lsa, ko`nglini ol, osh qilayotgan bo`lsa, qo`lini ol. 
Do`sting bergan oshni ham puflab ich. 
Do`stingning oshini qasdingdan ich. 
Do`stsiz boshim – tuzsiz oshim. 
Dosh qozonda pishgan osh xom bo`lmas. 
Dushman oshingni yer, so`ngra boshingni yer. 
Dushmanga osh berma, qo`liga tosh berma. 
Dushmanga oshingni berma! 
Dushmanga oshingni bersang, boshingga chiqar. 
Dushmanni musht bilan urma, osh bilan ur. 
E 
Eldan osh yesang, elga osh ber. 
Erga bersang oshingni, erlar silar boshingni. Itga bersang oshingni, itlar g`ajir 
boshingni. 
Eringanning oshi pishmas.