Ijtimoiy pedagogika fani kategoriyalari

Ijtimoiy pedagogika fani kategoriyalari

Reja:

1.Ijtimoiy pedagogikaning asosiy kategoriyalari

2.Ijtimoiy faoliyat tushunchasi va uning yoʻnalishlari

3.Ijtimoiy taʼlim va tarbiya

Ijtimoiy pedagogikaning asosiy kategoriyalari
Hammamizga ma’lumki, pedagogika fanining asosiy kategoriyalariga “ta’lim”,
“tarbiya”, “ma’lumot” singari tushunchalar kiradi. Shu kategoriyalar asosida “shaxs”,
“rivojlanish”, “faoliyat”, “jamiyat”, “ijtimoiylashuv” singari ijtimoiy-gumanitar fanlar uchun umumiy bo`lgan tushunchalar qo`llaniladi.
So`nggi yillarda «pedagogik faoliyat” kategoriyasi ham keng qo`llanilmoqda. Ijtimoiy pedagogika fani pedagogikaning
yo`nalishlaridan biri sifatida “Ijtimoiy pedagogik faoliyat”, “Ijtimoiy ta’lim” va “Ijtimoiy tarbiya” singari kategoriyalarga ega.
Pedagogika va ijtimoiy pedagogika fani kategoriyalarining bir-biridan farqli jihati quyidagi jadvalda aks etgan.
Pedagogika hamda ijtimoiy pedagogika fani kategoriyalari

Pedagogika	Ijtimoiy pedagogika
Taʼlim	Ijtimoiy talim
Oʻqitish	Oʻqitishning ijtimoiy jihatlari
Tarbiya	Ijtimoiy tarbiya
Pedagogik faoliyat	Ijtimoiy pedagogik faoliyat Ijtimoiylashuv Ijtimoiy institut Ijtimoiy adaptatsiya Ijtimoiy reabilitatsiya

Pedagogika faoliyat- bu ta'lim-tarbiya vositasida o`quvchilarga ijtimoiy madaniyat tajribalarini singdirishga qaratilgan kasbiy faoliyatdir.
Ijtimoiy pedagogik faoliyat- bu bolaning ijtimoiylashuviga, ularga ijtimoiy madaniyat tajribalarini singdirishga, jamiyatda o`z-o`zini boshqarishga sharoitlar yaratishga qaratilgan kasbiy faoliyatdir. U ma'lum shaxsga qaratilgan bo`lib, aniq manzilga yo`naltirilgan faoliyatdir. Ijtimoiy pedagogik faoliyat quyidagi xususiyatlarga ega.
▪ Ta'lim muassasalaridagi ijtimoiy-pedagogik faoliyat,
▪ bolalar tashkilotlaridagi ijtimoiy-pedagogik faoliyat,
▪ bolalarning ijodkorligini oshirish va dam olishini tashkil etishga mas'ul
tashkilotlardagi ijtimoiy-pedagogik faoliyat.
Ijtimoiy-pedagogik faoliyatning asosiy yo`nalishlari quyidagilar hisoblanadi.
▪ dezadaptatsiyaga uchragan bolalarni profilaktika qilish,
▪ ijtimoiy me'yorlardan chekingan (o`qish) bolalarni ijtimoiy reabilitatsiya qilish
Bu ishlar ikki shaklda amalga oshiriladi:
1.Bevosita bolaning o`zi bilan olib boriladigan ishlar.
2.Bolaning ijtimoiy muhit bilan aloqasida vositachilik qilishi.
Ijtimoiy pedagogikaning asosiy kategoriyalaridan biri bo`lgan ijtimoiy ta’lim kategoriyasi ikki tomonlama xususiyatga ega. Birinchidan, ijtimoiy ta'lim-bu bolaning
ijtimoiylashuviga yordam beruvchi ijtimoiy bilim, ko`nikma va malakalarni shakllantirish jarayonidir.
Ikkinchidan, ijtimoiy ta'lim-bu ijtimoiy sohada ishlash uchun
maxsus tayyorgarlik ko`rish jarayonidir.
Ijtimoiy tarbiya esa bolaning ijtimoiylashuviga qaratilgan ijtimoiy ahamiyatga molik fazilatlarni shakllantirish jarayonidir. Ijtimoiy tarbiya muammolari xususida A.V.Mudrik, V.D.Semyonova, G.N.Filova singari olimlar tadqiqotlar olib borgan.
Keling endi olgan bilimlarimizni mustahkamlaymiz.Sizga berilgan krossvordni jamoa bilan birgalikda toʻldiring
1.Ijtimoiy pedagogik faoliyat xususiyatlaridan biri bolalar ___dagi ijtimoiy pedagogik faoliyat.
2.Muhit sharoitlariga muvaffaqqiyatli koʻnikish bu - …
3.Ijtimoiy sohada ishlash uchun maxsus tayyorgarlik koʻrish jarayoni qanday nomlanadi?
4.Insonning ijtimoiy muhitda faoliyat yuritish qobiliyatini tiklashga qaratilgan jarayon?
5.Talim tarbiya vositasida oʻquvchilarga ijtimoiy madaniyat tajribalarini singdorishga qaratilgan kasbiy faoliyat bu _____faoliyatdir.
6.7.Ijtimoiy tarbiya muammolari xususida tadqiqotlar olib borgan olimlar?
8.Oila ijtimoiy pedagogikaning asosiy ____i?
9.Insonning butun hayoti mobaynida oʻz-oʻzini oʻzgartirish va rivojlantirishining boshqariladigan va maqsadga yoʻnaltirilgan jarayoni?