Иккиёқлама ёзув ва бухгалтерия ёзувининг моҳияти Иккиёқлама ёзув

Иккиёқлама ёзув ва бухгалтерия ёзувининг моҳияти

Иккиёқлама ёзув

Иккиёқлама ёзув шундай ёзувки, унинг натижасида ҳар бир хўжалик операциясининг суммаси счётларда икки маротаба: бир счёт дебетида ва айни вақтда ўзаро боғлиқ бўлган бошқа счётнинг кредитида қайд қилинади. Чунки хўжалик операциялари юзага келтирадиган ўзгаришлар иккиёқлама хусусиятга эга ва ҳисобнинг икки алоҳида счётига таъсир этади. 1494 йилда италиялик математик Лука Пачоли икки ёқлама ёзув усулини асослаб берган. Унинг «Счётлар ва ёзувлар тўғрисидаги трактатида» (лот. tractatus – муҳокама) ёзувларни бир вақтнинг ўзида «бермоқ» ва «эга бўлмоқ» счётларда акс эттириш ва «бермоқ» ва «эга бўлмоқ» счётларнинг суммаларининг йиғиндиси ўзаро тенг келиши керак деб айтган. Иккиёклама ёзув воситасида счётлар ўртасидаги пайдо бўлган ўзаро алоқа счётлар корреспонденцияси дейилади. Бу корреспонденция қатнашувчи счётлар корреспонденцияланувчи счётлар деб аталади..

Бухгалтерия ёзуви (проводкаси)

Счётлар корреспонденциясини акс эттирувчи қисқача ёзув бухгалтерия проводка(ўтказма)си дейилади. Бухгалтерия проводкалари оддий ва мураккаб бўлади. Оддий бухгалтерия проводка(ўтказма)си деб, маълум бир хўжалик операциясининг фақат бир счётнинг дебети ва бошқа бир счётнинг кредитида акс эттирилишига айтилади. Мураккаб бухгалтерия проводка(ўтказма)си маълум бир операциянинг суммаси бир счётнинг дебети, бошқа бир қанча счётларнинг кредитида ёки аксинча, бир счётнинг кредити ва бир нечта счётларнинг дебетида акс эттирилиши. Хўжалик операцияларини счётларда иккиёқлама ёзув усули билан акс эттириш тартибини қуйидаги мисолларда кўришимиз мумкин.

Талаб қилинади: Юқоридаги берилган шаклда иккиёқлама ёзув ва бухгалтерия проводкасини таърифини ёзинг ва уларнинг моҳиятини мисоллар ёрдамида тушунтириб беринг.

2. Иккиёқлама ёзувнинг аҳамияти
1-мисол. Банкдаги ҳисоб-китоб счётидан кассага 1 500 000 сўм нақд пул олиб келинди. Ушбу хўжалик операцияси натижасида банкдаги ҳисоб-китоб счётида пул маблағи камайди, кассада эса шу суммага кўпайди. Бу счётларнинг иккаласи ҳам актив счётлардир.

2-мисол. Кассадан ходимларга 1 500 000 сўм иш ҳақи берилди. Ушбу хўжалик операцияси натижасида кассадаги пул маблағи камайди, ходимлар билан иш ҳақи юзасидан қарзлар ҳам камайди.


3-мисол. Омбордан асосий ишлаб чиқаришга 1 200 000 сўмлик ва умумишлаб чиқаришга 150 000 сўмлик ёқилғи-мойлаш материаллари берилди. Ушбу хўжалик операцияси натижасида омбордаги ёқилғи-мойлаш материаллари камайади, асосий ишлаб чиқариш ва умумишлаб чиқаришларда ёқилғи-мойлаш материаллари кўпайади.


Бухгалтерия ҳисобида икки ёқлама ёзув усулидан счётларда хўжалик операциялари тўғри акс эттирилиши устидан назорат олиб боришда фойдаланилади. Ҳар бир операция бир хил суммага битта счётнинг дебети ва бошқа бир счётнинг кредитга ёзилади. Натижада ҳамма счётларнинг дебет томонидаги оборотлар жами, ҳамма счётларнинг кредит томонидаги оборотлар жамига тенг бўлиши керак. Шундай тенгликнинг бўлмаслиги счётларда хатога йўл қўйилганлигидан далолат беради.

Талаб қилинади. Юқоридаги шаклга иккиёқлама ёзув усулининг аҳамиятини қисқача тавсифлаб ёзинг ва тушунтиринг

Бухгалтерия ёзувини тузиш тартиби

Бухгалтерия ёзувини тузишда









Счётлар режасига муофиқ қайси счёт дебитланиши қайси счёт кредитланиши(актив ёки пассив) аниқланади

Хўжалик муомиласи маблағлар(баланс активи)ни ёки унинг манбалари(баланс пассиви)ни тавсифлаши аниқланади

Хўжалик муомиласи қандай иккита ўзгариш ходисадан иборат еканлиги аниқланади


Талаб қилинади: Юқоридаги берилган шаклга бухгалтерия ёзувини тузиш тартибини ёзинг ва тушунтиринг