Ilm-fan muammolari yosh tadqiqotchilar talqinida

“Ilm-fan muammolari yosh tadqiqotchilar talqinida” 
mavzusidagi 6-sonli respublika ilmiy konferensiyasi
 
43 
pernisiosus Comst, gilos pashshasi – Rhagoletis cerasi va hakazo hasharotlar 
uchrashi keltirilgan [44; 3 – 148-b.]. 
Shuningdek, O.Allanazarov ma’lumotlarida olcha shirasi, yashil barg o‘rovchisi 
va gilos pashshasi Toshkent viloyati sharoitida gilos agrobiotsenozida uchrashi 
haqida ma’lumotlar keltirilgan bo‘lib, [46; 3 – 114-b., 47; 3 – 114-b.], bizning ilmiy 
tadqiqotlarimizda Farg‘ona vodiysi sharoitida gilos agrobiotsenozida olcha shirasi 
uchrashi kuzatilmadi. 
2020-2022 yillarda Farg‘ona vodiysi (Andijon, Farg‘ona, Namangan) sharoitida 
o‘tkazilgan ilmiy tadqiqotlarimiz natijasida gilos bog‘larida mavsum davomida 
kulrang kurtak uzunburuni, olcha shilliq arrakashi, oddiy o‘rgimchakkana, qizil 
o‘rgimchakkana, binafsharang qalqondor, kaliforniya qalqondori, sharq mevaxo‘ri, 
komstok qurti, nok qandalasi, olcha filchasi kabi zararkunandalar, shuningdek arilar, 
qushlar ham katta zarar keltirishi aniqlandi [86; 3 – 43-b., 87; 46 – 47-b., 88; 52 – 55-
b., 89; 66 – 68-b., 90; 621 – 625-b., 91; 11 – 12-b., 92; 364 – 369-b.]. 
Farg‘ona vodiysi sharoitida gilosda uchraydigan zararkunandalarning gilosga 
yetkazadigan zarari turlicha bo‘lganligi sababli ularning ichidan dominant turlarini 
aniqlash bo‘yicha tadqiqotlar olib bordik. Tadqiqotlardan ma’lum bo‘ldiki, gilosning yer 
ostki qismini may qo‘ng‘izi kuchli zararlasa, yer ustki qismida olcha shilliq arrakashi, 
kulrang kurtak uzunburuni, oddiy o‘rgimchakkana dominant turlar hisoblandi. 
Olcha shilliq arrakashining zarari natijasida fotosintez jarayoni 80% gacha pasayib 
hosilning nafaqat shu yilgi sifatiga, balki kelgusi yilgi hosilning sifatini pasayishiga hamda 
meva tarkibidagi qand miqdorini 2 barobarga pasayganligi hisobiga mevaning saqlanish 
muddatini qisqarishiga olib kelishi tajribalarimizda isbotlandi. 
Gilos plantatsiyalari uchun eng xavfli hisoblangan karantin zararkunanda gilos 
pashshasi Farg‘ona vodiysining Vodil, Qo‘rg‘ontepa, Buloqboshi, Jalaquduq kabi chegara 
zonalarida qayd etildi. 
Shuningdek, 
gilos 
yetishtiriladigan 
bog‘larda dominant tur oddiy 
o‘rgimchakkanadan tashqari bog‘ o‘rgimchakkanasi va qo‘ng‘ir meva kanasi 
iqtisodiy miqdor mezonidan past miqdorda uchradi. Bundan tashqari komstok qurti, 

---