Инновациялар

Насосларни ҳаракатга келтирувчи двигателларнинг қувватини

аниқлаш.

Насосларни ҳаракатга келтирувчи двигателларнинг қувватлари қуйидагича топилади:

N_дв = К_з ·N_ист , кВт
бунда, К_з - қувватнинг запас коэффициенти бўлиб, қувватнинг N_ист
>300 кВт қийматларда К_з = 1,05, N_ист < 300 қийматларида К_з = 1,15 га тенг қабул қилинади.

1. Насосларнинг кетма-кет ишлаши.

Сув тўплаш минораларига ёки кўп қаватли уйларга маълум миқдордаги сувни етказиб беришда насосларнинг кетма-кет ишлаш схемаси кўп қўлланилади. Бу схема асосан битта насоснинг напори маълум миқдордаги сувни талаб қилинган баландликка етказиб бериш имкони бўлмаганда қабул қилинади.

Бу схемага кура биринчи насос босим қувури кейинги насос сўриш қувурига уланади ва охирги насос эса сувни истеъмолчига етказиб беради.
Насослар кетма – кет ишлаганда, сув сарфининг бир хил қийматларида умумий напор иккала насос напорларининг йиғиндисидан иборат бўлади, яъни Q = const, H = H₁ + H₂ +….H_n , м .
Насосларнинг кетма – кет ишлаш схемаси 3 – расмда акс эттирилган.

3. – расм. Иккита кетма – кет ишлаётган насосларнинг схемаси

1 – 1- насос сўриш қувури; 2 – 1- насос; 3 – 2 – насос сўриш қувури; 4 – 2 - насос; 5 – умумий босим қувури.

2.