Inson va kompyuter o’zaro ta’siri. Loyihalash bosqichi Foydalanuvchi interfeysini ishlab chiqish

1. 
   Amaliy mashgulot.
   

Inson va kompyuter o’zaro ta’siri. Loyihalash bosqichi
Foydalanuvchi interfeysini ishlab chiqish.
Foydalanuvchi interfeysini ishlab chiqishni birinchi bosqichi, bu loyihanilayotgan soxa haqida va unga tegishli bo’lgan ma’lumotlarni o’rganib chiqishga qaratilgan.

Bu esa, ishlab chiqilgan dasturning ehtiyojlarini, qobiliyatlarini va imkoniyatlarini ta'riflovchi "foydalanuvchi modeli" ni yaratishga imkon beradi,

chiqishda amaliy ko'nikmalarga ega bo'lish, jumladan, dasturning maqsad va dastlabki talablarini aniqlash, foydalanuvchilarni tahlil qilish va foydalanuvchini talab hamda takliflarini inobatga olish.

Vazifa

1. 
   Dasturiy mahsulotni qo’llanilish soxasini aniqlash
   
2. 
   Dasturdan kimlar foydalanishini aniqlab olish
   
3. 
   Foydalanuvchi haqida ma’lumot beruvchi model qurish (profil). Zarur bo’lsa, foydalanuvchilarni guruhlarga ajratish (admin, user, moder).
   
4. 
   Tuzilgan model asosida, foydalanuvchilar talablarini bajarilishi uchun turli xil senariylar yaratish.
   
5. 
   Dasturning funksional bloklarini va ular orasidagi navigatsiya sxemasini belgilab olish.
   

Ish yo’riqnomasi

Barcha laboratoriya mashg'ulotlarini bajarish uchun, talabalar o'zlarining ilgari ishlab chiqilgan dasturlaridan foydalanishi maqsadga muvofiq. Bu masalan, Java dasturlash tili bo’yicha kurs ishi yoki dasturlash texnologiyasi bo’yicha kurs ishi bo’lishi mumkin. Bundan maqsad, mavjud dasturni qayta ishlash va shu bilan birga "Inson va kompyuter o’zaro ta’siri" faniga aloqador tarzda yangi bilimlarni o’rganishdir.

Qo’llanilish soxasi

Foydalanuvchi interfeysini yaratishda, loyihani barcha jihatlarini to’g’ri aniqlab olish asosiy omil hisoblanadi.

Masalan, tizim uchun biror bir umumiy dasturni ishlab chiqish haqida gap ketadigan bo’lsa, unda foydalanuvchi uchun konsol oynasini o’zini yaratish yetarli bo’ladi. Masalan, buxgalteriya tizimi uchun dastur ishlab chiqilayotgan bo’lsa, unda grafik interfeyssiz ishlab chiqishni iloji yo’q. Qo’llanilish soxasi ana shuning uchun ham oldindan belgilanib olishi kerak.

Keyingi bosqich, foydalanuvchilar auditoriyasini aniqlash, ya’ni dasturdan foydalanadigan muayyan foydalanuvchilar guruhini aniqlab olish. Masalan, o’quv darslik o’yinlari nafaqat 3-5 yoshli bolalarni o’z ichiga olishi, balki ularni ota-onalari uchun ham qiziqarli bo’lishi zarur. Albatta bunda foydalanuvchi guruhiga ko’ra, o’yin imkoniyatlari va masalalar turli xil ko’rinishda taqdim qilinadi.

Foydalanuvchi modeli, yoki profil, foydalanuvchi guruhlarining tahlili natijasida shakllanadi. Bu guruh vakillarining o'ziga xos xususiyatlarini aks ettiradi va foydalanuvchilar haqida quyidagi ma'lumotlarni taqdim etishi mumkin:

• 
  Ijtimoiy va demografik xususiyatlar (yosh, jins, asosiy til, kasb-hunar, ehtiyojlar, odatlar va boshqalar).
  
• 
  Kompyuter savodxonligi darajasi
  
• 
  Foydalanuvchi tomonidan qo’yiladigan maqsad va vazifalar
  
• 
  Atrof muhit (ish joyi, tizim konfiguratsiyasi, ishlatiladigan operatsion tizimi va boshqalar)
  
• 
  Ma'lum maqsadli guruh talablari
  

O’z oldida turgan bir yoki bir nechta foydalanuvchi profillarini va ularga qo’yiladigan vazifalarni aniqlaganlaridan keyin ular keyingi loyihalash bosqichiga o’tadilar. Bu foydalanuvchi senariylarini tuzish bilan bog’liq holat.

Ssenariy - bu foydalanuvchi o'z maqsadiga erishish yo'lida muayyan vazifalarni bajarishi doirasida amalga oshiradigan harakatlar tavsifi. Shubhasiz, bir qator vazifalarni hal etish orqali aniq maqsadga erishish mumkin. Har bir foydalanuvchi ularni turli yo'llar bilan hal qilishi mumkin, shuning uchun bir nechta ssenariylarni yaratish kerak. Ular qanchalik ko'p bo'lsa, ayrim asosiy ob'ektlar va operatsiyalar o'tkazib yuborilish ehtimolligi past bo'ladi.