I(q-q). indd

21.
Yeger gaz 20°C da 2 l ko’lemge iye bolsa, 100°C da qanday ko’lemdi iyeleydi? 
Bunda basi’m turaqli’ bolg’an.
22.
20°C temperaturada jabi’q i’di’stag’i’ gazdi’n’ basi’mi’ 1000 kPa yedi. Gaz 
qi’zdi’ri’li’p, temperaturasi’ 200°C g’a jetkerilgende woni’n’ basi’mi’ qanday 
ma’niske yerisedi?
23.
Suyi’qli’q sali’ng’an bak germetikali’q (ti’g’i’z) bekitilgen. Suyi’qli’qti’n’ 
u’stinde hawa bar. Yeger baktin’ to’mengi bo’limindegi awzi’ ashi’lsa, belgili 
mug’dardag’i’ suyi’qli’q ag’i’p tu’skennen keyin woni’n’ bunnan keyingi ag’i’wi’ 
toqtaydi’. Ne ushi’n sonday boladi’? Suyi’qli’qti’n’ yerkin ag’i’p tu’siwin 
ta’miyinlew ushi’n ne qi’li’w kerek?
24. 
Yeger gaz 27°C da 6 l ko’lemge iye bolsa, 77°C da qanday ko’lemdi iyeleydi?
Molekulyar fi zika ha’m termodinamika tiykarlari’

---

47
25. 
Gaz temperaturasi’ 60 K g’a artqanda woni’n’ ko’lemi 1 l g’a artadi’. Yeger tem-
peratura ja’ne 30 K g’a artsa, ko’lemi da’slepki ko’lemge qarag’anda qanshag’a 
artadi’?
26.
Yeger hawa 3 K g’a qi’zdi’ri’lg’anda woni’n’ ko’lemi da’slepki kolemnin’ 1% 
ine artsa, hawani’n’ baslang’i’sh temperaturasi’ qanday bolg’an?
27.
Izobarali’q processte gazdi’n’ ti’g’i’zli’g’i’ ha’m absolyut temperaturasi’ 
arasi’ndag’i’ baylani’s qanday boladi’?
28.
Kislorodti’n’ ti’g’i’zli’g’i’ azotti’n’ normal jag’daydag’i’ ti’g’i’zli’g’i’na ten’ 
boli’wi’ ushi’n kislorodti’ normal basi’mda qanday temperaturag’a shekem 
qi’zdi’ri’w kerek?
29.
27°C temperaturada jabi’q i’di’stagi gazdi’n’ basi’mi’ 75 kPa yedi. –13°C tem-
peraturada basi’m qanday boladi’?
30.
Bekitilgen i’di’stag’i’ gazdi’ 140 K g’a shekem qi’zdi’rg’anda basi’m 1,5 yese 
artsa, i’di’stag’i’ gaz da’slep qanday temperaturada bolg’an?
31. 
Izoxorali’q processte birlik ko’lemdegi gazdi’n’ molekulalari’ni’n’ sani’ menen 
absolyut temperatura arasi’ndag’i’ baylani’s qanday boladi’? Izobarali’q processte 
ne?