Ish stolida yuqoridagilardan tashqari ish natijalarini qayd etish uchun laboratoriya jurnali bo’lishi mumkin

Reaksiyani bajarish:
Buyum oynachasiga 1 tomchi natriy tuzining eritmasidan tomizib, ustiga 1 tomchi ruxuranilatsetat eritmasidan tomiziladi. 1-2 minutdan keyin mikroskop ostida tetraedrik yoki oktaedrik shakldagi kristallarni ko’rish mumkin.
Kaliy geksagidroksostibat (V) bilan mikrokristalloskopik reaksiyasi
Kaliy geksagidroksostibat (V) K[Sb(OH)₆] neytral, kuchsiz kislotali yoki kuchsiz ishqoriy sharoitda natriy ioni bilan mayda kristallik Cho’kmani hosil qiladi:
Na⁺+[Sb(OH)₆]^-= Na[Sb(OH)₆](ch)
Litiy va ammoniy ionlari reaksiya olib borishga xalaqit beradi. Nitrat ioni kristall Cho’kmani hosil bo’lishini sekinlashtiradi. Kuchli kislotali sharoitda oq amorf Cho’kma meta surma kislotasi hosil bo’ladi.
Reaksiyani bajarish:
Buyum oynasiga 1 tomchi natriyning eritmasidan tomizib, ustiga bir tomchi K[Sb(OH)₆] eritmasidan tomizing, 2-3 min so’ng mikroskop ostida kristall shakllarni kuzating. Kristall shaklini laboratoriya jurnaliga chizing.
Natriyning uchuvchan tuzlari gaz gorelkasining alangasiga tutilganda , alanga sariq rangga bo’yaladi (farmakopik usuli), reaksiya sezgirligi yuqori.
Reaksiyani bajarish:
Natriy xloridni bir nechta kristalldan nixrom simiga olib, gaz gorelkasiga tutiladi. Alanga sariq rangga bo’yaladi.
KALIY KATIONNING ANALITIK REAKSIYALARI K⁺ (3S²3P⁶)
Natriy geksanitrokobaltat (III) (NGNK) bilan reaksiyasi (farmakopik usuli)
Kaliy kationi NGNK bilan sirka kislotali yoki neytral sharoitda sariq Cho’kmani hosil qiladi:
2K⁺+Na⁺+[Co(NO₂)₆]^3-=K₂Na[Co(NO₂)₆](ch)
Reaksiyani bajarish:
Probirkaga 1-2 tomchi kaliy tuzining eritmasiga Na₃[Co(NO₂)₆] eritmasidan 1-2 tomchi tomizing. Sariq rangli mayda kristallik Cho’kma hosil bo’ladi. Reaksiyani bajarishda ammoniy va litiy kationlari xalaqit beradi.