Ishlab chiqaruvchi tashkilot: Toshkent tibbiyot akademiyasi Gematologiya

O‘tkir postgemorragik anemiya 
O‘tkir postgemorragik anemiya qisqa vaqt ichida ko‘p qon ketishi bilan 
xarakterlanadi. O‘tkir postgemorragik anemiya diagnostikasida ob’ektiv ko‘rik va 
instrumental tekshirish natijalari katta ahamiyatga ega. Bu turdagi anemiya 
sitologik diagnostikasida qon ketishdan keyin o‘tgan vaqt katta ahamiyatga ega: 
1. Periferik qonda: 

qon ketishdan so‘ng normoxrom, normositar anemiya kuzatiladi; 

4-5 kundan so‘ng retikulositlar soni oshadi, polixromafiliya - 
polixromatofil bo‘yalgan eritrotsitlar, yadroli eritrotsitlar - normositlar paydo 
bo‘ladi; 

---

19 

10 kundan so‘ng temir tanqislik anemiyasi belgilari rivojlanadi (eritrotsitlar 
mikrositozi, gipoxromiyasi, poykilositozi).
2. Mielogrammada normoblastik turdagi qon yaratish, 4-5 kundan so‘ng 
eritroid qator giperplaziyasi kuzatiladi. 
Gemolitik anemiyalar 
Gemolitik anemiyalar tug’ma va orttirilgan bo‘ladi. Gemolitik anemiyalar 
uchun xos bo‘lgan sitologik belgilar: 
1. Periferik qonda: 

eritrosit va gemoglobin kamayishi; 

eritrositlar normoxromiyasi (faqat talassemiyada eritrotsitlar gipoxromiyasi 
va mikrosferositoz da giperxromiyasi kuzatiladi); 

eritrotsitlar normositozi (faqat mikrosferositozda eritrositlar diametri 
kichrayadi); 

retikulositlar oshadi;

tug’ma gemolitik anemiyalarda eritrositlar shakli o‘zgaradi: 

mikrosferositozda kichik 5-6 mkm, giperxrom eritrositlar paydo bo‘ladi; 

ovalositozda ovalsimon erirotsitlar paydo bo‘ladi; 

akantositozda yulduzcha shakldagi eritrositlar paydo bo‘ladi; 

stomatositozda og’iz shakldagi gipoxrom zonali eritrotsitlar paydo bo‘ladi; 

o‘roqsimon hujayrali anemiyada normal holatda eritrotsitlar shakli 
o‘zgarmaydi, faqat kuchli gipoksiya holatida gemolitik kriz bo‘lib, o‘roqsimon 
eritrotsitlar - dakriotsitlar paydo bo‘ladi; 

talassemiyada nishonsimon, gipoxrom eritrotsitlar - kodositlar paydo 
bo‘ladi.