Ishlanmalari

Bilimlarni mustahkamlash uchun o‘yin: “Zakovat”.

O‘yinning borishi: bolalar 4 jamoaga bo‘linadilar.

1-shart. Har bir jamoa oldiga quticha qo‘yiladi. Qutichada har-xil qalinlikda yoki bir xil qalinlikdagi narsalar solingan. Tarbiyachi 1-jamoaga 3 ta eng qalin narsalardan, 2-jamoaga eng yupqa 3 ta, 3-jamoaga 3 ta bir-biriga nisbatan yupqaroq, 4-jamoaga 3 ta bir-biriga nisbatan qalinroq narsalarni olib stol ustiga terishlarini aytadi. Bolalarning to‘g‘ri bajargan ishlari uchun bitta sovg‘a beriladi.

2-shart. Xaltacha ichidagi narsani ko‘rmasdan paypaslab ushlab ko‘rib, bir-biriga nisbatan qalinroq, yupqaroq yoki bir-xilligini aytib berish.

3-shart. Narsani uzoqdan ko‘rib, ko‘z bilan chamalab qalinroq, yupqaroq yoki bir xilligini aytish.

O‘yin jamoalar ishtirokini, to‘plangan sovg‘alarni hisoblab baholash bilan yakunlanadi.

Bilimlarni aniqlash va mustahkamlash uchun savollar:

1. 
   Gazlama, karton va taxta bir-biriga nisbatan qanday ko‘rinishda? (qalinroq)
   
2. 
   Ro‘molcha bilan sochiqning qaysi biri yupqaroq?
   
3. 
   Guruhimizda bir xil qalinlikdagi narsalar bormi?
   
4. 
   Qog‘oz qalinmi yoki karton?
   
5. 
   YOzgi kiyimlarimiz qalinmi yoki yupqami?
   

Faoliyat yakunida barcha bolalarni shirin so‘zlar bilan rag‘batlantirish.