Ishlanmalari

Mavzu: Oval shakli bilan tanishtirish

Maqsad:

• 
  Bolalarda oval shakli haqida tasavvur hosil qilish.
  
• 
  Nutqida “oval” so‘zini to‘g‘ri qo‘llay olish ko‘nikmasini shakllantirish.
  
• 
  Oval shakli va doira shaklining farqini o‘rgatish.
  

Kutilayotgan natijalar:

• 
  Bolalar oval shaklini bilib oladilar.
  
• 
  Nutqida “oval” so‘zini to‘g‘ri qo‘llashni o‘rganadilar.
  
• 
  Oval shakli bilan doira shaklining farqini bilib oladilar.
  

Kerakli jihozlar:

• 
  Sim, ip (ikki uchi birlashtirilgan).
  
• 
  To‘g‘ri to‘rtburchak shaklidagi oq qog‘oz.
  
• 
  Kvadrat, doira, uchburchak va to‘g‘ri to‘rtburchak, oval shakli 8 tadan.
  

Faoliyatning borishi:

Tarbiyachi: Bolajonlar, men hozir sizlarga bir sehrli sim ko‘rsataman. Bu simdan xohlagan shaklni hosil qilish mumkin. Mana men hozir shu simdan doira shaklini yasayman. Bolalar, yaxshilab e’tibor berib turinglar, men shu doira shaklini 2 tomonidan ushlab bir oz cho‘zaman. Bolalar, qaranglar, bu shakl endi qanday shaklga o‘xshab qoldi. Sizlar bu shaklning nomini bilmaysizlar, bu shakl doira shakliga bir oz o‘xshash, lekin cho‘zinchoq. Qani eslanglarchi, bu shakl sizlar yaxshi ko‘rib eydigan bir narsaga o‘xshar ekan, to‘g‘rimi? To‘g‘ri, u tuxumga o‘xshaydi. SHuning uchun ham bu shaklga o‘xshash narsalarni tuxumsimon deb ham aytishadi. Lekin bu shaklning o‘z nomi bor. Bu shaklning nomi oval. Hammamiz birgalikda aytamiz-oval. YAna bir marta aytamiz-oval.