Ishlanmalari

Bolalar bilimini mustahkamlash uchun o’yin: “Domino”.
“Domino” o’yini uchun tayyorlangan kartochkalarda butun, yarimta holda tasvirlangan kvadrat, doira shakllari bo’ladi. Bolalar bu kartochkalarni bo’lib oladilar va domino o’yini qoidalariga rioya qilib o’ynaydilar. Faqat o’yin davomida qanday shaklning butun yoki 1 ta qismini qo’yganligini ovoz chiqarib aytishi lozim.


Bolalar bilimini tekshirish va mustahkamlash uchun savollar:
1. Ikkita qismdan nechta butun yasash mumkin?
2. Bitta butunni nechta qismga bo’ldik?
3. Butun kichkinami yoki qismmi?
4. Qanday holda qism hosil bo’ladi?
5. Butun kattami yoki qism kattami?
6. Kvadratning 2 dan bir qismini ko’rsating
Faoliyat yakunida bolalarni rag’batlantirish.

Fazoviy tasavvur

Mavzu: Atrofdagi narsalarning o’ziga nisbatan vaziyatini so’z bilan ifodalash ko’nikmasini mustahkamlash
Maqsad:

• Bolalarning fazoviy tasavvurlarini rivojlantirish.

  
  

Kutilayotgan natijalar:

• Bolalarda atrofdagi narsalarning o’ziga nisbatan holatini aniqlay olish ko’nikmasi shakllanadi.

  
  

• Bolalar atrofdagi narsalarning o’ziga nisbatan vaziyatini so’zda ifodalashni o’rganadilar.

  
  

Kerakli jihozlar:

• Qo’g’irchoq.

  
  

• O’yinchoq jihozlar to’plami.

  
  

• Turli o’yinchoqlar.

  
  

• Oq qog’oz, qalam, 2 ta tayoqcha.

  
  

Faoliyatning borishi:

Tarbiyachi: Bolajonlar, bugun xonamizdagi ba’zi jihozlarning va buyumlarning joyini o’zgartiramiz. Sizlar menga yordam berasizlar. Oldin joyini o’zgartiradigan jihozlarni ko’rib olsak: shkafcha, stollar, stullar, guldon, qalamdonlar, gullar.

Bolalar: O’ng tomonga shkafni qo’yamiz. Xonaning o’rtasiga stol-stullar qo’yiladi. Shkafga guldon va gullarni qo’yamiz. Qalamdonlarni stollarning ustiga qo’yamiz.

Tarbiyachi: Juda yaxshi bolalar, to’g’ri joylashtirdingiz. Kamol, shkaf sening o’ng tomoningdami yoki chap tomoningda? Lola, stol sening oldingdami yoki orqangda?
Jihozlarni yana boshqacha holda joylashtirish mumkinmi?
Bolalar jihozlarni turli usulda joylashtirib izohlab beradilar.