Jizzax davlat pedagogika instituti jizzax politexnika instituti qoshidagi akademik
Download 0.66 Mb. Pdf ko'rish
|
3380-Текст статьи-15061-1-10-20201031
AHLOQIY QADRIYAT – insoniy fazilat va xislatlar uyg’unligini o’zida
mujassamlashtirgan, jamiyatdagi ijtimoiy tartiblar, xuquq, odob normalarini anglash, unga rioya qilish, xamda qadrlash asosida takomillashib boradigan umuminsoniy fazilatning xam fikriy, xam amaliy me’yorlari majmui. 8
“Qadriyat” tushunchasi va mohiyati. XX asrning boshida fransuz faylasufi P. Lappi qadriyatlar nazariyasini ifodalash uchun “aksiologiya” (yunon. “axios”- “qadriyat”, “logos” – “fan”, “ta’limot”) atamasini muomilaga kiritdi.
Qadriyatlar haqidagi ta’limot aksiologiya deb nomlandi. Aksiologiya - inson va jamiyatning moddiy ehtiyojlari, manfaatlari va ma’naviy ehtiyojlari orasidagi obyektiv bog’lanishlarni anglab, ma’naviy qadriyatlar va ehtiyojlarni o’ziga xos ko’rinishi sifatida ta’riflaydi; Qadriyatlarning tarixiy taraqqiyot bosqichlaridagi shart-sharoitlardan kelib chiqishini, qadriyatlar turli davrlarda o’zgarib turishini, qadriyatlar tarkibidagi unversal umuminsoniy, ayrim millatlar va madaniyatlarga xos qadriyatlar borligini aniqlaydi; Qadriyalar rang-barangligini asoslaydi va inson manfaatlari, baxt saodati uchun, tabiat, jamiyat taraqqiyoti uchun qaysi qadriyatlarning muhimligi darajalarini belgilaydi; Inson manfaatlari, huquqlari va shaxs erkinligini hozirgi jahon taraqqiyoti jihatidan ustuvor qadriyatlar ekanligini belgilaydi; Madaniy, ma’rifiy va diniy meros bo’lgan qadriyatlarni egallashning zarurligini asoslaydi.
Qadriyatlarning inson hayotidagi o’rnini aniqlashda gnoseologik, sosiologik va ontologik yondoshuvlar dialektik birligini qo’llanilishi talab etiladi. Bu quyidagicha izohlanadi:
-birinchidan, kishilik jamiyatining ilk davrlarida insonning shu hayotda yashay olish qobiliyatini o’stirishi asosiy qadr-qimmatga ega bo’lgan;
-ikkinchidan, qadriyat, tarixiy tajribalar, asosan, ma’naviy qadriyat orqali bir davrdan ikkinchi bir davrga yangicha mazmun va shakl birligida o’tib boradi, bir avloddan ikkinchi avlodga yetkazib beriladi. Shu ma’noda qadriyatning tarixiy taraqqiyot jarayonida rivojlanishi har bir davrga o’ Z
ta’sirini o’tkazib borishi bilan belgilanadi;
-uchinchidan, jamiyatning qadriyatlarga asoslangan hayoti, madaniyati, siyosiy, axloqiy, ilmiy, huquqiy, diniy qarashlari o’zaro ichki aloqaga kirishadilar va ma’naviy qadriyatning ichki atributlariga aylanadilar;
-to’rtinchidan, qadriyatlarga mujassamlashgan jamiyat taraqqiyoti uchun xizmat qiladigan xolatlar va jarayonlar insonning ma’naviy kamolotini belgilaydigan mezondir; -beshinchidan, istiqlol tufayli O’zbekiston jamiyatining ma’naviy yangilanishida, yangi qadriyatlarning shakllanishi va rivojlanishida obyektiv sharoit va subyektiv omillar yuzaga kelib, ularning roli ortib bormoqda. Qadritlar inson,ijtimoiy guruxlar va uyushmalarning biron-bir ehtiyojlarni qondirish, ularning manfaatlari va ezgo’ niyatlariga xizmat qilishga qodir moddiy va ma’naviy predmetlar, shu predmetlarga nisbatan bo’lgan munosabatdir. Inson va jamiyat uchun ahamiyatli bo’lgan narsa va hodisa qadriyatga, qadriyatli xislatga ega bo’ladi. Atrof-borliqda odamlar e’tiboridan chetda qoladigan, ular qadriyat sifatida qaramaydigan hodisalar juda kam. Shu sababli qadriyatlar, tabiat hodisalari, jamiyatdagi jarayonlar, insoniy xatti-harakatlar va tuyg’ular kabi ko’pdir. Ammo bu fikr ayrim insonni emas, balki butun insoniyatni nazarda tutgan taqdirdagina o’rinlidir. Ayrim insonda qadriyatlar, ya’ni uni qiziqtirgan hodisalar doirasi juda
9 tor, cheklangan bo’lishi ham mumkin. Inson shaxsiyatining torligi uning hayot qadriyatlari, qiziqishlar sonining ozligi va ularning xususiyatida namoyon bo’ladi. Inson voqyelikka nisbatan turli munosabatda (ijtimoiy, iqtisodiy, siyosiy, mafkuraviy va xakozolar) bo’ladi. Voqyelikka bo’lgan munosabatlar doirasida inson predmeti va hodisalarni, o’zini ehtiyojlarini qondirish uchun o’rganadi, biladi, o’zlashtiradi, ularga baho beradi, ahamiyatini aniqlaydi. Mana shu baho berish, ahamiyatini aniqlash paytida inson va predmet o’rtasida qadriyatli munosabat paydo bo’ladi. Bilishda narsa va hodisalarni mohiyati, xususiyatlari in’ikos etiladi, ularga baho berishda inson uchun ahamiyati, uni qaysi ehtiyoji qondirilishi aniqlanadi. Birinchi gnoseologik munosabat doirasida amalga oshirilsa, ikkinchisi qadriyatli munosabatni bildiradi. Munosabatni asosida aloqadorlik, bog’lanish, o’zaro qaramlik yotadi. Qadriyatli munosabat zamirida esa inson va tevarak-atrof o’rtasidagi bog’lanishga olib keladigan inson ehtiyoji yotib, u narsalarga faol munosabatda bo’lishga, bu munosabatni ro’yobga chiqishi, baho berishi, qadrlash, predmetlarni inson uchun ahamiyati ochib berish bilan yakunlanadi. Demak, inson va voqyelik o’rtasidagi bog’lanish: birinchidan, zaruriyatchilik, insonni tevarak-atrofsiz (undan modda, energiya, ashyo, bilish uchun in’ikos, obrazlar olmasdan) yashay olmasligi; ikkinchidan, tabiat va jamiyatdagi predmetlar va tizimlarga nisbatan muhtojlik, talab, xojat, keraklik shaklida qadriyatli munosabatni yuzaga keltiradi/ Tabiatda mavjud bo’lgan predmetlar, tizimlar jamiyatda ishlab chiqilgan mahsulotlar manfaat, zaruriyatchilik asosida o’rnatilgan qadriyatli munosabat doirasida bir necha xil ehtiyojlarni qondirishlari mumkin, shu bois, xilma-xil qadriyatli belgilarga, xislatlarga ega bo’ladilar. Masalan, ichish vositasi bo’lgan piyola o’zining, foydali xususiyatli tufayli iste’mol qiymati, moddiy ne’mat sifatida qadriyatli tomonini namoyon etadi. Mehnat maxsuloti va tovar ayriboshlash buyumi bo’lganligidan piyola iqtisodiy qadriyat, qiymat sifatida maydonga chiqadi. Agar piyola san’at buyumi bo’lsa, u vaqtda u estetik qadriyatga, nafosatga ham ega bo’ladi. Manfaatlar, ehtiyojlar ma’naviy xarakterga ega bo’lishi mumkin. Bunda, turli ijtimoiy manfatlar va ehtiyojlarni qondiradigan g’oyalar, ta’limotlar (qondirish baho berishda namoyon bo’ladi: yaxshilik va yomonlik, adolat va adolatsizlik, axloqiy qoidalar va xakozolar) qadriyatga aylanadi. Inson faoliyatining barcha sohasi qadriyatli munosabat bilan o’ralgan. Qadriyatli munosabat va baholash orqali inson o’z faoliyatini yo’naltiradi, boshqaradi, kamolotga erishadi. Har qanday xatti-harakat, xatto insonlarning fikrlari ham ijtimoiy va individual qiymatga ega bo’ladi. Shaxs va jamiyat ehtiyoj-lari va manfaatlarining rang-barangligi qadriyatlarning murakkab tizimida o’z aksini topadi. Bu qadriyatlar turli asoslarga ko’ra tavsiflanadi. Kishining moddiy ehtiyojlarini bevosita qondiruvchi narsalar – ishlab chiqarish vositalari, mehnat qurollari va boshqalar moddiy qadriyatlar; siyosiy, huquqiy, falsafiy, diniy, axloqiy sohalarga oid qadriyatlar ma’naviy qadriyatlar deb ataladi. Har qanday qadriyat ijtimoiy taraqqiyot jarayonida muayyan tarzda
10
namoyon bo’lib, inson bilan tabiat, inson va inson munosabatlarini o’zida aks ettiradi hamda jamiyat rivoji jarayonida takomillashib boradi. Shu nuqtai nazardan yondoshganda, qadriyalarning ahamiyati turli davrlarda turlicha bo’lgan va bo’ladi. Insoniyatni o’rab turgan borliq, atrof-muhit, jonli va jonsiz tabiatning eng muhim tomonlarini ifodalaydigan qadriyatlar umumbashariy xususiyatlarga ega. Bular inson va ular ongiga bog’liq bo’lmagan, kishilarning irodasiga bo’ysinmaydigan tashqi olam hamda borliqning yashashi, harakati, makon, zamondagi o’zgarishlar bilan bog’liq jarayonlarni ifodalaydigan eng muhim va umumiy qadriyatlardir. Borliq, tabiat va ular bilan bog’liq qadriyatlar jamiyat va inson bo’lmasa ham yashay oladi, ammo inson bu qadriyatlarsiz yashay olmaydi. Bu jihatdan umumbashariy qadriyatlar jamiyat uchun hyech qachon o’z ahamiyatini yo’qotmaydigan, adabiy, mutlaq va muqaddas qadriyatlardir.
Qadriyat va qadriyatlar quyidagi xususiyat va belgilarga ega: - birinchidan, ular inson ongi, dunyoqarashi, yon-atrofga, ijtimoiy borliqqa, boshqa “Men”larga subyektiv munosabatining ifodasi;
- ikkinchidan, olamni, hayotdagi o’zgarishlar va hodisalarni anglashga qaratilgan gnoseologik tajribasining maxsuli;
- uchinchidan, ontologik asosiga ega bo’lsa-da, o’zi-o’zi uchun subyektiv voqyelik kongnitiv hodisa, fenomen;
- to’rtinchidan, ular barqaror tushunchalar sifatida obyektiv hodisalar va o’zgarishlar ketidan ergashib ketavermaydi, balki nisbiy mustaqil fenomen tarzida ularni izohlaydi, talqin qiladi, lozim topsa, rad etadi;
-beshinchidan, qadriyatlarning obyektiv borliqdan va hodisalardan nisbiy mustakilligi ularni ijtimoiy hayotdan, undagi jarayonlardan alohida qarashga asos bulolmaydi;
- oltinchidan, qadriyatlarni ontologik asosi bilan dialektik bog’liqlikda qarashgina ularning ijtimoiy ahamiyatga ega fenomen ekanligini anglashga yordam beradi;
- yettinchidan, har qanday ikki hossa: funksional ahamiyat va shaxsga doir mazmun bilan tavsiflanadi. Qadriyatning funksional ahamiyati – bu narsa yoki g’oyalarning ularni mazkur jamiyatda qadriyatga aylantiruvchi ijtimoiy muhim xossalari, funksiyalarining majmui. Masalan, muayyan g’oyaga ma’lum informasion mazmun va uning xaqqoniylik darajasi xos. Qadriyatning shaxsga doir mazmuni - bu uning inson ehtiyojlariga bo’lgan munosabati. Qadriyatning shaxsga doir mazmuni bir tomondan, qadriyat funksiyalarini bajaruvchi obyekt bilan belgilanadi, boshqa tomondan esa, insonning o’ziga bog’liq bo’ladi;
-sakkizinchidan, milliy va
umuminsoniy qadriyatlar dialektik bog’liqdigida, uyg’unligida rasional va irrasional, real va transsendental jihatlar borligini unutib bo’lmaydi, faqat ulardagi integrativ belgilarni topish muammoni ilmiy xal etishga yetaklaydi. Download 0.66 Mb. Do'stlaringiz bilan baham: |
ma'muriyatiga murojaat qiling