Joba: Ma’mleketlik kadastri tu’sinigi ha’m onın’ mazmunı

5-Tema: Aymaqlardı kadastr boyınsha bolıw kartaların tayarlaw tártibi
Joba:

1. 
   Aymaqlardi kadastr boyınsha bo’liw kartalardı tayarlaw ta’rtibi
   
2. 
   Aymaqlardı kadastr boyınsha bo’liw materiallarına o’zgerisler kiritiw ta’rtibi.
   

Aymaqlardi kadastr boyınsha bo’liw kartalardı tayarlaw ta’rtibi.
Rayon, qala ha’m qalashalardın’ aymaqların kadastr boyınsha bo’liw kartografiyalıq materiallarda (kartalar, planlar yamasa sxemalarda) a’melge asırıladı.
Rayon, qala ha’m qalashalardın’ aymaqların kadastr boyınsha bo’liw ushın ha’r qanday qolay masshtabta bar rayon awıl xojalıg’ı kartaları, topografiyalıq kartalar tiykarinda rayon, qala ha’m qalashalardın’ arnawlı electron kartaları ha’m planları tayarlanadı.
Qala ha’m qalashalalardın’ topografiyalıq kartaları bolmag’an tag’dirde, olardın’ arnawlı sxemalari tayarlanadı. Usı sxemalarda zonalardın’, massivlerinin’ ha’m kvartallarının’ shegaraları o’tetug’ın topografiyalıq elementler (jollar, kanallar, salmalar, kollektorlar, zaborlar h.b.) anıq tu’sirilgen bolıwı za’ru’r.
Aymaqlardı kadastr boyınsha bo’liw kartaları, planları, sxemalarının’ masshtabı ha’r qanday bar yamasa jan’a payda bolg’an jer ushastkasının’ qaysı kvartall aymag’ına kiriwin anıq belgilew imkanın jaratıwı kerek.
Aymaqlardı kadastr boyınsha bo’liw kartalarda, planlarda, sxemalarda zonalardın’, massivlerdin’ ha’m kvartallardın’ shegaraları ha’m kodları ayırıqsha ren’lerde ko’rsetiledi.
Aymaqlardı kadastr boyınsha bo’liw kartaları, planları, sxemaları olardi du’ziwshi qanige ha’mde rayon (qala) jer resursları ha’m ma’mleket kadastrı bo’limleri baslıg’ı ta’repinen imzalanadı, rayonlar (qalalar) arxitektura ha’m qurılıs basqarmaları (bo’limleri) menen kelisiledi.


Aymaqlardı kadastr boyınsha bo’liw materiallarına o’zgerisler kiritiw ta’rtibi
O’zbekistan Respublikası Ministirler Kabinetinin’ 2001 jıl 31 dekabrdegi 492-sanlı qararına muwapıq Qaraqalpaqstan Respublikası Ministirler Ken’esi, walayatlar ha’m Tashkent qalası ha’kimlerinin’ qararları menen aymaqlardı kadastr boyınsha bo’liw materialları tastıyıqlang’annan keyin eski ta’rtipke muwapıq jer ushastkalarına berilgen kadastr nomerleri belgilengen ta’rtipte muwapıq o’zgertiriledi.
O’zbekistan Respublikası Ministirler Kabinetinin’ 2001 jıl 31 dekabrdegi 492- sanlı qararına menen tastıyıqlang’an “O’zbekistan Respublikası aymaqların kadastr boyınsha bo’liw ha’mde jer ushastkaları, bina ha’m inshaatlardın’ kadastr nomerlerin du’ziw ta’rtibi haaqqında nızamg’a muwapıq bo’lingen zonalar, massivler ha’m kvartallar, tiykar saqlap qalınadı.
Aymaqların kadastr boyınsha bo’liw a’melge asırılg’annan keyin adminstrativlik-aymaqlıq sistemag’a o’zgerisler kiritilgen tag’dirde, aymaqların kadastr boyınsha bo’liw kartalarına, planlarına ha’m sxemalarına tiyisli o’zgerisler kiritiledi.
Rayonlar tamamlang’anda, olardın’ kodları biykar qılınadı ha’m bul kodlar paydalanılmaydı. Tazadan rayonlar du’zilgende, olarg’a na’wbettegi kod beriledi, a’meldegi zonalar, massivler ha’m kvartallar, ilajı barınsha saqlap qalınadı.
Rayong’a boysınıwshı qalalar tu’rine o’tkizilgen walayatqa boysınıwshı qalalar aymaqlar quramındag’ı adminstrativlik aymaqlar qurılmalar quramınan shıg’arıp taslandı. Bunda walayat boyınsha rayonlar (qalalardın’) aldıng’ı berilgen kodları qayta ko’rip shıg’ılmaydı ha’m aldın’g’ı kodları saqlanıp qalınadı.
Walayatqa boysınıwshı qalalar rayong’a boysınıwshı qalalar tu’rine o’tkeriliwi mu’na’sibeti menen, olar rayon ko’leminde zona retinde qabıl qılınadı ha’m olarg’a na’wbettegi zona kodı beriledi. Usı qalalarda aldın du’zilgen zonalar ha’m olardın’ kodları biykar qılınadı, massiv ha’m kvartallar aldın berilgen kodlar menen saqlanıp qalınadı.
Rayong’a boysınıwshı qalalar Walayatqa boysınıwshı qalalar tu’rine o’tkerilgende, olarg’a adminstrativlik aymaqlar qurılmalar retinde na’wbettegi kod beriledi ha’m olardın’ kadastr boyınsha bo’liwdi saqlanıp qalınıwı mu’mkin.
Awıl xalqı punktleri qalashalar tu’rine o’tkizilgende, olarg’a zona retinde na’wbettegi kod beriledi ha’m olardın’ kadastr boyınsha bo’liniwi saqlanıp qalınıwı mu’mkin.
Jer ushastkaları, bina ha’m inshaatlar haqqında mag’lumatlar bazasında, barlıq kadastr hu’jjetlerinde olardın’ kadastr nomerleri tolıq jazıladı.
Belgilengen ta’rtipke qarsı ra’wishte berilgen kadastr nomerleri kadastr mag’lumatları bazasında ha’m basqa kadastr hu’jjetlerinde tiyisli ra’wishte tuwrılanadı.
Rayon (qala) boyınsha zonalar, massivler ha’m kvartallardın’ jan’adan dizimi du’ziledi. Bunda jer ushastkasınin’ kodı keltirilmeydi.
Rayon (qala) boyınsha zonalar, massivler ha’m kvartallardın’ jan’adan dizimi ha’mde aymaqlardı kadastr boyınsha bo’liw kartaları, planlari, sxemaları rayon (qala) ha’kimlerinin’ qararları menen tastıyıqlanadı, olardın’ qararları Qaraqalpaqstan Respublikası Ministirler Kabineti, walayatlar ha’m Tashkent qala ha’kimlerinin’ qararlari menen tastıyıqlanadı.
Keyinshelik adminstrativlik-aymaqlıq sistemalar quramında o’zgerisler payda bolıwı mu’na’sibeti menen aymaqlardın’ kadastr boyınsha bo’liniwinde ju’zbergen o’zgerisler rayon (qala) ha’kimlerinin’ qararları menen tastıyıqlanadı, olardın’ qararları Qaraqalpaqstan Respublikası Ministirler Kabineti, walayatlar ha’m Tashkent qala ha’kimlerinin’ qararlari menen tastıyıqlanadı