3-sinf bitiruvchisiga qo'yiladigan malaka talablari quyidagilardan iborat: maqsad va orzu-umidlarini amalga oshirishga harakat qiladi; ma'suliyatini anglaydi; ahillik, kechirimlilik, rahm-shafqatli kabi sifatlarga ega bo'ladi; o'z fikrini bildira oladi; bag'rikenglik, sabr-qanoat, shukronalikni namoyon qiladi; yangilikka intiladi; jamoadagi o'z o'rnini his qiladi. 4-sinfbitiruvchisiga qo'yiladigan malaka talablari quyidagilardan iborat: hayotiy maqsadlari shakllanadi; to'g'ri ha rakatlarni qo'llab-quvvatlaydi va amal qiladi; jarayonlarga tanqidiy munosabat bildira oladi; tashabbuskorligini namoyon qiladi; mas'uliyatini anglaydi; tejamkor (tabiiy va moddiy resurslarni avaylaydi) bo' ladi; sog'lom fikrga ega bo'ladi; etika qoidalari haqida tushunchaga ega bo'ladi.
”Tarbiya” fani uchun umumiy o'rta DAVLAT TA'LIM STANDARTI
1-bob. Asosiy qoidalar
”Tarbiya” fani uchun umumiy o'rta ta'limning davlat ta'lim standarti (keyingi o'rinlarda Davlat ta'lim standarti deb ataladi) maqsad va vazifalarini, davlat ta'lim standartining talablariga rioya etilishini nazorat qilish tartibini belgilaydi.
Davlat ta'lim standartini ishlab chiqish quyidagi hujjatlarga asoslanadi:
O'zbekiston Respublikasi Konstitutsiyasi;
”Ta'lim to'g'risida”gi O'zbekiston Respublikasi Qonuni;
”Kadrlar tayyorlash milliy dasturi to'g'risida”gi O'zbekiston Respublikasi Qonuni;
O'zbekiston Respublikasi Prezidentining ”Ma'naviy-ma'rifiy ishlar samaradorligini oshirish va sohani rivojlantirishni yangi bosqichga ko'tarish to'g'risida” 2017-yil 28-iyulgi PQ-3160-son qarori;
O'zbekiston Respublikasi Vazirlar Mahkamasining ''Umumiy o'rta ta'lim muassasalarida ”Tarbiya” fanini bosqichma-bosqich amaliyotga joriy etish choratadbirlari to'g'risida” 2020-yil 6-iyuldagi 422-sonli qarori;
Davlat ta'lim standartini bajarish O'zbekiston Respublikasi hududida faoliyat ko'rsatayotgan barcha umumiy o'rta ta'lim jumladan nodavlat ta'lim muassasalari) muassasalari uchun majburiydir.
Do'stlaringiz bilan baham: |
