Kashta tikishda asqotadigan ashyolar

Chiroyli kashta o'zaro faoliyat: materiallarni tanlash xususiyatlari. Chiroyli o'zaro to'qilgan naqshni kashta qilish uchun nafaqat eng mos naqshni tanlash, balki asosiy materiallarni to'g'ri tuzish haqida ham g'amxo'rlik qilish kerak. Aynan: Kashtado'zlik uchun iplar maxsus to'plamlarda sotiladi, shuning uchun kerakli ranglarni tanlash qiyin bo'lmaydi. Kashtachilik» to‘garagi mashg‘ulotlarida kompyuter, noutbuk, proyektor, tarqatma materiallardan unumli foydalangan holda o‘quvchi qizlarda hunarmandlikka qiziqish uyg‘otmoqdaman.

Mashg‘ulotni kashta elementi bo‘lgan buyumlarni tarqatish bilan boshlayman. O‘quvchi qizlarning buyumga bergan ta’rifidan so‘ng slayd orqali ma’lumot beraman:

— Kashtachilik hunar­mand­chilikning eng qadimiy turlaridan biri bo‘lib, xalq ijodkorligini ifo­dalaydi va uning turmushiga mazmun baxsh etadi. Kashtali kiyim va buyumlarga nafaqat mam­lakatimiz, balki chet elda ham qiziqish bilan qaraladi. O‘zbek chevarlari tikkan kirpech, so‘zana, zar­devor, gulko‘rpa, choyshablar Fran­siya, Italiya, Yaponiya, Germaniya, Belgiya, AQSh, Hindiston kabi xorijiy davlatlarda ham mashhur. Xalq amaliy san’at muzeylarida kashta namunalari eksponat vazifasini o‘tamoqda. 





Kashta tikishda asqotadigan ashyolar

Igna, angishvona, qaychi, metr-lenta, ilmoqli va ilmoqsiz bigiz va chambarak zarur. Asos uchun oq, kulrang, och sariq, och jigarrang surp, bo‘z, shoyi, baxmal, chit yoki satin kabi matolardan birini tanlaymiz. Sidirg‘a matoda naqsh aniq-tiniq ko‘rinadi, rangli iplarning aksariyatini uyg‘unlashtirib tikish mumkin. Gul, rasm, naqsh chizish uchun yumshoq va qattiq qalam, daftar, chizg‘ich, albom, o‘chirg‘ich, millimetrlangan qog‘oz, nusxa ko‘chiradigan qog‘oz va shaffof qog‘oz tayyorlab olamiz.

Gazlama va ip tanlash

Kashta tikish uchun, avvalo, gazlamani to‘g‘ri tanlash kerak. So‘ngra buyum nimaga mo‘ljal­langanini bilib olish zarur. Bezakning turiga qarab, tikish usuli tanlanadi. Kashta tikiladigan materialga ipni moslab tanlash katta ahamiyatga ega. Misol uchun, sariq rangli matoga oq, qizil rangli matoga jigarrang, yashil rangli gazlamaga ko‘k ipni yurgizish maqsadga muvofiq emas. Agar rang to‘g‘ri tanlanmasa, chevarning ko‘zi toliqadi va mahsulot ham jozibador
chiqmaydi.