Keys stadi vaziyat

KEYS STADI
Vaziyat. Shohruh 7 yoshda. U yoshligidan e’tiboran yelimlash, rasm chizish, qurishga qiziqadi. SHohruh yaxshi rasm chizadi, plastilindan turli narsalar yasaydi, ajoyib konstruktsiyalar yaratadi, ijodiy xayol suradi. Tarbiyachining bolani badiiy studiyaga berish taklifiga SHohruhning ota-onasi, u sport bilan shug’ullanishi kerak degan qarorga kelib, rad javobini berishdi. Bog’chada SHohruh hech kim bilan do’stlashmaydi, bolalar bilan ko’pincha nizoga kirishadi. Agar bolalardan biri uni rasm chizishiga, uycha qurishiga yoki boshqa o’yinlariga qo’shilmoqchi bo’lsa, SHohruh ko’pincha ularni qo’ymadi. U bolalarga aralashmaydi, uni o’z sevgan mashg’ulotidan chalg’itish yoki e’tiborini boshqa narsaga qaratish qiyin, ya’ni “bola o’zi bilan”.
Keysga savol- vazifa:
Sizning harakatlaringiz qanday bo’ladi?
Yechim variantlari:
1-variant. Shohruhning o’zini-o’zi baholashi juda past holatda. Uning bahosi ota-onasi tomonidan tan olinmagan. Bolaning o’zini-o’zi baholashini rivojlantirishga harakat qilish kerak, tanlovlarda qatnashishni taklif etish lozim. SHohruhning muvaffaqiyatlarini ota-ona va bolalar baholashlari uchun, uning ishlarini ko’rgazmalarga qo’yish lozim.
2-variant. Sotsiometrik uslubdagi tadqiqot o’tkazish, bolani afzal ko’rish, uni ochish va turli umumiy vazifalar bergan holda, bolalar bilan yaqinlashtirishga harakat qilish, bolalar bilan birgalikda faoliyat ko’rsatishga tortish kerak.
3-variant. Ota-ona bilan ish olib borish. Ularga bolaning qiziqishini ko’rish va tushunishga yordam berish. SHohruh unga tavsiya etilayotgan mashg’ulotga qiziqqan bo’lishi, faqat “onasi aytganligi uchun emas”, balki unda moyillik va qiziqish bo’lgani uchun, qo’shimcha ta’lim tanlashda bolaning fikrini hisobga olishni taklif etish. Sport bilan yakshanba kunlari oilaviy shug’ullanish ham mumkinligini tushuntirish.
Xulosa qilib aytganda,Interfaol metod – ta’lim jarayonida ta’lim oluvchilar hamda ta’lim beruvchi o’rtasidagi faollikni oshirish orqali ta’lim oluvchilarning bilimlarni, ma’lumotlarni o’zlashtirishini faollashtirish, shaxsiy sifatlarini rivojlantirishga, takomillashtirishga xizmat qiladi. Interfaol metodlardan foydalanish ta’lim jarayoni samaradorligini oshirishga yordam beradi. Interfaol metodlarning bir necha xil turlari mavjud bo’lib,ular orasida Keys-stadi metodi o’ziga xos o’ringa ega.Metodning asosiy vazifasi muammoli vaziyatlar,qiziqarli o’quv keyslari orqali ta’lim oluvchining hayotiy vaziyatlar bilan tanishishi hamda o’sha vaziyatlarga doim tayyor turishiga imkon yaratadi.Ta’lim jarayonida keys-stadi metodini qo’llashda ta’lim oluvchilarning keyslarni yechish jarayoni, bosqichlari alohida ahamiyatga ega.Chunki bu jarayonda ta’lim beruvchi ta’lim oluvchi bilan individual shaklda yoki bo’lmasa ta’lim oluvchilar bilan jamoa holatda ishlash imkoniyatiga ega bo’lar ekan.Ta’lim oluvchilarning o’zaro hamkorlik texnologiyasi amalga oshadi.Bundan tashqaribu interfaol metod ta’lim jarayoni samarali amalga oshishini ta’minlab beradi.