Kimyoviy-texnologiyalar fakulteti «oziq-ovqat texnologiyasi» kafedrasi «analitik fizik kolloid kimyo»

2. Sulfat kislota bilan o‘tkaziladigan rеaksiya.
H₂SO₄ va uning eruvchan tuzlari qo‘rg‘oshin ionlari bilan qo‘rg‘oshin sulfatining oq
cho‘kmasini hosil qiladi:
Pb(NO₃)₂ + H₂SO₄ = PbSO₄↓ + 2HNO₃
Pb²⁺ + SO₄^2- = PbSO₄↓
Qo‘rg‘oshin sulfat o‘yuvchi ishqorlar bilan qizdirilganda erib, plyumbitlar hosil qiladi. PbSO₄ + 4KOH = K₂PbO₂ + K₂SO₄ + 2H₂O
PbSO₄ + 4OH^- = PbO₂^2- + SO₄^2- + 2H₂O
Rеaksiyaning bajarilishi. Qo‘rg‘oshin tuzining 2-3 tomchi eritmasiga 3-4 tomchi sulfat
kislota qo‘shiladi. Olingan cho‘kmaga ozroq ishqor quyiladi va aralashma qizdiriladi. Cho‘kmaning erishi kuzatiladi.
3. Kaliy xromat bilan o‘tkaziladigan rеaksiyalar.
K₂CrO₄ yoki Na₂CrO₄ qo‘rg‘oshin ionlari bilan qo‘rg‘oshin xromatning sariq rangli cho‘kmasini hosil qiladi:
Рb²⁺ + K₂CrO₄ = PbCrO₄↓ + 2K⁺
Cho‘kma sirka kislotada erimaydi, lеkin nitrat kislota va ishqorlarda eriydi.
4. Kaliy yodid bilan o‘tkaziladigan rеaksiya.
KI qo‘rg‘oshin ionlari bilan issiq suvda, kaliy yodidning ortiqcha miqdori va sirka kislotada eriydigan sariq cho‘kma hosil qiladi:
Pb(NO₃)₂ + 2KI = PbI₂↓ + 2KNO₃
Pb²⁺ + 2I^- = PbI₂↓
PbI₂ + 2KI = K₂[PbI₄]
Rеaksiyaning bajarilishi. Qo‘rg‘oshin nitratning 2-3 tomchi eritmasiga shuncha kaliy yodid qo‘shiladi. Olingan cho‘kmali eritmaga 8-10 tomchi distillangan suv quyiladi va cho‘kma to‘liq eriguncha qizdiriladi. Shundan so‘ng eritmali probirka vodoprovod jo‘mragi ostida suvda sovutiladi yoki asta-sеkin sovutish uchun probirka shtativga qo‘yiladi. Tilla rang-sariq tangasimon cho‘kma tushishi kuzatiladi. Cho‘kmaga bir nеcha tomchi kaliy yodid eritmasi tomiziladi va uning erishi kuzatiladi: