Kirish mavzuning dolzarbligi va zarurati

Muammoning o’rganilganlik darajasi: “Transport” ilmiy tushunchasi va
“transportning turizmda tutgan o’rni”ning nazariy va uslubiy jihatlari, xorijiy
olimlardan M.B.Birjanov, D.Bouen, F.Brunetti, K.Vipmaer, R.Davidson,
A.P.Durovich, F.Kazarin, N.I.Kabushkin, V.A.Kvartalnov, F.Kotler, U.Martini,
K.Peter, M.TAmma va boshqalarning ilmiy asarlarida yoritib berilgan.
Mamlakatimizda transport xizmatlari sohasini o’rganishda A.N.Norchaev,
A.F.Saidov, A.Taksanov, N.Tuxliev, I.S.Tuxliev, T.Toshmuratov va boshqalarning
hissasi katta bo’lib, ular mazkur sohaning xalq xo’jaligidagi o’rni, uni boshqarishni
nazariy va amaliy asoslari hamda rivojlantirish istiqbollarini o’zlarining asarlarida
yoritganlar.
Tadqiqotning ob’yekti: Aholiga transport xizmatini sifatini yaxshilash va yoʼlovchilarning manzillariga oʼz vaqtida yetib borishlarini taʼminlash masalalarini tadqiq etish.
Tadqiqotning predmeti: Transport xizmatini boshqarishni takomillashtirib, bu borada ilmiy izlanishlar olib borish, tadqiqotlar o‘tkazish.
Tadqiqotning maqsadi: Avtomobillarda yo’lovchi tashish jarayonini tashkil etishda unumli ishni tashkil qilish, sarf xarajatlarni qisqartirish, tashish madaniyatini oshirib borish, shuningdek, malakali mutaxassislarni tayyorlash kabilardan iborat.
Tadqiqotning vazifalari: Mazkur mavzu bo’yicha
viloyatimizda transport vositalarining o’rni va ahamiyati to’g’risida chuqur tahlil
olib borib, bilim-ko’nikmalar hosil qilish va oldimizga qo’ygan vazifalarga
erishish. Qo’yilgan maqsaddan kelib chiqqan holda quyidagi
vazifalarini bajrarish ko’zda tutiladi:

• 
  Transport xizmatlarini ta’minlashda transport vositalarining o’rni va
  ahamiyatini chuqur tahlil qilib o’rganib chiqish;
  
• 
  Aholiga avtomobil transportida xizmat ko’rsatish darajasi
  hamda sifatini o’rganish;
  
• 
  Fuqarolarga avtomobil transportida tashish jarayonini va holatini tahlil qilib o’rganib chiqish.
  
• 
  Yurtimizda transport xizmatini ko’rsatishdagi erishilgan yutuqlarni
  ko’rsatib berish;