Kitob mening do‘stimsan!

She’r. Kitob deydi
Tanishaylik men kitob,
Asl bilimlarga kon.
Boylik beray behisob,
Bo‘lsang agar qadrdon.
Lekin yirtib burdalab,
Kamaytirma varag‘im.
Sendan yana bir talab,
Iflos qilma hech yog‘im.
1-BOSHLOVCHI: — Yana donolar fikrlariga quloq tutaylik.
1-BOLA: — Kitoblar aql farzandlari.

1. 
   Svift.
   

2-BOLA: — Kitob fikrlash qobilyatimizni harakatga keltiruvchi ixchamgina quroldir. U aqliy tamballigimiz bilan kurashishimizda bizga ko‘maklashuvchi tafakkur, quvvat.
3-BOLA: — Kitoblar jonsiz, ammo sodiq do‘st­dir.

1. 
   Gyugo.
   

4-BOLA: — Biror yaxshi kitobni o‘qib o‘z xayotlarida mutlaqo yangi lavha ochgan kishilar ozmunchami?!

1. 
   Gyugo.
   

5-BOLA:— Goho odam kitobni o‘qib tugatganda mutlaqo o‘zgarib qoladi. Eng mag‘rur aql egalari-yu, o‘ta nazokatli shaxslar ham bu joziba qarshisida bo‘yin egadilar.

1. 
   Gyugo.
   

6-BOLA: — Kitobni qadrlamoq kerak, bu tafakkur qasriga izzat ehtirom bilan qadam qo‘ymoq lozim.
7-BOLA: — Kitob yolg‘izlikka do‘st, uni o‘qish bilan odam o‘zligini anglaydi.
J.Dyuamen.
8-BOLA: — Yurakka tekkan birinchi kitob-bamisoli birinchi muhabbat.U kelgusida insonning butun tuyg‘ular olamini beixtiyor o‘ziga jalb etadigan jilvagar ko‘zgudir.
J.Dyuamen.
1-BOSHLOVCHI: — Aziz bolajonlar, kitob haqida qancha gapirsak ozlik qiladi. Biz kitobning qadriga yetib, uni asrab-avaylashimiz kerak. Kitob aql chirog‘i, kitob bebaho boylik. Kitob xazina, bilim.
2-BOSHLOVCHI: — Hurmatli ustozlar, aziz bolajonlar. Shu bilan bugungi “Kitob — mening do‘stimsan” mavzusidagi tadbirimiz o‘z nihoyasiga yetdi. Barchangizni kutubxonamizning faol kitobxonlari bo‘lib qolasiz, deb umid qilamiz.