Konveyer elektr motori quvvatini tanlash. Reja

Konveyer elektr motori quvvatini tanlash.

Reja:

1. 
   Tortish kuchlarini diagrammalarini qurish;
   
2. 
   Konveyer motorining quvvati aniqlash.
   

Tayanch so’z va iboralar: texnologik jarayonlarining shartlari, statik qarshilik momentini, konveyer trassasi, yuritma stansiyasi, tortish stansiyasi.

Konstruktiv jihatidan konveyerlar xilma-xilligiga qaramasdan ularni elektr yuritmalarini tanlashda bir guruhga birlashtirsa bo’ladi. Texnologik jarayonlarining shartlari bo’yicha bunday mexanizmlar tezlik bo’yicha boshqarilishi talab etilmaydi. Faqat ayrim konveyerlarda chuqur bo’lmagan 2:1 doirasida tezlik bo’yicha boshqarilish qo’llanilishi mumkin. Konveyerlarning motorlari atrof muhitning turli sharoitlarida ishlaydi. Ko’pincha yuqori changlikli, namli, past yoki yuqori haroratli xonalarda, ochiq havoda, agressiv muhitli sexlarda ishlatiladi.

Konveyerlarning o’ziga xos xususiyati-bu to’xtab turganidagi statik qarshilik momentining qiymati katta bo’lishi. Odatda bir necha sabablarga ko’ra uning qiymati nominal momentdan katta bo’ladi. Jumladan, ishqalanadigan qismlar orasidagi moy qotib qolishi. Shuning uchun konveyerlarning elektr yuritmalariga yuqori ishonchliligi, xizmat ko’rsatish oddiyligi hamda ishga tushirish paytida yuqori moment ta'minlanishi kabi talablar qo’yiladi.
Konveyerlar elektr yuritmalarining motor quvvatini tanlash asta sekin yaqinlashish usuli asosida barcha mexanik jihozlarini hisoblash va tanlash bilan birga amalga oshiriladi. Tanlashning birinchi qadamida tortish kuchi va taranglanishni tahminiy birlamchi qiymati aniqlanadi va ularga asoslanib motor quvvati va mexanik jihozlarni dastlabki tanlovi bajariladi. Tanlashning ikkinchi qadamida konveyer uzunligini hisobga olgan holda taranglanish bog’lanishning aniq grafigi quriladi. Grafik qurilganidan so’ng elektr yuritma o’rnatilish joyi tanlanadi, motor va mexanik jihozlar olingan tortish kuchi va taranglanish bo’yicha tekshiriladi.
Konveyerni loyihalash va ishlatish tajribasidan kelib chiqgan holda tortish kuchi va taranglanishini birlamchi qiymatini aniqlash uchun ko’p formulalar mavjud. Ulardan biri quyida keltirilgan:
,
bunda T – konveyerning taranglanishi, N;
F - motor bartaraf qilishi kerak bo’lgan kuch, N;
– dastlabki taranglanish, N;
- yuk ko’tarish bilan bog’liq kuch, N;
- ishqalanish tufayli vujudga keladigan umumiy kuch, N.
Konveyerning tortuvchi organining tortish kuchi va taranglanishi bo’yicha motor va mexanik jihozlarini dastlabki tanlovi bajariladi.
Tortish kuchlarini diagrammalarini qurish uchun konveyerning barcha ko’tarilishlari va tushirishlari, yuritma va taranglash stansiyalari, yo’naltiruvchi qismlar va barabanlar bilan konveyer trassasi chiziladi. So’ng konveyerning eng kam yuklangan bo’limidan boshlab, har bir qicmdagi sarflarni hisobga olib, konveyerning to’la uzunligi uchun tortuvchi organining taranglanishi topiladi.



A –yuritma stansiyasi; B- tortish stansiyasi.
23.1-rasm. Tasmali konveyerdagi tortish kuchlarining diagrammasi.
Konveyer motorining quvvati quyidagi formula bo’yicha aniqlanadi:
,
BundaP – motor quvvati, kWt;
– tortish organining keluvchi bo’limidagi tortish kuchi, N;
– tortish organining harakatlanish tezligi, m/s;
– dastlabki taranglashish, N;
– yuritma mexanizmining F.I.K.