Kurs ishi investitsiya loyihalarini moliyalashtirishning manbalari mundarija

3-rasm. Investitsiya loyihalarini moliyalashtirish usullari va manbalari¹²
Shuningdek, investitsiyalarni moliyalashtirishning bozor mexanizmlariga xos bo’lgan aralash shakldagi moliyalashtirish, xo’jalik sub’ektlari va aholining bo’sh mablag’larini to’g’ridan-to’g’ri investitsiya ob’ektiga yo’naltirish, byudjetdan tashqari jamg’armalarning mablag’lari evaziga moliyalashtirish kabilarni ham kiritish mumkin.

2. BOB. INVESTITSIYA LOYIHALARINI MOLIYALASHTIRISH MANBALARI QIYMATINI BAHOLASHNI TAKOMILLASHTIRISH

   1. O’zbekistonda investitsiya loyihalarini moliyalashtirish manbalari qiymatini baholash bilan bog’liq muammolar

Investitsiya loyihalarini moliyalashtirish manbalarini izlab topish va ularni moliyalashga jalb qilish hozirgi vaqtda investitsiya faoliyatidagi eng asosiy muammolardan biri hisoblanadi. Bozor iqtisodiyotiga o’tish munosabati bilan O’zbekiston Respublikasida moliyalashtirish manbalarining qiymatini baholashda tanqisliklar vujudga kelmoqda.
Bunda investitsion faoliyatni asta-sekin nodavlat sektoriga o’tib borishi, xususiy, jamoa, qo’shma korxonalarning yaratilishi va rivojlantirilishi ham investitsiyalarni moliyalashtirish manbalarining tasnifiga katta ta’sir ko’rsatdi. Masalan, xususiy yoki jamoa mulki bo’lgan korxonalar uchun korxona egalarining shaxsiy jamg’armalari ichki manba vazifasini o’tashi mumkin. Ya’ni, xorijiy firmalar bilan birgalikda egalik qilinayotgan korxonalar uchun xorijiy mulkdorning investitsiyalari mazkur korxona uchun ichki manba deb qaraladi. Bozor munosabatlari takomillashib borgani sari korxonalar investitsion faoliyatini moliyaviy ta’minlash manbalari ham tobora rang-barang bo’lib bormoqda.
Investitsiya loyihalarini moliyalashtirish manbalari qiymatini baholashda o’zlik, qarz, jalb qilingan mablag’lar tarkibiga qanday mablag’lar kirishini ko’rishimiz mumkin bo’ladi. Mulkchilik shakllariga ko’ra davlat, xususiy va xorijiy investorlar mablag’lariga ajratib o’rganishimiz mumkin. Davlatning investitsion resurslariga turli soliqlar va majburiy yig’imlardan tashkil topgan soliqli daromadlari soliqsiz daromadlarining bir qismi, xususiy investitsion resurslarga iqtisodiyotning turli sohalarida faoliyat yurituvchi xo’jalik sub’ektlarining turli fondlarda jamlangan mablag’lari va jismoniy shaxslarning mablag’lari kiradi.

Umuman olganda, investitsiya loyihalarini moliyalashtirish manbalari qiymatini baholash ishlab chiqarishni tashkil etish jihatlarini o’zgartirib, iqtisodiy rivojlanishni xorijiy investitsiyani jalb etish rag’batlantirib boradi. Bunday moliyalashtirish mulkchilikning turli shakllariga mansub xo’jalik yurituvchi sub’ektlar faoliyatini yanada samarali bo’lishiga yordamlashadi, xo’jalik amaliyotida asta-sekin bosqichma-bosqich iqtisodiy o’sishni kengaytirishga, xorijiy investitsiyalarni jalb qilish imkoniyatini oshiradi, takror ishlab chiqarishni har tomonlama jadallashtirishga imkon beradi, xususiy sektorni investitsiyalash imkoniyatlarini kengaytiradi.