Курс ишларига қўйиладиган умумий талаблар

Курс иши тили ва услуби
Курс иши ёзиш учун “илмий услуб” қулланилади. Мазкур услуб “оғзаки” ва бошқа услублардан фарқланади.


Курс ишини шакллантириш
Титул варағида тепадан пастга қараб қуйидаги риквизитлар жойлаштирилади

• 
  Ўқув юртининг тўлиқ номи
  
• 
  Факультетнинг тўлиқ номи
  
• 
  Кафедра номи
  
• 
  Курс иши мавзуси (мавзу сўзини ёзиш шарт эмас)
  
• 
  Курс иши муаллифи ҳақида маълумот (курс ва гуруҳ)
  
• 
  Илмий раҳбар ҳақида маълумот (илмий даражаси, унвони кўрсатилган ҳолда)
  
• 
  ОЎЮ
  
• 
  Курс иши ёзилган йил
  

Курс иши одатда, компьютерда ёзилади. Матн А4 форматдаги қоғознинг бир томонига жойлаштирилиб, 14 шрифт 1,5 интервалда ёзилади. Ҳар бир саҳифа 29 қатордан иборат бўлиши лозим. Чапдан 30мм, ўнгдан 10мм, юқоридан 20мм, пастдан 25мм жой қолдирилади. Абзац 5 белгига тенг масофадан иборат бўлиши керак. Рақамлаш титул варағидан бошланиб “1” рақами қўйилмайди. 2-бет – мундарижа. Мундарижада курс ишининг барча структуравий элементлари кетма-кетликда санаб ўтилади ва белгиланган бўлимлар (параграфлар, пунктлар) бошланувчи бетлар кўрсатилади. “2” тартиб сони қўйилади ва курс ишининг кейинги бетлари иш охиригача кетма-кетликда саҳифаланади.
Кейинги бетларда курс иши матни жойлаштирилади. Ҳар бир структуравий қисм янги саҳифадан бошланади. Параграф ва матн орасидаги масофа 3 интервалга тенг бўлиши лозим. Худди шунча масофа пункт ва матн орасида ҳам қолдирилади. Курс иши ёзишнинг зарурий талаби (кўриб) олинган материалга библиографик иқтибоз (сноска)лар қўйишдир. Иқтибозларнинг 2 усули мавжуд: сноска ва изоҳ. Фойдаланилган манбааларга бериладиган иқтибозлар манбаа саҳифаси кўрсатилиб, библиографик рўйхатда жойлашган рақамини квадрат қавс ичига олиб келтирилиши мумкин. Масалан, Васильев В.А. [3, р.118-119] Бундан ташқари, ҳавола (сноска) саҳифа сўнггида берилиши мумкин.
Ҳимоя қилиш тартиби қуйдагича:

• 
  Муаллифнинг олиб борилган тадқиқоти ва унинг асосий натижалари тўғрисидаги қисқача маълумоти (5-7 дақиқа)