Kózleri bárhá jaynap turadı, Hárdayım bizlerdi oylap turadı

Ustazlar

Kózleri bárhá jaynap turadı,

Hárdayım bizlerdi oylap turadı,
Bizler ushın bar bilimin beredi,
Bilim nurın shashqan ustazlar.

Mektebimniń kórkine kórk qosqan,

Hámmen bárseni bilip aytqan,
Bizdi tuwrı jolǵa salǵan,
Bilim nurın shashqan ustazlar.

Bizlerdi óz perzentindey kórip,

Qáte joldan ketsek qaytarıp,
Tuwrı joldan bárhá júrgizip,
Bilim nurın shashqan ustazlar.
2015

Qaraqalpaq qızları

Óńir monshaq háykel túme taǵınıp,
Shıqsa qızlar suw qabaǵın asılıp,
Kórgen jigit qalsın hayran lal bolıp,
Qaraqalpaqtıń iybe-nazlı qızları.

Shıńqobızdı shertip nama dóretken,

Qosıq jazıp qolında qálem tebiretken,
Qızlar shıqsın sonday miynetkesh elimnen,
Qaraqalpaqtıń sharshamas hesh qızları.

Qosıq jazıp jazıp eldiń arın arlaydı,

Baqsı bolıp eldiń jırın jırlaydı,
Zulfiya sıylıǵı menen tanılıp dúnyaǵa,
Qaraqalpaqtıń sonday sulıw qızları.
29.07.2019

Timur Nuratdinovqa

(Qosıqshı Timur Nuratdinovqa)

Sózimdi dawam eteyin,

Íqlasbent bolmay neteyin,
Sizge arnap ele kóp,
Qosıqlar jazıp bereyin.

Siz benen qurdım sáwbet,

Jáne qosıq jazǵım keldi,
Endi qosıqqa berip náwbet,
Kúndi mazmunlı ótkergim keldi.

Keleshekte ele siz,

Zor qosıq shıbolasız,
Alıp eldiń alǵısın,
Zor qosıqlar aytasız.
Iyul.2020

Dostım Erbolǵa

(Tuwılǵan kúnine arnalǵan)

Ayrılmastay bir dostım bar,

Búgin onıń tuwılǵan kúni,
Tuwılǵan kúniń qutlı bolsın,
Ómirde shın baxtıń bolsın.

Janıp turar kózleri,

Mehrge tolı júregi,
Hesh yadımnan ketpeydi,
Zakawatta aytqan sózleri.

Alla buyırsa oqıwǵa,

Byudjet bolıp kirerseń,
Súygeniń menen bir kúni,
Baxıtlı dáwran súrerseń.
13.06.2020

Ajapam
(Náziyra ajapama arnalǵan)

Biri kelse biri ketken dúnyadan,
Bilmedim qalay boldı bul zaman,
Sizden alǵan tárbiyamnan ırzaman,
Bul dúnyaǵa toymay ketken ajapam.

Bárhá sizdiń izińizden baraman,

Siz Náziyra, men Gúlayda bolaman,
Bazda sizge mende hayran qalaman,
Bul dúnyaǵa toymay ketken ajapam.

Mine, sizge uqsap qırsıq qız boldım,

Bergen aqılıńızdı sol waqta ildim,
Hárdayım jayıńız jánnetten bolsın,
Bul dúnyaǵa toymay ketken ajapam.

08.10.2022