Laboratoriya mashg’uloti-2 Mavzu: Isuzu avtomobillari texnik servisi texnologiyasi (2-soat) I. Ishdan maqsad: Izuzu

---

LABORATORIYA MASHG’ULOTI-2 
Mavzu: Isuzu avtomobillari texnik servisi texnologiyasi (2-soat) 
I.Ishdan maqsad: Izuzu avtomobillariga texnik servisi (TS) da bajariladigan ishlar va 
ularning tarkibi bilan tanishish va TS o’tkazish ko’nikmasi hosil qilish.
II.Ishning mazmuni: Ushbu laboratoriya ishi kafedraning laboratoriyasida yoki 
TXKS larning birida bajariladi va bunda talabalar Isuzu avtomobillari TS ida 
bajariladigan ishlar bilan amaliy jihatdan tanishadilar. 
III.Jihozlar va asboblar: Isuzu avtomobili, ko’rish chuqurchasi, chilangarlik 
asboblari majmui. 
IV. Ishni bajarish tartibi: 
1. Isuzu avtomobili TS ida bajariladigan ishlar tarkibi bilan tanishish. 
2. Davriy (har 8 ming km da) TS da bajariladigan ishlarni avtomobilda o’rganib 
ko’nikma hosil qilish.
V. Umumiy ma’lumotlar: 
“Samarqand avtomobil zavod” ma’suliyati cheklangan jamiyat (MChJ) 100 foizli 
milliy kapitali asosida, bankrot deb tan olingan oʼzbek-turk "SamKochavto" Qoʼshma 
korxona (QK) bazasida 2006 yil noyabr oyida tashkil etildi. Oʼtgan yil oktyabr oyida 
"Oʼzavtosanoat" АK turk Koc Holdingdan QK dagi uning ulushini 300 ming dollarga 
sotib oldi hamda QK va kreditorlar ikki tomonlama kelishuv tuzdilar. Kreditorlari 
korxonani moliyaviy ahvolini yaxshilash maqsadidagi chora-tadbirlaridan biri etib, 2006-
2008 yillar davomida Yaponiya Itochu Corp bilan 3752 avtokomplekt dvigatellar, 
transmissiyalar va shassi yapon ISUZU Motors avtobuslarini yigʼishni koʼzda tutgan 
shartnoma tuzdilar. "Аsaka" oʼzbek davlat-aksiyadorlik tijorat banki 6 mlrd soʼm ustav 
fondi bilan "Oʼzavtosanoat" АK lizing kompaniyasi "Oʼzavtosanoat-lizing" ni tashkil 
etdilar. 
1997 yili “АvtoVАZagregat” Samarqand Zavodi asosida aprel oyida avtozavod 
qurilishi boshlandi. Qurilish ishlari “DАMАS” turk qurilish montaj kompaniyasi 
tomonidan amalga oshirilgan. 
19-mart 1999-yil tijorat faoliyati boshlangan. Yuk koʼtaruvchanligi
1.5 dan 10 tonnagacha gacha boʼlgan 5 ta avtobus rusumi va 6 ta yuk tashish avtomobil 
rusumini oʼzlashtirish rejalashtirilgan. Birinchi yildayoq avtobusning
2 ta rusumi (M 23.9 va M 24.9) va yuk tashish avtomobillarining 3 ta rusumi (35.9, 80.12, 
65.9) oʼzlashtirildi. 

---

2000 yilda M 29.12 avtobus ishlab chiqarilishi oʼzlashtirildi. Bundan tashqari shu 
paytgacha zavodda 30 dan ortiq maxsus kuzov ishlab chiqarilishi oʼzlashtirildi. 
2001 yilda 120.14 yuk mashinasi va M 23.12 avtobusi ishlab chiqarilishi 
oʼzlashtirildi. 
2002 yilda M 50.12 avtobusi ishlab chiqarilishi oʼzlashtirildi.
Dekabr oyida halqaro ISO 9001:2000 standarti boʼyicha Sifat Menejmenti 
Tizimi sertifikatlandi. 
Ilmiy-texnik progress va ijtimoiy-iqtisodiy munosabatlarning surʼatini hisobga 
olgan holda, avtoservis korxonalarning kelajakda yana ham takomillashishi va faoliyati 
sohasining rivojlanish yoʼnalishlari quyidagilar boʼlishi mumkin: 
- avtoservis korxonalari xodimlarning malakasini doimiy oshirib borish, ayniqsa 
zamonoviy bilimlar hisobiga, shuningdek shijoatkor oʼzgarayotgan bozor iqtisodi 
miqyosida; 
- ishlab chiqarishni tashkil qilishning ahamiyatini va boshqarish sifatini 
kuchaytirish; 
-avtoservis korxonalari ishlab chiqarish infratuzulmasini zamonoviy uskunalar 
bilan jihozlash va shunga yarasha avtotransport vositalariga texnik xizmati koʼrsatish va 
taʼmirlash texnologik jarayonlarni qoʼllash, investitsiyalarni, shu jumladan chet ellardan 
ham, jalb qilish bilan mustaxkamlash; 
- servis tarmoqlariga axborot xizmati koʼrsatishni, avtomobillarga xizmat 
koʼrsatishda va servisni rejalashtirishda axborot texnologiyalarni qoʼllashni kengaytirish; 
- avtoservis tarkibida texnik tashxislashni ahamiyatini oshirish; 
- avtotransport vositalari va uning qismlarining kundalik texnik holati haqidagi 
axborotlarni qoʼllashni kengaytirish, xizmat koʼrsatish va taʼmirlashni rejalashtirish 
uchun avtotransport vositasini texnik holat bashoratlash, uni oʼziga xizmat koʼrsatishni 
boshqarish subʼektiga aylantirish; 
- texnik xizmat koʼrsatish va taʼmirlash tartibini nazorat qilish va xisobotini olib 
borishni hamda ularning natijalarini avtotransport vositalardan foydalanishda ahamiyatini 
oshirish; 
- firma servisini rivojlantirish; 
- respublikaning rivojlanayotgan xalqaro avtomagistral yoʼllar yoqasida servisni 
rivojlantirish; 
- avtotransport vositalarni ishga yaroqli holatda tutib turish ishlarini amalga 
oshirishda kichik tadbirkorlikning ahamiyatini jonlashtirish; 
-avtoservis korxonalari koʼrsatadigan xizmatlar roʼyxatini kengaytirish; 
- uzoq vaqt barqaror boʼladigan xizmatlarni va bunday xizmatlar isteʼmolchilari 
bilan davomli munosabatlarni yoʼlga qoʼyish; 
- avtoservisning turli koʼrinishlarini yaratish; 
- xalqaro sifat standartlarini qoʼllash bilan servis sifati menejmenti tizimini 
rivojlantirish; 

---

- avtotransport vositalar texnik servisi faoliyati xujjatlarini meʼyoriy bazasini 
takomillashtirish, bu sohada sertifikatsilash va standartlashtirishni rivojlantirish; 
- avtoservis korxonalari tashki koʼrinishi va ichki jixozlarni yaxshilash; 
- binolar, qurilmalar va uskunalarni bosqichma-bosqich modernizatsiya qilish.