Laboratoriyalıq jumıslardın` temaları

Laboratoriyalıq jumıs №4
Aminokislotalardi xromatografiya usılı menen anıqlaw.Beloklardın` izoelektrik tochkasın anıqlaw
Reje:
3.1.Aminokislotalardı xromatografiya usılı ja`rdeminde anıqlaw.
3.2. Beloklardın` izoelektrik nu`ktesin anıqlaw.
Sabaqtın` maqseti:
1.Sabaqtın` bilim beriwdegi maqseti: Talabalarg`a aminokislotalardı xromatografiya usılı ja`rdeminde anıqlaw ha`m beloklardın` izoelektrik nu`ktesin anıqlaw usılların teren`nen u`yretiw.
2.Ta`rbiya beriwdegi maqseti: talabalarda teoriyalıq alg`an bilimlerin a`meliyatta qollanıp biliw ko`nlikpelerin beriw arqalı olardın` sanasında ilimiy-materialistlik ko`z-qarastı qa`liplestiriw, Ana Uatandı, tuwılg`an Ana jerdi, onın` ta`biyatın suyiwge, milliy qa`diriyatlarg`a xurmet penen qarawg`a, miynetti ha`m ka`sipti suyiwge ha`m basqa da unamlı ta`rbiya ko`nlikpelerin alıwg`a ta`rbiyalaw.
3. Rawajlandırıwshılıq maqseti: Talabalarg`a bilim beriw protsessinde olardın` o`z betinshe erkin logikalıq oylap, a`shkaralıq sın ko`z-qaras penen teren` pikir juritiwge ha`m du`rıs juwmaqlar shıg`arıwg`a u`yretiw.
4. Sabaqtın` metodları: Ko`rsetpeli-demonstratsiyalı laboratoriyalıq sabaq
5. Sabaqtın` usılları: «Kritikalıq pikirlew», «Aqlıy xujim», «Menyu», «o`z ornın`dı tap» h.t.b. interaktiv usıllar arqalı o`tiw.
3.1.Aminokislotalardı xromatografiya usılı ja`rdeminde anıqlaw.
«Xromatografiya» termini birinshi ret rus botanigi Mixail Tsvet ta`repinan karbonat kal`tsiy arqlı o`simlik pigmentlerin onin` ekstraktlarınan ajıratıw protsesin belgilewde qollanilg`an. «xromatografiya» so`zi grek so`zinen kelip shıg`ıp «ren`» ha`m «jazıw» degendi an`latadı. Tsvettn` jan`alıg`ına shekem qag`az xromatografiyası g`ana belgili bolıp, qalg`an Xromatografiya turleri rus ilimpazının` jumıslarınan keyin payda boldı.
Ha`zirgi uaqıtta xromatografiya metodı dep aralaspalardın` o`z-ara aralaspaytug`ın yag`nıy fazası arasındag`ı ajıralıw jolına aytıladı. xromatografiyanın` ayrıqsha belgisi bunda bir faza statsionar (qozg`almaytug`ın faza), al u`shinshisi aralasıwı kerek ha`m birinshi fazanı tesip o`tedı.
Ba`rinen burın qozg`alıwshı faza rolin gaz yamasa suyıqlıq, al qozg`almaytug`ın fazanı-suyıqlıq yag`nıy qattı zat atqaradı.
Komponentlerdin` ajıralıwı yamasa eritpeler ulgisi adsorbtsiya tezligi eriwshen`ligi yamasa ha`reketinin` ha`m qozg`almaytug`ın faza menen o`zgesheligi sebepli o`tedi.
Sog`an tiykarlanıp xromatografiya turleri: gaz-suyıqlıq (GSX), gaz-adresorbtsiyalıq (GAX), suyıqlıq-suyıqlıq (SSX) , suyıqlıq-adsorbtsionlıq (SAX) bolıp bo`lınedi.
Xromatografiyanın` sistemaları to`mendegishe ko`riniste boladı.