Loyiha toshkent davlat yuridik universiteti

CHAPTER  VI.  VALIDITY  OF  INTERNATIONAL  TREATIES  IN  TIME  AND 
SPACE…………………………………………………………………………………………… 101 
6.1. Entry into force and validity of international treaties in time…………………………...……101 
6.2. Prolongation……………………………………………………………………......................103 
6.3. Termination and suspension of the operation of treaties……………………..………………104 
6.4. Territorial scope of treaties…………………………………………………………………...107 
 
 

9 
 
CHAPTER VII. APPLICATION OF TREATIES………………………………..………….. 111 
7.1. The concept of the application of international treaties…………………………....................111 
7.2. Internal law and observance of treaties……………………………………………………….113 
7.3. Constitution and international law…………………………………………………………….115 
7.4. Implementation of international treaties…………………………………………....................116 
 
Chapter  VIII.  MONITORING  THE  IMPLEMENTATION  OF  INTERNATIONAL 
TREATIES………………………………………………………..………………………………132 
8.1. The concept of monitoring the implementation of international treaties…………..…………132 
8.2. The international  monitoring  of the obligations following from  international treaties and their 
subjects…………………………………………………………………………………………….137 
8.3.  The  national  monitoring  of  the  obligations  following  from  international  treaties  and  their 
subjects…………………………………………………………………………………………….140 
 
CHAPTER IX. INVALIDITY OF TREATIES…………………………………..…………….147 
9.1. Validity and invalidity of international treaties………………………………………………147 
9.2. Relative invalidity of international treaties…………………………………...………………151 
9.3. The absolute invalidity of international treaties…………………………………....................160 
 
CHAPTER X. THE INTERPRETATION OF INTERNATIONAL TREATIES……...…….165 
10.1. The concept of the interpretation…………………………………………………………….165 
10.2. Supplementary means and object of the interpretation………………………………..…….167 
10.3. Principles and rules of the interpretation…………………………………………………….168 
10.4. Methods of the interpretation……………………………………………………..…………170 
 
CHAPTER 
XI. 
THE 
LEGAL 
SUCCESSION 
OF 
INTERNATIONAL 
TREATIES………………………………………………………………………………………..177 
11.1. General rules……………………………………………………………………………...….177  
11.2. The new independent states………………………………………………………...………. 179 
11.3. The legal succession because of the separation and association of the states……………….181 
 
CHAPTER  XII.  THE  LEGISLATION  OF  THE  INTERNATIONAL  TREATIES  OF  THE 
REPUBLIC OF UZBEKISTAN………………………………………………………….……. 188 
12.1. The legislation of the international treaties of the Republic of Uzbekistan……....................188 
12.2. Laws related to the international treaties of the Republic of Uzbekistan……………………190  
12.3. The initiatives of the international treaties of the Republic of Uzbekistan…...……………..192  
 
GLOSSARY……………………………………………………………………………...……….203 
 
REFERENCES………………………………………………………..………………………….207 

10 
 
KIRISH 
 
Shartnoma  va  kelishuvlar  insonlararo  muloqotning  zaruriy  instituti 
hisoblanadi.  Ularsiz  o’zaro  muloqot  mavjud  bo’lmaydi.  Ular  yordamida 
o’zaro hamkorlikdagi faoliyatlar kelishib olinadi, munozaralar hal qilinadi. 
Ularsiz  qadimgi  qabilalar  ham  davlatlar  ham  ish  yurita  olmaganlar. 
Shuning uchun ham davlatlararo munosabatlar huquqiy boshqarilishi kerak 
degan  fikr  shakllanmasidan  ancha  oldin  davlatlararo  shartnomalar  tuzish 
boshlanganligi tasodif emas. Shartnoma orqali qanchalik muhim masalalar 
hal  etilsa,  uning  muvaffaqiyati  ham,  ahamiyati  ham  shunchalik  muhim 
hisoblanadi.  Xalqaro  shartnomalarning  xalqaro  hamjamiyatdagi  o’rni 
masalasi  tarixdan  ko’plab  yuristlar  e’tiborini  jalb  etib  kelgan. 
Shartnomalar globalizatsiya sharoitida mutlaqo o’zgacha ma’no kasb etdi. 
Davlatlar borgan sari bir-birlari bilan chambarchas bog’lanib bormoqdalar. 
Hech  bir  davlat  boshqa  davlatlar  bilan  rivojlantirilgan  munosabatlar 
tizimisiz  faoliyat  olib  bormaydi.  Xalqaro  munosabatlarning  bu  murakkab 
tizimi shartnomalar va ular asosida tuzilgan xalqaro tashkilotlar yordamida 
tartibga solinadi. 
Xalqaro 
aloqalarni 
mo’tadil  ravishda  qo’llab  quvvatlashda 
shartnomalarning  ahamiyatidan  kelib  chiqib,  ularga  rioya  qilish  yuqori 
darajadaligi  bilan  ajralib  turadi.  Shartnomalarsiz  xalqaro  aloqalarning 
zamonaviy tizimi mavjud bo’la olmas edi. Shartnomalarga rioya qilmaslik, 
ularni bajarmaslik kabi alohida holatlar shuni izohlaydiki, ularning tarkibi 
mavjud  holatni  alohida  inobatga  olmagan  holda  tuzilgan.  MDH 
mamlakatlari  miqyosida  shartnomaviy  munosabatlar  tajribasi  bunga 
yaqqol misol bo’la oladi. 
Hozirgi  kunda  shartnomalar  davlatlarning  o’zaro  hamkorligidagi 
harakatlarining  deyarli  barcha  ko’rinishlarini  o’z  ichiga  olgan  murakkab, 
ko’pqirrali  global  tizimni  o’zida  mujassamlashtirgan.  Bu  jihati  bilan 
shartnomlar  davlatlarning  huquqiy  tizimidan  yuqorilab  o’zib  ketadi  va 
yangidan yangi muammolarni keltirib chiqaradi. Shartnomalarning tuzilish 
jarayoni  bir  maromda    o’sib  borishda  davom  etadi.  Bularning  barchasi 
xalqaro shartnomalarni o’rganishga dunyoning yangicha ko’rinishi va ilm-
fan taraqqiyotini hisobga olgan holda alohida o’zgacha ma’no beradi. 
Taklif  qilinayotgan  yondashuv  shartnomalarning  o’ziga  hos 
xarakterli  belgilariga  ishora  qiladi.  Xalqaro  huquq  sub’ektlari  o’rtasidagi 
kelishuvlar  ham  xalqaro  shartnoma  bo’la  oladi.  Shartnomaning  tub 
mohiyati  -  kelishib  olayotgan  tomonlarning  roziligi,  kelishuv  –  nafaqat 

11 
 
shartnomani,  balki  oddiy  xalqaro  huquq  normalarining  vujudga  kelish 
usulidir.  Bu  normalarning  orasidagi farq  ularning  tuzish  jarayoni  va  amal 
qilinishidir. 
Kelishuvlar tomonlarning erkin xohish – istagi, roziligini o’zida aks 
ettiradi.  Bu  xohish-istaklar  o’zaro  bog’liq  bo’lib,  ular  bir  tomonlama  (bir 
tomonning xohishi bilan) o’zgartirilishiga yo’l qo’yilmaydi. 
Shartnomalarda  yuzaga  chiquvchi  xohish-istak,  maqsadlar  qotib 
qolmaydi  (doim  yangidan-yangilari  paydo  bo’ladi).  Shartnomalarning 
tarkibi  –  ma’lum  bir  darajada  shartnoma  matnini  o’zgarishsiz,  ehtiyojdan 
kelib  chiqib  o’zgartirilishi  mumkin.  Biroq  bu  o’zgartirishlar  o’zaro  aniq 
yozilgan yoki og’zaki holda kelishib olingan bo’lishi lozim. 
Mazkur  o’quv  qo’llanmada  xalqaro  huquqning  alohida  sohasi 
hisoblangan  xalqaro  shartnomalar  huquqining  tushunchasi,  manbalari, 
ob’ekti  va  maqsadi,  xalqaro  shartnomalarni  tasniflash,  ularning  shakli, 
tuzilishi  va  nomi,  kuchga  kirishi,  bekor  qilinishi,  to’xtalishi  va 
shartnomaning ijrosini ta’minlash usullar va shu kabi masalalar o’z aksini 
topgan. 
Bundan 
tashqari, 
amaliyotchi 
mutaxassislar 
yordamida 
O’zbekiston Respublikasining xalqaro shartnomalar borasidagi tajribasi va 
ularning  xalqaro  munosabatlarda  o’ziga  xos  o’rniga  egaligi  masalalari 
yoritib berilgan.  
 
 

12 
 
I BOB. XALQARO SHARTNOMALAR VA XALQARO 
SHARTNOMALAR HUQUQINING VUJUDGA KELISHI VA 
RIVOJLANISHI 
 
(yuridik fanlar nomzodi Muminov Abdulxay Rashidovich) 
 
Annotatsiya.  Mazkur  bobda  davlatlararo  munosabatlarni  vujudga  kelishi  va 
qadimgi  davrdagi,  o’rta  asrlardagi  xalqaro  shartnomalar,  xalqaro  shartnomalar 
huquqining  shakllanishi  va  rivojlanish  tendentsiyalari,  xalqaro  shartnomalar 
huquqning  kodifikatsiyasi  hamda  O’zbekistonda  xalqaro  shartnomalar  huquqining 
rivojlanish  tendentsiyalarining  o’ziga  xos  xususiyatlarini  chuqur  o’zlashtirish 
imkoniyatini beradi
. 
 
1.1.
 
Davlatlararo munosabatlarni vujudga kelishi va qadimgi 
davrdagi xalqaro shartnomalar 
 
Odatda  adabiyotlarda  xalqaro  huquqning  vujudga  kelishini  bevosita 
davlatlarning paydo bo’lishi va ular o’rtasidagi dastlabki shartnomalarning 
tuzilishi bilan bog’lashadi. Xalqlarning o’zaro aloqalarini normativ asosda 
tartibga  solish  ehtiyoji  davlat  paydo  bo’lishidan  anchagina  ilgari  sezila 
boshlagan. “Xalqaro bitimlar xalqaro huquq g’oyasining paydo bo’lishidan 
ancha  oldin  tuzila  boshlagan  edi.  Buning  hech  hayratlanarli  joyi  yo’q. 
Bitim  mustaqil  birlashmalar  o’rtasida  vujudga  keladigan  nizolarni  tinch 
yo’l  bilan  hal  etishning  birdan  bir  vositasi  bo’lgan”
1
,  deb  yozadi, 
I.Lukashuk.  Hatto  qabilalararo  munosabatlarda  ham,  garchi  ular 
davlatlararo  munosabatlardan  farqli  o’laroq,  siyosiy  mazmun  kasb 
etmagan  bo’lsa-da,  ana  shunday  normativ  tartiblarga  ehtiyoj  bo’lgan. 
Qabilalar  o’rtasida  tinchlik,  qo’shma  jangovar  yurishlar,  mulkdagi 
cheklashlar  va  boshqalar  to’g’risida  bitimlar  tuzilgan.  Bitimlarning 
ahamiyati  katta  edi,  chunki,  tinchlik  to’g’risidagi  bitimning  mavjud 
emasligi, qabilaning boshqa qabila bilan urush holatida ekanligini bildirar 
edi.  Muayyan  qoidaning  e’tirof  etilmasligi,  qo’shni  davlatlar  bilan 
dushmanlik  holatidan  boshqa  har  qanday  holatda  ekanligi  bilan 
tenglashtirilar  va  bunday  munosabatning  oqibatlari  juda  ham  jiddiy 
hisoblanar edi
2
. 
                                                 
1
Лукашук И.И. Современное право международных договоров. Том I. Заключение международных договоров - 
М.: Волтерс Клувер, 2004. –С.40 
2
 O’sha joyda. 

13 
 
Alohida  qayd  etish  lozimki,  xalqaro  shartnomalar  huquqining 
vujudga  kelishining  dastlabki  bosqichlarida,  qabilalararo  va  davlatlararo 
munosabatlar asosan odat normalariga asoslanar edi.  
Dunyoning  turli  mintaqalarida  davlatlarning  paydo  bo’lishi  bilan 
birga  ularning  o’zaro  munosabatlarini  tartibga  soluvchi  xalqaro  huquq 
normalari ham paydo bo’lgan.  
Misol  uchun,  Qadimgi  davrda  xalqaro  shartnomalar  ikki  daryo  oralig’i 
bo’lgan Bobil va Misrda, Xitoy va Hindistonda, Markaziy Osiyoda, qadimgi Gretsiya 
va Rimda paydo bo’lgan va rivojlangan. Eramizdan avvalgi XXIII asrda tuzilgan va 
hozirgi kunga qadar yetib kelgan Akkadlar shohi Naramsin bilan Elam hukmdorlari 
o’rtasida tuzilgan xalqaro shartnomalardan biri hisoblanadi.  
Qadimgi  shartnomalar  ko’proq  urush  va  tinchlik  masalalariga 
bag’ishlangan.  
Masalan, er.av.1296 yilda Misr fir’avni Ramzes II va Xettlar shohi Xattushil III 
qullar  qo’zg’oloniga  qarshi  kurash  bo’yicha  harbiy  ittifoq  tuzish  haqidagi 
shartnomani imzolaganlar. 
Qayd  etish  lozimki,  bunday  shartnomalar,  nafaqat  tashqi 
funksiyalarni, balki davlatning ichki funksiyalarini ham  bajara boshlagan. 
Jumladan,  mazkur  shartnoma  qo’zg’olon  ko’targan  qullarni  bostirishni 
hamda  uning  natijasida  qochib  ketgan  qullarni,  ya’ni  siyosiy  qochoqlarni 
qaytarib berishni ko’zda tutgan
1
. 
Rim  huquqshunoslari  qadimgi  xalqaro  huquq,  ya’ni  “xalqlar 
huquqi”ga  katta  hissa  qo’shganlar.  Rim  huquqshunosi  Ulpian  “xalqlar 
huquqidan barcha xalqlar foydalanadi va u tabiiy huquqdir” degan. 
Quldorlik davlatlari turli masalalar bo’yicha shartnomalar tuzishgan: 
tinchlik  va  yarashuv,  ittifoqchilik  va  harbiy  yordam,  qochoq  qullarni 
qaytarib  berish,  savdo,  chet  elliklarning  huquqlari,  kam  uchraydigan 
hayvonlar  va  qushlarni  muhofaza  qilish,  soborlarni  qayta  ta’mirlash  va 
muhofaza  qilish,  qo’shinlarni  o’tishi,  o’lganlarni  ko’mish,  arbitraj  va 
hujum qilmaslik va boshqa shu kabilar. Ammo, qadimgi shartnomalarning 
ob’ektlari  turli  masalalar  bo’lishiga  qaramay,  ular,  urushlar,  ularga 
tayyorgarlik  ko’rish  yo  uning  tugashi  yoki  uning  oqibatlari  bilan  bog’liq 
tor  doiradagi  munosabatlarni  qamrab  olar  edi.  Bu  o’sha  davrning  o’ziga 
xos xususiyatlari bilan bog’liq edi
2
. 
Quldorlik  davlatlari  savdo  to’g’risida,  ma’muriy  va  xo’jalik 
masalalari  bo’yicha  alohida  shartnomalar  tuzishmagan.  Barcha  mazkur 
                                                 
1
 Лукашук И.И. Современное право международных договоров. Том I. Заключение международных договоров - 
М.: Волтерс Клувер, 2004. –С.40 
2
 Талалаев, А. Н. Право международных договоров. Том 1: Общие вопросы / Отв. редактор Л. Н. SHестаков. М.: 
Издательство «Зерцало», 2009. -С.9-10 

14 
 
muammolar tinchlik yoki ittifoqchilik (mudofaa yoki hujum) to’g’risidagi 
shartnomalarda  ko’zda  tutilar  edi.  Ittifoqchilik  va  tinchlik  shartnomalari 
qadimgi  dunyodagi  shartnomalarning  eng  asosiylari  edi.  Ular  ob’ekti 
bo’yicha  umumiy  xususiyat  kasb  etgan  va  shu  bilan  birga  turli  xilda 
bo’lgan. Qadimgi Xindistonda ittifoqchilik shartnomalari samana (teng) va 
asamana (teng bo’lmagan) shartnomalar bo’lingan
1
. 
Qadimgi  Rimda  tenglikka  asoslangan  shartnomalar  akva  (teng)  deb 
atalib,  ko’proq  tinchlik  va  do’stlik  to’g’risida  bo’lgan  bo’lsa,  tenglikka 
asoslanmagan  shartnomalar  esa,  non  akva  (teng  bo’lmagan)  deb  atalib, 
ular,  odatdagidek,  yengilgan  dushmanlar  bilan  tuzilgan  ittifoqchilik 
shartnomalari  hisoblanar  edi.  Teng  bo’lmagan  shartnomalarga,  yana 
shuningdek,  hospitum  publicium,  deb  ataluvchi  homiylik  shartnomalari 
ham  kirar  edi.  Rim  bunday  shartnomalarni  kuchsiz  davlatlar  bilan  ular 
ustidan hukmronligi mustahkamlash uchun tuzar edi
2
. 
Qadimda  xalqaro  shartnomalarnnig  sub’ektlari  sifatida  nafaqat 
davlatlar,  balki  shaharlar,  shaharlar  va  davlatlarning  ittifoqlari,  ayrim 
hollarda  Qadimgi  Gretsiyadagi  amfiktioniy  kabi  diniy  tashkilotlar  va 
hattoki  alohida  shaxslar  ham  hisoblanar  edi.  Shartnomalar  faqat,  ularning 
ishtirokchilariga  majburiyatlar  yuklar  edi  va  ayrim  hollarda,  ularnnig 
nushalari  uchinchi  davlatlarga  jo’natilar  edi.  Aksariyat  shartnomalar  ikki 
tomonlama  edi.  Ayrim  hollarda  ko’ptomonlama  shartnomalar  ham  uchrar 
edi.  
Misol  uchun,  er.av.338  yilgacha  tuzilgan  218  ta  shartnomaning  25  tasigina 
ko’p tomonlama bo’lgan va ularning ayrimlarigina 10 dan ortiq ishtirokchilarga ega 
bo’lgan. Odatda, bunday shartnomalar doimiy ittifoqlarni tuzish bilan bog’liq edi
3
. 
Urush  e’lon  qilish  kabi,  xalqaro  shartnomalarni  tuzish,  davlatning 
muhim  huquqi  hisoblangan,  uni  cheklanishi  esa,  uning  teng  bo’lmagan, 
qaramlik holatini anglatar edi. 
Shartnomalarni  tuzish  tartiboti,  ayniqsa,  diniy  xarakterdagi 
shartnomalarni  tuzish  murakkab  va  qattiq  rasmiyatchilikka  asoslangan 
bo’lib, ularga rioya qilmaslik, shartnomani haqiqiy emasligini bildirar edi. 
Qadimgi  Rimda  shartnomalarni  tuzish  marosimini  alohida  ruhoniy 
shaxslar  –  fetsiallar  bajarishgan.  Katta  fetsial  tosh  bilan  cho’chqani 
qurbonlik  uchun  o’ldirgan  va  shartnomaga  sodiqlik  to’g’risidagi 
qasamyodni  o’qigan.  Shu  vaqtdan  boshlab,  shartnoma  tuzilgan 
                                                 
1
Viswanatha S.V. International Law in Ancient India. Bombey, 1925. -Р. 91, 170–172 
2
 Талалаев, А. Н. Право международных договоров. Том1: Общие вопросы / Отв. редактор Л. Н.  Шестаков. М.: 
Издательство «Зерцало», 2009.-С.10 
3
Scala R. Die Staatsvertrage des Altertums. Т. I. Leipzig, 1898. S. 6–8 

15 
 
hisoblangan  va  bir  vaqtning  o’zida  kuchga  kirgan.  Rasmiy  shaxslar  o’z 
imzolarini qo’yganlar va ayrim hollarda muhrlari bilan mustahkamlashgan.  
Gretsiyada muhrni faqatgina mustaqil davlatlar qo’llashgan. Qadimgi 
shartnomalar  har  doim  ham  ratifikatsiya  qilinmagan.  Qadimgi  davrda 
ratifikatsiya  favquloddagi  hollardagina,  ya’ni  qachonki  shartnoma  vakil 
tomonidan  unga  yuklatilgan  vakolatni  buzgan  holda  yoki  usiz  tuzilgan 
holdagina qo’llanilgan. Qadimgi Rimda bunday shartnomalar sponsio deb 
atalgan.  Odatda  ular  harbiy  boshliq  yoki  konsul  tomonidan,  o’zining 
ihtiyoridan  kelib  chiqib,  dushman  bilan  tinchlik  o’rnatish  maqsadida 
tuzilar edi. Rim bunday hujjatlarni senatning, keyinroq esa, imperatorning 
ratifikatsiyasidan keyingina majburiy deb hisoblar edi. Senat ratifikatsiyani 
inkor  etishi  ham  mumkin  bo’lgan,  bunday  hollarda  qasamyodni  buzgan 
deb  hisoblab,  boshqa  tomon  shartnomani  tuzgan  shaxsni  kompensatsiya 
sifatida berishni talab qilishi mumkin bo’lgan.  
Misol  uchun,  rim  konsullarining  samnitlar  bilan  er.av.321  yili  Kavdun 
darasida  tuzgan  shartnomasini  senat  ratifikatsiya  qilmaganligi  uchun,  konsullar  va 
boshqa shaxslar samnitlarga berilgan. 
Shartnomani 
tuzish 
tartibotidan 
farqli 
o’laroq, 
qadimgi 
shartnomalarning shakli oddiy bo’lgan. Yozma shartnomalar uch qismdan: 
muqaddima,  asosiy  qism  va  xulosadan  iborat  bo’lgan.  Ayrim  hollarda 
shartnomalar  muqaddimasiz  va  hattoki  xulosasiz  ham  tuzilgan. 
Shartnomaning  asosiy  qismi  yaxlit  matn  bilan  yozilgan,  turli  holatlar 
ketma  ketlikda,  turli  moddalarga  bo’linmay  yozilgan.  Keyinchalik  rim 
shartnomalarida qizil qator – shartnomaviy moddalarning o’tmishdoshi va 
asosi paydo bo’ldi.  Shartnomaning xulosa qismida har  doim shartnomaga 
sodiqlikka qasamyod bo’lgan. Ularda hozirgi shartnomalardagidek, kuchga 
kirish vaqti, harakat vaqti, to’xtatish vaqti va boshqa shu kabilar o’z aksini 
topmagan.  
Shartnomalar  pergament,  shuningdek,  teri  o’ramiga  yozilgan  yoki 
yaxshi  saqlanishi  uchun  marmar  yoki  oddiy  tosh  taxtalarga  yoki  tosh 
ustunlarga,  shuningdek,  shartnomaning  ahamiyatiga  ko’ra  –  xudolar 
tomonidan  himoya  qilinishi  uchun  maxsus  ibodatxonalarda  o’rnatiladigan 
E’tibor bering! 
Shartnomalar,  Qadimgi  Sharqda,  ular  tomonidan  e’tirof  etilgan 
akkad  tili  (vavilon  yozuvida),  qadimgi  Rimda  lotin  tilida  yozilgan. 
Qadimgi  Gretsiyada  qadimgi  grek  tili  va  uning  dialektlaridan 
foydalanilgan.  Shartnomalar  odatda  bitta  haqiqiy  nusxada  tuzilgan. 
Undan nusxalar qilingan va boshqa tillarga tarjima qilingan. 

16 
 
kumush  yoki  mis  taxtalarga  o’yib  yozilgan.  Masalan,  Afinadagi  Pallada 
ibodatxonasida Gretsiyaning davlat arxivlari joylashgan. Qadimgi Xitoyda 
alohida  Men  Fu  shartnomalar  saroyi  mavjud  bo’lgan.  Shartnomalar 
matnlari  bo’lgan  ustunlar  va  toshtaxtalar  boshqa  jamoat  binolarida  yoki 
maydonlarga  ham  qo’yilgan.  Bu  bilan  ular,  o’ziga  xos  chop  etilgan 
hisoblanar edi. Polibiyning aytishicha, yashirin shartnomalar ham tuzilgan. 
Agar  shartnoma  buziladigan  bo’lsa,  toshtaxalar  sindirilgan  yoki 
ibodatxonadan  olib  chiqarib  tashlangan.  Shartnomalarning  nomlari 
tangalar  va  medallarga  ham  yozilgan.  Odatda  ittifoq  bo’lgan  shaharlar 
to’g’risida,  bu  shaharlarning  homiysi  bo’lgan  xudolar  tasvirlari  bilan 
birgan  tangalar  saqlanib  qolgan.  Bunday  tangalar  tuzilgan  shartnomani 
tasdiqlagan  va  uni  bajarilishi  uchun  qo’shimcha  vosita  bo’lib  xizmat 
qilgan
1
. 
Qadimda  shartnomalar  tez-tez  buzilib  turgani  uchun  ham,  ularga 
alohida  ahamiyat  qaratgan.  Shartnomalarni  ta’minlashning  asosiy  vositasi 
qasam  bo’lgan.    Qadimda,  shartnomalarning  garovi  sifatida  ko’pincha 
ayollar  va  bolalar  olingan.  Rimning  Suriya  podshosi  Antiox  III  bilan  er. 
av. 188 yildagi shartnomasida 20 nafar garovdagilar to’g’risida, er.av. 202 
yilda  esa,  Zam  yonidagi  jangdan  keyin  100  nafar  karfagenlik  Rimga 
berilgani to’g’risida, er.av.149 yilda Karfagen yengilgandan so’ng esa, 300 
nafar  shaxsning  garovga  berilganligi  to’g’risida  shartnomada  keltiriladi. 
Garovdagilar  shartnoma  shartlari  bajarilgandan  keyin  yoki  muddat 
tugaganidan  daxlsiz  hisoblangan  va  o’z  vatanlariga  qaytishi  mumkin 
bo’lgan. 
Shartnomalarni  bajarilishini  ta’minlashning  boshqa  usullari  ham 
uchrab  turar  edi:  shartnomani  buzganlar  uchun  moliyaviy  jarima 
(Hindiston,  Gretsiya),  uchinchi  davlatlarning  kafolati,  shartnoma  tuzgan 
davlatlardagi  hukmronlik  qiluvchi  sulolalarning  a’zolari  o’rtasidagi  nikoh 
qurish (Hindiston).  
Xalqaro  shartnomalarning  muddati  bo’yicha  muayyan  muddatli  va 
muddatsiz  shartnomalarga  bo’lingan.  Rim  shartnomalari,  uning  boshqa 
mamlakatlar  ustidan  hukmronligini  mustahkamlashga  xizmat  qilar  edi, 
shuning  uchun  ham,  bunday  shartnoma  “abadiy  muddatga”  tuzilar  edi.  
Yarashuv to’g’risidagi shartnomalar, bundan istisno bo’lib, ular 10, 15 va 
hattoki  100  yilga  tuzilar  edi
2
.  Qadimgi  greklar  esa,  “unga  avlodlari 
                                                 
1
 Талалаев, А. Н. Право международных договоров. Том1: Общие вопросы / Отв. редактор Л. Н.  Шестаков. М.: 
Издательство«Зерцало», 2009.-С.12 
2
 Талалаев, А. Н. Право международных договоров. Том1: Общие вопросы / Отв. редактор Л. Н. Шестаков. М.: 
Издательство «Зерцало», 2009. –С.14.  

17 
 
bog’lanib qolmasligi uchun” abadiy yoki muddatsiz shartnoma tuzmas edi, 
biroq, ularning muddati 30, 50, 100 yilga cho’zilar edi.  
Qadimgi  shartnomalar  vaqti  tugatish  bilan  to’xtatilar  edi.  Odatda, 
undan  oldin,  biror  bir  nizo  chiqib,  u  urushga  olib  kelsa,  urushayotgan 
davlatlar o’rtasidagi barcha shartnomalarni bekor bo’lishiga olib kelar edi.  
Ayrim hollarda urushning tugashi bilan shartnomalar qayta tiklangan. 
Tomonlar ayrim hollarda shartnoma shartlarini qayta ko’rib chiqishgan.  
Misol  uchun,  Rimning  er.av.493  yili  boshqa  lotin  shaharlari  bilan  tinchlik 
shartnomasi,  Afina  bilan  Sparta  o’rtasida  er.av.421  yildagi  tinchlik  shartnomasi, 
Afinaning  Argos,  Mantiney  va  Elida  bilan  er.av.  420  yildagi  tinchlik  shartnomalari 
shular jumlasidandir.
  
Qadimgi 
Gretsiya, 
Xindiston, 
Xitoylik 
faylasuflar 
xalqaro 
shartnomalarning  majburiyligini,  hattoki,  dushmanga  berilgan  so’zning 
bajarilishi  lozimligi  bilan  asoslangan.  Agar,  hozirgi  davr  nuqtai  nazardan 
aytsak,  xalqaro  huquqning  asosiy  prinsiplaridan  biri  bo’lgan  pacta  sund 
servanda,  ya’ni  majburiyatlarning  vijdonan  bajarilishi  lozimligi  prinsipi 
o’sha davrdan boshlab shakllangan.  
Shartnomani  bir  tomondan  buzilishi,  uning  ikkinchi  tomoni  uchun 
undan  voz  kechishga  huquq  bergan.  Shuningdek,  vaziyatning  tubdan 
o’zgarishi  munosabati  bilan  shartnomani  bir  tomonlama  bekor  qilish 
imkoniyati  to’g’risidagi  gaplar  ham  uchraydi.  “Agar  vaziyat  etoliyliklar 
ittifoq  tuzilgan  vaqtdagidek  qolsa,  sizning  siyosatingiz  ham  shunday 
qolishi  kerak.  Bu  birinchi  shart.  Ammo,  agar  ular  butunlay  o’zgarsa, 
umuman  yangi  vaziyat  tufayli  talab  qilingan  talablardan  ozod  bo’lsangiz, 
bu holat adolatli va zararsiz bo’ladi”, deb aytadi, muallif Latsisk
1
. 
Qadimgi  Xindistonda  xalqaro  shartnomaga,  dastlabki  ta’rif  berishga 
harakat qilingan, ya’ni xalqaro shartnoma “suverenlarning bilan biri bilan 
munosabatlarini bog’laydi”
2
. 
Qadimgi  dunyo  xalqaro  shartnomalar  huquqining  o’ziga  xosliklari 
quyidagilardan iborat bo’lgan: 
 
birinchidan, 
Xalqaro shartnomalar asosan ikki tomonlama bo`lgan; 
ikkinchidan, 
Xalqaro  huquq  asosan  odat  huquqi  normalaridan  iborat  bo`lib, 
ularda diniy xususiyat ko`proq kasb etgan; 
uchinchidan, 
Xalqaro shartnomalar ko’proq urush olib borishning qonunlari va 
odatlarining  adolatli  bo’lishi,  urushda  jabr  ko’rganlarni  himoya 
qilish,  shartnomalarga  rioya  qilish,  chet  elliklarga  nisbatan 
                                                 
1
 Талалаев, А. Н. Право международных договоров. Том1: Общие вопросы / Отв. редактор Л. Н.  Шестаков. М.: 
Издательство «Зерцало», 2009.-С.14 
2
 O’sha joyda.