Malakaviy amaliyot yuzasidan rahbarlarning fikri va xulosalari

MALAKAVIY AMALIYOT YUZASIDAN RAHBARLARNING FIKRI VA XULOSALARI
(Talabaga tavsifnoma)
Magistrant J.Yo‘ldashev 05.04-26.06.2021 yil kunlari Andijon mashinasozlik institutining “O‘quv uslubiy ” bo‘limida malakaviy amaliyotda bo‘ldi. J.Yo‘ldashev amaliyot davrida O‘quv uslubiy bo‘limi me’yoriy xujjatlari, yillik ish rejasi va xisobotlari, mutaxassisliklari ishchi fan dasturlari, o‘quv jarayoni haqidagi ma’lumotlar bilan tanishib chiqdi. Magistratura bo‘limi ish faoliyatini yuritishda amaliy yordam berdi. Bundan tashqari J.Yo‘ldashev amaliyot davrida nazariy bilim va ko‘nikmalarini shakllantirish, ustozlarning dars mashg‘ulotlarida ishtirok etib ularning tajribalarini o‘rganish va ilmiy-tadqiqot ishlari to‘g‘risida yetarli ma’lumotlar olishga erishdi. Amaliyot davrida J.Yo‘ldashev kafedra professor-o`qituvchilari N.Ikromov, L.Bakirov, va boshqa tajribali pedagoglarning dars mashg‘ulotlarida ishtirok etdi. Shuningdek, S.Ulkanov, X.Raxmonov, N.Ikromov kabi o‘qituvchilarning amaliy va tajriba mashg‘ulotlarida ishtirok etib o‘zining bilim va ko‘nikmalarini oshirishga erishdi. O‘tgan davr mobaynida u o‘zining namunali xulqi, dars mashg‘ulotlarini olib borish uchun puxta tayyorgarlik ko‘rishi bilan o‘qituvchi va talabalar o‘rtasida hurmatga sazovar bo‘ldi. Darslar mashg‘ulotlarini zamonaviy ta’lim texnologiyalari hamda axborot-kommunikasiya texnologiyalaridan foydalangan holda olib bordi. Shu bilan birga u oliy ta'lim tizimida dars mashg‘ulotlarini tashkil etish, talabalar bilimini baholash tizimlarini ham puxta o‘rgandi.
J.Yo‘ldashev amaliyot davrida institutning ijtimoiy-siyosiy hayotida ham faol ishtirok etdi. U kafedra yo‘nalishi bo‘yicha taxsil olayotgan talabalarning bo‘sh vaqtlarini mazmunli o‘tkazishlari uchun turli tadbirlar, davra suhbatlari uyushtirishda faol ishtirok etdi.
Amaliyotchi J.Yo‘ldashev intiluvchan, o‘z bilimlarini oshirish uchun tinmay izlanadi va u kelajakda mashinasozlik sohasi bo‘yicha ilmiy- tadqiqot ishlarini davom ettirishga astoydil harakat qilmoqda.
Men Yo‘ldashev Javohirni yetuk, malakali mutaxassis bo‘lib yetishishiga va tanlagan sohasi bo‘yicha ulkan yutuqlarga erishishiga ishonaman.
Andijon mashinasozlik instituti
“O‘quv uslubiy” bo‘limi boshlig‘i A.Axmedov