Mangulikka muhrlangan mutafakkir


Download 120.77 Kb.

Sana01.05.2017
Hajmi120.77 Kb.

 

Respublika bolalar kutubxonasi 



 

Axborot-resurs markazlariga  

uslubiy yordam ko‘rsatish bo‘limi 

 

 

 

 

“MANGULIKKA MUHRLANGAN MUTAFAKKIR” 

 

Buyuk mutafakkir, shoir Alisher Navoiy tavalludining 576 

yilligiga bag‘ishlangan uslubiy tavsiyanoma 

 

 

 

 

 

 

 

 

 

 

 

 

 

 

 

 

Toshkent – 2017 

 

Ushbu uslubiy tavsiyanoma axborot-resurs markazlariga 



uslubiy yordam ko‘rsatish bo‘limi tomonidan tayyorlandi. 

Respublika 

bolalar 

kutubxonasi 

ilmiy-uslubiyot 

kengashining yig‘ilishida 2017 yil ___ fevral kuni _____-sonli 

bayonnomasi bilan tasdiqlandi. 

 

 

 

 

Tuzuvchi:  

N.Abdusamatova  –  Axborot-resurs  markazlariga  uslubiy 

yordam ko‘rsatish bo‘limi sho‘ba mudiri. 

 

 

Ushbu tavsiyanoma g‘azal mulkining sultoni, buyuk o‘zbek 



shoiri va mutafakkiri Alisher Navoiy tavalludining 576 yilligiga 

bag‘ishlab tuzildi. Tavsiyanomada Alisher Navoiyning hayoti va 

ijodi,  yozgan  asarlari  xaqida  ma’lumotlar  hamda  maktab 

sahnasida  o‘tkazilishi  mumkin  bo‘lgan  5-7  sinf  o‘quvchilariga 

mo‘ljallangan tadbir ssenariysi berilgan. 

Mazkur 


tavsiyanomadan 

ARM 


xodimlari, 

maktab 


o‘qituvchilari  hamda  Alisher  Navoiy  ijodiga  qiziqqan  barcha 

kitobxonlar foydalanishlari mumkin.  



 

 

 

 

 

 

 

 

ULUG‘ MUTAFAKKIR VA BUYUK SHOIR 

Bu  yil  jahon  madaniyatiga  qimmatbaho  durdonalar 

qo‘shgan  buyuk  siymolar  orasida  o‘zbek  xalqining  sharaf-

shonini,  milliy  iftixori  bo‘lgan  Alisher  Navoiy  tavalludiga  576 

yil  to‘ladi.  Uning  olqishlariga  sazovor  bo‘lgan  iste’dodi  o‘zbek 

adabiyotini  g‘oyaviy  va  badiiy  jihatdan  yuksak  darajaga 

ko‘tarib,  chuqur  insoniy  ehtiroslar  bilan  boyitdi.  U  o‘z 

xalqinining  dunyoqarashi,  falsafiy,  ahloqiy  tushunchasi,  zavq-

shavq,  tasavvur,  orzu-umidlarini  keng  va  yuksak  badiiy 

ifodalarda  buyuk  mutafakkir  sifatida  tasvirladi  va  yangi  badiiy 

ijodning qudratli namunasini namoyish etdi. 

Alisher Navoiy o‘zbek tilining benihoya boyligini, turli fikr 

mushohadalarini  ifoda  etishda  qudratli  kuchga  va  imkoniyatga 

molik  ekanligini  ham  nazariy,  ham  amaliy  jihatdan  isbotlab 

berdi.  O‘zbek  tilini  o‘z  zamoniga  qadar  misli  ko‘rinmagan 

darajaga  ko‘tardi,  o‘zbek  tilida  xilma-xil  chuqur  ma’nolarini 

rango-rang  badiiy  tasvirlarda  san’atkorona  ifoda  qilib,  o‘zbek 

tilining  go‘zalligini,  jo‘shqinligini,  qudratini,  jozibasini,  inson 

aqlini yuksaltiruvchi keng fazolarga ega ekanligini ko‘rsatdi. 

 Navoiy dahosi, aqlu idroki 

 She’riyat dunyosin qadrin ulg‘aytmish. 

 Har doston, har g‘azal, har bitta satri 

 Har dilda insonga ixlos uyg‘otmish. 

 Shu ulug‘ daho, fikru farosat 

 Kashf etgan besh buyuk, bebaho haykal, 

 Muhabbat, sadoqat, haqu adolat,  

 Do‘stlik chehrasiga abadiy sayqal. 

 

 

 



 

ALISHER NAVOIY HAYOTI VA IJODI 

O‘zbek  xalqining  ulug‘  ma’rifatparvari,  mutafakkiri  va 

buyuk shoiri Alisher Navoiy 1441 yil, 9 fevralda Hirot shahrida 

dunyoga  keldi.  Bo‘lajak  shoir  bolalik  davrlaridanoq  Temuriy 

shahzodalar  bilan  tarbiyalana  boshlaydi.  Chunki  uning  otasi 

G‘iyosiddin Kichkina temuriylar avlodidan edi. Alisher o‘zining 

o‘qishi,  odobi  bilan  boshqalardan  ajralib  turar  edi.  Alisher 

Hirotda  va  Mashhadda  o‘qigan,  mantiq,  falsafa,  musiqa, 

husnihat  va  boshqa  fanlarni,  arab  va  fors  tillarini  o‘rgangan. 

Navoiy  o‘n  besh  yoshidanoq  iste’dodli  shoir  sifatida  xalq 

ommasiga  tanilgan.  O‘zbek  tilidagi  she’rlariga  “Foniy” 

tahalluslarini  qo‘ygan.  Uning  o‘zbek  tilidagi  hamma  she’rlari 

“Bolalik  ajoyibotlari”,  “Yoshlik  nodirliklari”,  “O‘rta  yosh 

go‘zalliklari”,  “Qarilikning  foydalari”,  to‘rt  qismdan  iborat 

“Xazoyin  ul-maoniy”  to‘plamiga,  fors  tilidagi  she’rlari  esa 

“Devoni foniy” to‘plamiga jamlangan. 

Shoir maktabdor yoki mudarris bo‘lib dars bergan bo‘lmasa 

ham,  ta’lim-tarbiya  ishida  juda  katta  xizmatlar  qildi.  Ilm-

ma’rifat homiysi bo‘lgan Navoiy maktab va maorif ishlariga har 

doim katta e’tibor berdi. Mehnatkash xalq bolalarini o‘qitish va 

tarbiyalash  uchun  maktab  va  madrasalar  tashkil  etishni  davlat 

oldida  turgan  bosh  masalalardan  biri  deb  qaradi,  ilm  ahllariga, 

muallimlarga muhabbat bilan munosabatda bo‘ldi.  

Alisher  Navoiy  yosh  avlodlarning  ilm  hunarni  va  yaxshi 

insoniy  fazilatlarni  egallagan  bo‘lishini  orzu  qildi.  Bu  haqda 

shoir o‘zining “Mahbub ul-qulub” dostonida, har qanday holatda 

ham,  agar  u  podsho  bo‘lib  ketsa  ham  ustoz-o‘qituvchi  oldida 

qarzdor  ekanligini  ta’kidlash  bilan  muallimlik  kasbini 

ulug‘laydi. 

 


 

Haq yo‘lida kimki senga bir harf o‘qitgan bo‘lsa, 



Uning haqqini yuzta xazina bilan ham ado qilib bo‘lmaydi. 

 

Navoiy  o‘zining  ko‘p  asarlarida  bolalar  tarbiyasiga  oid 

fikrlarni  ilgari  surdi.  Ayniqsa,  “Xamsa”ga  kirgan  “Hayrat  ul-

abror”,  “Farhod  va  Shirin”,  “Layli  va  Majnun”  kabi 

dostonlarining  ba’zi  boblarini  bola  tarbiyasi  egallaganini 

ko‘ramiz.  Bular  orasida  “Hayrat  ul-abror”  (Yaxshi  kishilarning 

hayratlanishi”)  falsafiyligi,  ijtimoiy-siyosiy  va  ahloqiy-ta’limiy 

masalalarni qamrab olganligi bilan ajralib turadi. Shoir bolalarni 

o‘qimishli,  odobli,  halol,  pok,  sahiy  bo‘lishga,  ota-onani, 

o‘zidan  kattalarni  hurmat  qilishga,  insofli  va  adolatli  kishilar 

bo‘lib kamol topishga undaydi. 

“Hayrat ul-abror” dostonining oltinchi bobida shoir odob va 

kamtarlikni  ulug‘lab,  ta’lim-tarbiyaga  oid  qimmatli  fikr 

mulohazalarni bayon etadi. 

Dostonning  o‘ninchi  bobida  to‘g‘rilik,  rostgo‘ylik  g‘oyasi 

ilgari  suriladi.  Jumladan,  “Sher  va  Durroj”  masalida 

yolg‘onchilik va egrilikning yomon oqibatlari ochib beriladi. 

Shoirning  o‘n  birinchi  hikoyati  ham  diqqatga  sazovordir. 

SHoir unda ilm-fanga, ilm ahliga yuksak baho beradi, kishilarni 

ilm  olishga,  olimlarni  izzat-hurmat  qilishga  chaqiradi.  Odamni 

voyaga  etkazishda  asosiy  omillardan  biri  tarbiya  ekanligini 

uqtiradi.  Navoiyning  ta’biricha,  tarbiyaning  maqsadi  –  yosh 

avlodni  xalqparvar,  bilimli,  eng  yaxshi  fazilatlarga  ega  kishi 

qilib voyaga etkazishdir. 

Navoiyning  favqulodda  iste’dodi  uch-to‘rt  yoshlarida 

namayon  bo‘lgan.  O‘shanda  u  birinchi  marta  she’r  yod  olgan, 

hurmatli  kishilar  davrasida  she’r  o‘qib,  ularning  hayratiga 

sazovor bo‘lgan. Bu Alisherning bolalik chog‘idagi Hirotda eng 



 

mashhur shoir Amir Qosim Anvarning bir g‘azali edi. Uch-to‘rt 



yashar  Alisherning  bitta  g‘azalni  yod  olishi,  adabiyotshunos 

olim  Izzat  Sultonning  ta’kidlashicha,  bu  erda  bolaning 

qobiliyatidan tashqari yana bir odatning ta’siri bor: o‘rta asrlarda 

Osiyoda, SHarqda kichiklikdan butun-butun she’larnigina emas, 

hatto  katta  kitoblarni  ham  bolaga  yod  oldirishga  to‘g‘ri  kelar, 

bolaning  yod  olish  qobiliyatini  tarbiyalash  pedagogikaning  eng 

muhim vazifalaridan edi. 

Alisher bir kuni ustozi Mavlono Lutfiyga: 

 

Orazin yopqoch, ko‘zimdin sochilur har lahza yosh, 

Bo‘ylakim, paydo bo‘lur yulduz, nihon bo‘lg‘och quyosh

 

deb  boshlangan  g‘azalini  o‘qib  berganida,  Lutfiy,  agar  iloji 



bo‘lganda  barcha  she’rlarimni  shu  ikki  misraga  almashgan 

bo‘lardim,  deydi.  Bu  maqtov  yigirma  yoshli  shoir  uchun  katta 

mukofot edi. 

Navoiy  hunar  ahlini  ulug‘laydi,  barcha  sof  vijdonli 

odamlarning  manfaatlarini  himoya  qilib,  ilg‘or  ahloqiy 

qoidalarni  tashviq  etadi.  U  o‘z  ijodiy  faoliyatida  ahloq,  odob 

masalalariga  alohida  e’tibor  beradi.  Shoirning  fikricha,  odob 

odamning  olijanob  fazilatlaridan  biridir.  Odobli  kishi  ochiq 

yuzli,  xushmuomala,  yoqimli  bo‘ladi.  Odobli  odam  doimo 

hurmat  va  izzatda  bo‘ladi.  Ota-ona,  aka-uka,  opa-singilni, 

do‘stlarni  hurmat,  izzat  qilmoq  har  bir  odobli  kishining 

burchidir. Shirin so‘z har kishi uchun eng yaxshi fazilatdir. 

Navoiy  ota-onalarni  o‘z  bolalarini,  yosh  avlodni  chin 

insonga  xos  bo‘lgan  eng  yaxshi  fazilatlar  egasi  qilib 

tarbiyalashga da’vat etadi: 

  


 

 Topding chu yaxshilik topshurgul, 



 O‘rgat adabu yaxshi qiliq etkurgil. 

 Har necha adab bo‘lsa, qattiq etkurgil, 

 Haylig‘a adab qilib, saboq etkurgil. 

 

Alisher  Navoiy  o‘z  ijodida  odamlarni  karamli,  sahovatli  va 

himmatli  bo‘lishga  undaydi  va  yoshlarni  ham  shunday  fazilatli 

qilib  tarbiyalashga  chaqiradi.  Ayniqsa  “Farhod  va  Shirin” 

dostonida ilgari surilgan yuksak insoniy hislatlar, insonparvarlik 

g‘oyalari  yosh  kitobxonlar  ma’naviyatiga  ham  chuqur  ta’sir 

etadi,  ularni  xalq,  vatan  uchun  munosib  inson  bo‘lib 

etishishlariga xizmat qiladi. 

Alisher  Navoiy  hayoti  davomida  inson  manfaati  uchun 

kurashdi.  Insonlarga  yaxshilik  qilishda  barchaga  o‘rnak  bo‘la 

oldi. 

Alisher  Navoiy  ariq  va  kanallar  qazish,  yo‘l  va 



karvonsaroylar  qurish,  yo‘llarda  yo‘lovchilar  xavfsizligini 

ta’minlash,  o‘quv  muassasalarini  tashkil  etish,  yoshlarning 

ta’lim  olishini  uyushtirish,  ular  uchun  yotoqxonalar  qurish, 

mudarrislarni  to‘plash,  o‘quv  ishlarini  tashkil  etish,  ularni 

moddiy  va  ma’naviy  rag‘batlantirib  borish,  kasalxonalar, 

shifoxonalar  qurish  borasida  katta  ishlarni  amalga  oshirdi.  U 

marhumlar  ruhini  yod  etishdek  ezgu  va  savob  ishlarga  bosh 

bo‘ldi.  Qabristonlar  va  chekka  joylar  obodonligi  uchun  ham 

qayg‘uradi.  Har  bir  asarida  insonni  kuyladi,  faqat  yaxshilik, 

savob  ish  qilishga,  ezgulikka  chaqirdi.  Sabr  qanoatli  bo‘lishga, 

kamtar, sahiy va olijanob bo‘lishga undadi. 

 

 Davrondan ne kelsa, aylama isyon, 



 Taqdiring ne bersa, sabr ayla, inson. 

 

 Bo‘lmag‘ur gaplardan qulog‘ing tiy, 



 Noma’qul so‘zlashdan tiyilsin zabon. 

 

Alisher  Navoiy  o‘z  asarlarida  halq  og‘zaki  ijodidan, 

ayniqsa, maqollardan samarali foydalanish bilan birga, o‘zi ham 

ta’lim-tarbiyaviy  ahamiyatga  ega  bo‘lgan  bir  qancha  hikmatlar 

yaratdi. Masalan, 

 

 Vafosizda hayo yo‘q, hayosizda vafo yo‘q. 



 

 

 

 

*** 

 Tilga e’tiborsiz – elga e’tiborsiz. 

 

 

 

 

***

 

 Oz-oz o‘rganib dono bo‘lur, 

 Qatra-qatra yig‘ilib daryo bo‘lur. 

 

 

 

 

***

 

 Bilmaganni so‘rab o‘rgangan olim, 

 Orlanib so‘ramagan o‘ziga zolim. 

  

 

 

ULUG‘ ALLOMALAR ALISHER NAVOIY HAQIDA 

 

Agar  bu  zotni  avliyo  desak,  u  avliyolarning  avliyosi, 



mutafakkir  desak,  mutafakkirlarning  mutafakkiri,  shoir  desak, 

shoirlarning sultonidir. 



(Islom Karimov) 

 

Turkiy  tilda  qalam  tebratib  balog‘at  va  fasoxat  maydonida 



ot  surgan  Navoiy,  agar  bu  asarlarni  fors  tilida  yaratganlarida, 

forsiygo‘ylarga so‘z qolmasdi. 



 

 

(Abdurahmon Jomiy) 

 

Nazm  tariqining  barcha  nav’ida  sohibqironlik  maqomini 



egallabdur. 

(Husain Bayqaro) 

 

Turkiyda  hech  kim  oningcha  ko‘p  va  xo‘p  she’r 



yozmabdur.  

 

(Bobur Mirzo) 

 

Dunyoning qaysi mamlakatida yashayotganidan qat’i nazar, 



o‘zbekman degan inson o‘zini Navoiy qavmiga mansub ko‘radi, 

bu  bilan  faxrlanadi  va  bu  unga  o‘ziga  xos  milliy  mas’uliyat 

yuklaydi. 

(Adabiyotshunos Najmiddin Komilov) 

 

 



 

 

Navoiy  she’riyati  sehrining  qudrati  shu  qadarki,  gohida 



bunday  satrlarni  bitish  inson  qo‘lidan  kelmaydigan  ishga 

o‘xshaydi. Menga Navoiy so‘zi g‘oyibdan kelgan sehrli nidodek 

inson zoti uchun g‘ayrimumkin bo‘lgan sohirlikdek tuyuladi.  

(Shoir Erkin Vohidov) 

 

Navoiy ijodi bir kalit. Bu kalitni qo‘lga kiritgan odam ham 

mumtoz  adabiyot  sirlarini  egallaydi,  ham  Sharq  ma’naviyati 

xazinasiga eshik ochadi. 



 

(Adabiyotshunos Ibrohim Xaqqul) 

 


10 

 

Navoiy  millat  dardi  bilan  og‘rib  o‘tgan  shoir,  agar  millat 



shoir  yaratgan  badiiy  mo‘jizalardan  hayratlanmay  qo‘ysa, 

Navoiy ruhi bizdan aslo rozi bo‘lmaydi.  

 

(Shoira Tursunoy Sodiqova) 

 

Alisher  Navoiydek  shoirni  in’om  etgan  o‘zbek  xalqiga 



beqiyos rahmatlar bo‘lsin. 

(N.I.Konrad) 

 

 



 

 

 



 

 

 



 

 

Alisher Navoiy hayoti va ijodiga bag‘ishlangan  



kitob ko‘rgazmasini tashkil qilishda  

foydalanish mumkin bo‘lgan taxminiy mavzular 

 

1. “G‘azal mulkining sultoni”. 

2. “Navoiy – o‘zbek millatining g‘ururi”. 

3. “Ulug‘ mutafakkir va buyuk shoir”. 

4. “Buyuklikka tenglashgan bobomiz”. 

  

Alisher Navoiy hayoti va ijodiga bag‘ishlab 



kitob ko‘rgazmasini tashkil etish uchun 

adabiyotlar ro‘yxati 

11 

 

 

1.S.Matkarimova Ham ehsonli oroyish, axloqidan osoyish. // 

Xalq so‘zi, 2017 yil 1 fevral, b-4. 

2.B.To‘xliev  Ma’naviyatimizning  hayotbaxsh  sarchashmasi 

// Ma’rifat, 2017 yil 7 yanvar, b-11. 

3.D.YUsupova Tili poku so‘zi poku o‘zi pok...// O‘zbekiston 

adabiyoti va sa’ati, 2016 yil 8 dekabr, b.4. 

4.Alisher  Navoiy.  Xamsa  (qisqartirib  nashrga  tayyorlovchi 

A.Hojiahmedov; mas’ul muharrir V.Rahmonov... -T.: YAngi asr 

avlodi, 2014 yil, b.416. 

5.Alisher  Navoiy.  Hikmatlar  //  Nashrga  tayyorlovchilar: 

S.Mutallibov, E.Ochilov//. -T.: SHarq, 2014 yil. b-224. 

6.Alisher  Navoiy.  Hikmatlar  //to‘plovchi,  so‘z  boshi  va 

izohlar muallifi E.Ochilov //.-T.: O‘zbekiston. 2011 yil. 408-b. 

7.Alisher  Navoiy.  Xazoyin  ul-maoniy  -T.:  TAMADDUN  , 

2011 yil. J.1-4: Favoyid ul – kibar.  

8.Alisher Navoiy Sabbai Sayyor // Nasriy bayoni bilan. -T.: 

G‘.G‘ulom  nomidagi  nashriyot-matbaa  ijodiy  uyi.  2006  yil.-

b.440. 


 

“NAVOIYDEK BOBOM BOR,  

KO‘KSIM OSMON, O‘ZBEGIM!” 

deb nomlangan 4-sinf o‘quvchilariga  

mo‘ljallangan tadbir ssenariysi 

 

O‘zbek  xalqining  buyuk  farzandi,  she’riyat  mulkining 

sultoni  –  Alisher  Navoiyga  bag‘ishlangan  adabiy  kecha 

o‘tkazish  uchun  sahna  did  bilan  bayramona  bezatilgan. 

Sahnadan  Navoiy  portreti,  kitoblari,  referatlar,  bukletlar  o‘rin 

olgan.  Hikmatli  so‘zlar  mehmonlar  o‘qiy  oladigan  kattalikda 



12 

 

yozib  ilib  chiqilgan.  Musiqa  sadolari  ostida  sahnaga 



boshlovchilar va tadbir ishtirokchilari chiqadilar.  

 

1-boshlovchi:  Assalomu  alaykum  aziz  va  mehrigiyo 

ustozlar,  qadrli  o‘quvchilar,  kechamiz  mehmonlari!  Navoiy 

bobomiz  tavalludining  576  yilligiga  bag‘ishlab  o‘tkazilayotgan 

kechamizga xush kelibsiz. 

2-boshlovchi:  Millatimizning  faxri  va  g‘ururi  bo‘lmish 

mutafakkir  bobomizni  yod  etish,  uning  asarlaridan  ta’lim-u 

tarbiya  olish  va  albatta  ularni  kelajak  avlodlarga  ham  etkazish 

siz-u bizning zimmamizdadir. 



1-boshlovchi: Bilmam, qanday ayol bo‘lgan  

Alisherning onasi. 

Balki uning aqliga ham 

Lol qolgan zamonasi. 

Balki uning ko‘zlarida  

Bo‘lgan og‘ir bir hayol. 

Balki g‘amgin bir zotdir u 

Balki sho‘xchan bir ayol. 

Balki buyuk farzandiga  

Terib kelgan chechaklar. 

Balki tunlar unga bedor 

Aytib bergan ertaklar. 

Mayliga, u kim bo‘lmasin, 

Yolg‘iz bir zot ma’nosi: 

Alisherning onasi, 

Navoiyning onasi. 

 

(Sahnaga  o‘quvchilar  chiqib,  Alisher  Navoiyning  oilaviy 

muhiti, bolalik, o‘smirlik yillari haqida ma’lumot beradilar.) 


13 

 

1-o‘quvchi:  Alisher  Navoiy  1441  yilning  9  fevralida  Hirot 

shahrida  saroy  amaldorlaridan  bo‘lmish  G‘iyosiddin  Kichkina 

oilasida  dunyoga  kelgan.  Uning  onasi  saroy  enagalaridan  edi. 

Alisherning  ota-onasi  ilm-ma’rifatli,  san’at  va  adabiyotni  sevib 

qadrlaydigan kishilar bo‘lgan. 



2-o‘quvchi:  Navoiyning  tog‘alari  ham  she’riyatga  shaydo 

insonlardan  bo‘lib,  Kobuliy  va  G‘aribiy  tahalluslarida  g‘azallar 

yozgan. 

Alisherning 

xonadonida 

tez-tez 


mushoiralar 

o‘tkazilardi, bunday g‘azalxonliklar esa jajji Alisherning qalbida 

san’atga mehr va havas uyg‘ota bordi. 

3-o‘quvchi:  5-6  yoshli  Alisher  o‘zining  zehni  o‘tkirligi 

bilan  ham  ko‘pchilikni  hayratga  solgan.  U  bolaligidanoq 

Farididdin  Attorning  “Mantiq-ut  tayr”  asarini  butunlay  yod 

olgan. 


4-o‘quvchi: Alisher Navoiy 9-10 yoshdan boshlab o‘zi ham 

g‘azallar,  ruboiylar  yozishni  mashq  qila  boshlagan.  Ustozi 

bo‘lmish  hazrat  Lutfiy  uning  “Orazin  yopqoch  ko‘zindin 

sochilur  har  lahza  yosh”  deb  boshlanuvchi  g‘azalini  o‘qib: 

“Qani  iloj  bo‘lganda  edi,  men  o‘zimning  forsiy  va  turkiyda 

yozgan 10-12 ming misra she’rimni shu bir g‘azalga almashgan 

bo‘lar edim deya lutf qilgan. 

5-o‘quvchi: Alisher Navoiy bobomiz zullisonayn, ya’ni ikki 

tilda  ijod  qilgan  shoir  hisoblanadi.  U  turkiy  tilda  yozgan 

asarlariga  Navoiy,  forsiydagilarga  esa  “Foniy”  deya  tahallus 

qo‘ygan. 



6-o‘quvchi: Alisher Navoiy nafaqat shoir balki, yirik davlat 

arbobi  ham  edi.  Bolalikdagi  do‘sti  shoh  Husayn  Boyqaroning 

o‘ng qo‘l vaziri, davlat ishlarida maslahatgo‘yi bo‘lgan. Navoiy 

bobomizning  vazirlik  davrida  yurtda  ko‘p  obodonchiliklar 



14 

 

qilingan,  ariqlar  qazilgan,  masjidlar-u  madrasalar  qurilgan, 



oddiy xalq uchun ko‘plab qulayliklar yaratilgan. 

7-o‘quvchi:  Navoiy  bobomizdan  bizga  bitmas,  tuganmas 

xazina  qoldi  desak  mubolag‘a  bo‘lmaydi.  U  kishi  ishq  va 

muhabbat,  vafo  va  sadoqat,  yaxshilik  va  ezgulik,  to‘g‘rilik, 

rostgo‘ylik  g‘oyalarini  kuylab  o‘tdilar.  Insoniyat  borki,  bu 

g‘oyalar  albatta,  yashaydi.  Demak,  Navoiy  bobomiz  ham  doim 

biz bilan birga oramizda. 



1-boshlovchi:  

Mir Alisher na’rasiga aks sado berdi jahon, 

SHe’riyat mulkida bo‘ldi shoh-sulton o‘zbegim. 

 

2-boshlovchi:  

Menga Pushkin bir jahon-u, menga Bayron bir jahon. 

Lek Navoiydek bobom bor, ko‘ksim osmon o‘zbegim! 

1-boshlovchi: Navbatni sahna ko‘rinishiga beramiz. 

(«Munojot» kuyi balandlaydi, biroz fursat o‘tgach, pastlab, 

bir  o‘quvchi  muallif  sifatida  o‘qiydi,  qolgan  o‘quvchilar  esa 

rollar ijro etadilar.) 

Muallif:  Bu  voqea  1441  yil  9  fevralda  Hirot  shahrida 

G‘iyosiddin Kichkina oilasida sodir bo‘ldi. 



Ali  (Alisherning  tog‘asi)  pochchasi  G‘iyosiddin  huzuriga 

yugurib kirib keladi. 

Ali (1-o‘quvchi): Assalomu alaykum, G‘iyosiddin pochcha! 

Sizga xushxabar olib keldim! Suyunchi beringiz! Sizga xudoyim 

farzand ato qildi, o‘g‘il muborak! 

G‘iyosiddin  (2-o‘quvchi)  (hayolida  qulog‘iga  chaqaloq 

«ingasi»  eshitilgandek  bo‘ladi:  Rahmat!  Bag‘oyat  shodmen! 

Bag‘oyat  minnatdormen,  inim!  Yaxshi  soatda  xushxabar 

keltirdingiz!  Jiyaningizni  shu  bois  sizning  nomingiz  bilan 


15 

 

ataymiz. Sizdek shoir, fozil odam bo‘lsin. Yana «she’r» so‘zini 



ham  qo‘shamiz.  Sherdek  jasur,  qudratli  bo‘lib  o‘ssin. 

Farzandimizning nomi Alisher bo‘ladi! 



Ali:  Minnatdormen,  mening  ko‘nglimni  kutilmagan  shodlik 

bilan to‘ldirdingiz. Bu men uchun eng ulug‘ suyunchidir. 



G‘iyosiddin: Qani, marhabo, koshonamizga boraylik. 

Muallif:  Ular  yo‘lda  davom  etishayapti.  Bu  xonadonda  esa 

Alisherning onasi alla aytayapti. 



(Beshik  tebratib  alla  aytayotgan  Alisherning  onasi  sahnasi. 

«Alla» xonishi eshitiladi). 

Muallif (alla ohangi ostida): 

 Bilmam, qanday ayol bo‘lgan,  

 Alisherning onasi.  

 Balki uning aqliga ham,  

 Lol qolgan zamonasi.  

 Balki uning ko‘zlarida, 

 Bo‘lgan og‘ir bir hayol. 

 Balki g‘amgin bir zotdir u,  

 Balki sho‘xchan bir ayol. 

 Balki buyuk farzandiga,  

 Terib kelgan chechaklar.  

 Balki tunlar unga bedor,  

 Aytib bergan ertaklar.  

 Mayliga, u kim bo‘lmasin,  

 Yolg‘iz bir so‘z ma’nosi:  

 Alisherning onasi u 

 Navoiyning onasi!  

(“Tanovar” raqsi qizlar tomonidan ijro etiladi). 

 


16 

 

Muallif:  Bo‘lajak  shoirning  otasi  temuriylar  avlodidan  edi. 

Shuning uchun Alisher temuriy shahzodalar bilan tarbiyalanadi. 

Yosh Alisher to‘rt yoshga etganida maktabga bordi. U o‘zining 

o‘qishi, odobi bilan boshqalardan ajralib turar edi. 

G‘iyosiddin  Kichkina  ham  o‘z  farzandini  yaxshi  o‘qitish, 

savodxon  qilish  uchun  bir  otadan  neki  lozim  bo‘lsa,  barini 

astoydil ado etdi. 

Ularning  uyiga  ko‘pincha  qalam  ahillari  to‘planishib, 

she’rlar  o‘qishar,  adabiyot,  san’at  haqida  bahs-munozaralar 

o‘tkazishar edi. 

Alisher  uchun  buyuk  ma’naviyat  sohiblari  –  Mavlono 

Lutfiy, Xorazmiy, Abulqosim Firdavsiy, Xisrav Dehlaviy, Umar 

Hayyom,  Abdurahmon  Jomiy  va  yana  bir  necha  buyuk  adiblar 

namuna hamda ibrat maktabiga aylanganlar. 

Ha, darvoqe, tadbirimiz avvalida yosh Alisher atrofida talay 

adiblar  o‘z  so‘zlarini  bildirmoqqa  shay  bo‘lib  turishgan  edi. 

Marhamat,  tinglang,  ular  Navoiy  hazratlari  yaratgan  ulkan 

merosga o‘z tashbeh va fikrlarini bildiradilar.  

(Endi 

sahnada 

yosh 

Alisher 

emas, 

Navoiy 

siymosidagi  o‘quvchi  atrofdagilarga  qo‘li  ko‘ksida 

hurmat keltirib turibdi. 

Buyuk 

siymolarning 

Navoiy 

haqidagi 

fikrlari 

tinglanadi. Yosh Alisherning iste’dodiga yuksak baho bergan 

Mavlono Lutfiy (1-o‘quvchi) shunday deydilar). 

Mavlono  Lutfiy  (1-o‘quvchi):  Alisherning  «Orazin...»  deb 

boshlanuvchi  baytini  tingladim.  Agar  muyassar  bo‘lsa  edi, 

o‘zimning  o‘nlab  ming  forsiy  va  turkiy  baytimni  shu  g‘azalga 

almashar edim. 



(Shundan  so‘ng  sahnaga  bir  qator  mutafakkirlar 

obrazidagi o‘quvchilar sahnaga birma-bir chiqib keladilar). 

17 

 

Xondamir 



(3-o‘quvchi): 

Men 


Navoiy 

zamondoshi 

Xondamir bo‘laman. «Bir soatlik adolat oltmish yillik ibodatdan 

afzal»  degan  so‘zlarga  amal  qilib,  Alisher  amirliklar  taxtini 

o‘zining  muborak  qalami  bilan  ziynatladi.  Adolat  va  insof 

eshiklarini insoniyatga ochib qo‘ydi. 



Abdurahmon  Jomiy  (4-o‘quvchi):  Men  Abdurahmon 

Jomiydurmen.  Bu  qalamkashga  falakdan  ofarinlar  yog‘ilsin! 

Chunki bu yoqimli baytlarni o‘sha qalamkash yaratdi. 

Husayn 

Boyqaro 

(5-o‘quvchi): 

Men  esa 

Navoiy 

zamondoshi  Husayn  Boyqaro  bo‘laman.  Alisherning  nazmi 



oldida til lol va bayon ojiz turur. 

Fuzuliy (6-o‘quvchi) fikrlaydilar: 

Turkiy Ajamu Arabda ayyom, 

Har shoira bermishdi bir kom. 

Olmishdi Navoiy suxandon, 

Manzuri Shahanshohi – Xuroson. 

Zahiriddin  Muhammad  Bobur  (7-o‘quvchi): Alisherbek 

bahosi  yo‘q  kishi  erdi.  Turkiy  tilda  she’rlar  aytibdurlarki,  hech 

kim bunchalik ko‘p va xo‘b aytg‘on emas, degan edilar. 

Zamondoshimiz  Erkin  Vohidov  (8-o‘quvchi)  shunday 

yozadilar: 

- Menga Pushkin bir jahonu 

Menga Bayron bir jahon. 

Lek Navoiydek bobom bor, 

Ko‘ksi osmon, O‘zbegim! 

(Qarsaklar  ostida  sahna  ko‘rinishi  yakuniga  etadi. 

So‘ng 

Navoiy 

g‘azali 

bilan 

aytiladigan 

qo‘shiq 

tinglanadi.  

O‘quvchilar  Navoiyning  “Hayrat  ul-abror”  asaridan 

parchalar o‘qib, sharhini aytadilar.) 


18 

 

1-o‘quvchi: Boshni fido ayla ato qoshiga, 

Jismni qil sadqa ano boshiga. 

Tun-kunungga aylagali nurposh, 

Birisin oy ayla, birisin quyosh. 

2-o‘quvchi:  Ota-onaning  xizmatini  bajarish,  ularni  hurmat 

qilish,  ularga  nisbatan  hamisha  mehr-muhabbatli  bo‘lish  kerak. 

Ota-ona misoli oy va quyoshga o‘xshaydi. 

3-o‘quvchi: … Yo‘q hunari yolg‘uz esa, o‘z kishi, 

Qayda kishi sonida yolg‘uz kishi?! 

Fard kishi davrda topmas navo, 

Yolg‘uz ovuchdan kim eshitmish sado?.. 

 

4-o‘quvchi:  Yolg‘izlikka  nisbatan  jamoaviylik  ulug‘lanadi, 

kishilar bir-birlari bilan ahil, do‘st bo‘lishlari kerak. 



1-boshlovchi:  

Nazm ummonida suzishni istab, 

Ash’orlar satridan ilhomni izlab, 

Ezgulik yo‘lidan sizni so‘roqlab, 

Ruhingizdan madad so‘radim, ustod! 

2-boshlovchi:  

Tashbehlar yog‘ildi, g‘azal yodlasam, 

She’riyat bog‘iga chorladi fardlar. 

Hazrat ruboiysin og‘ushlarida 

Qalbimda uyg‘ondi shirin bir dardlar. 

1-boshlovchi:  Ulug‘  mutafakkir  ijodi  serqirra,  o‘qiganing 

sari yangidan yangi ma’nolarni uqasan.  



2-boshlovchi:  Darhaqiqat,  Navoiy  g‘azalini  bilmaydigan, 

bir  kuyga  solib  ko‘rmagan  ijodkor  juda  kam  bo‘lsa  kerak. 

Keling, hozir Navoiy g‘azali bilan aytiladigan qo‘shiq tinglasak.  


19 

 

(Sahnada  maktab  xor  jamoasi  ijrosida  «Fido»  qo‘shig‘i 



yangraydi).  

 

1-boshlovchi:  

Ko‘rgali husningni zor-u mubtalo bo‘ldum sanga,  

Ne baloliq kun edikim, oshno bo‘ldum sanga.  

Har necha dedimki, kun-kundin uzay sendin ko‘ngul,  

Vahki, kun-kundin battarak mubtalo  

bo‘ldum sanga.  



2-boshlovchi:  

Men qachon dedim: «Vafo qilg‘il manga», zulm aylading, 

Sen qachon deding: «Fido bo‘lg‘il manga», bo‘ldum sanga.  

Jomi jam birla Xizr suyi nasibimdur  

mudom,  

Soqiyo, to tarki joh, aylab gado  

bo‘ldum sanga. 

1-boshlovchi:  Millat  quyoshi,  ulug‘  bobokalonimizning 

qoldirgan  ulkan  merosi  har  birimizning  ko‘ngul  mulkimizga 

aylanib  qolsin,  ularni  asrab-avaylab  kelajak  avlodga  etkazishdek 

muqaddas burch har birimizga nasib etsin.  



2-boshlovchi:  Xalqimizning  donishmand,  xalqparvar  buyuk 

daholari hech qachon unutilmaydi.  



(Mumtoz kuy taraladi). 

 

 

 

 

 

 

 

 

 

 

20 

 

 



 

 

Foydalanilgan adabiyotlar 

 

1. Ashurova G. Navoiy “Dilkusho bog‘lar” oralab...[Ulug‘ 

siymo haqida]/ Til va adabiyot ta’limi.-2016.-11 son.-B.46-

48. 


2. Berdieva Z. Alisher Navoiy ijodida insonparvarlik/ XXI 

asrda bolalar kitobxonligi: “Yoshlarni ma’naviy-ahloqiy 

tarbiyalashda oila va kutubxona hamkorligi” mavzusidagi 

konferensiya materiallari.-2012.-may.-B.3-6. 

3. Latipova M. Navoiyni anglash:[Alisher Navoiy ijodiga 

yana nazar]/ Ma’rifat.-2016.-№92.-B.10. 

4. Madiev O. Insonni uyg‘otgan shoir.-Ma’rifat, 2016 yil 3 

dekabr.-№97, bet 11. 

5. Mardieva O‘. Navoiydek bobom bor, ko‘ksim osmon, 

o‘zbegim!/ Boshlang‘ich ta’lim: Ilmiy-metodik, ahloqiy-

ta’limiy, ommabop jurnal. 2016.-№12.-dekabr.-B.4-5. 

6. Muhammad Ali. Jahon adabiyoti bayroqdori: [Alisher 

Navoiy hayoti, ijodi, faoliyati haqida]/Kitob dunyosi.-

2016.-№3.-B.1-2. 

7. YUsupova D. Alisher Navoiy (1441-1501):[Navoiy 

saboqlari]/Jahon adabiyoti.-2016.-YAnvar. 

 

 

 



 

 

 



21 

 

 



 

 

 



24, 1, 22, 3, 20, 5, 18, 7, 16, 9, 14, 11 

12, 13, 10, 15, 8, 17, 6, 19, 4, 21, 2, 23 

 

 

 



 

 

 



 

 

 



 

 

 



 

 

 



 

 

 



 

 

 



 

 

 



22 

 

 



 

 

 



 

 

 



 

 

 



 

 

 



 

 

 



 

 

 



 

 

 



 

 

 



 

 

 



 

 


23 

 

 



 

 

 



 

 

 



 

 

 




Do'stlaringiz bilan baham:


Ma'lumotlar bazasi mualliflik huquqi bilan himoyalangan ©fayllar.org 2017
ma'muriyatiga murojaat qiling