Maqset-keleshektiń irge tasí ma?

MAQSET-KELESHEKTIŃ IRGE TASÍ MA?
Biz ómirimiz dawamında maqset tárepke alǵa juretuǵın, maqsetine erisiw jolında hár qanday qıyınshılıqlardı jeńip, gózlegen maqsetine erisetuǵın insanlar haqqında kóp esitemiz hám ómirimiz dawamında da kóp ushıratamız hám háwes kóz menen qaraymız. Ullı pedagog alım K.D.Ushinskiy aytqanınday “Ómirdegi maqset insan qádir-qımbatı hám baxtınıń tiykarı bolıp tabıladı.” Insanlar maqsetine erisiw jolında kúshli bolıp, aqırında, yaǵniy maqsetlerine erisken waqtında barlıq kúsh-quwatların joǵatganların sezedi. Álbette bul tabiyiy jaǵıday. Sebebi barlıq kúsh-quwatın maqset jolında sarplap boladı. Maqsetke eriskennen keyin bunday insanlar ózlerinde kishkene bolsa da kewili tolıwı, qanaatlanıw sezimin sezedi. Maqsetke erisildi lekin, nenidur aqırına jetkizbegendey bolıp seziledi, “Nátiyjege basqa jol menen erisken jaqsı bolar edi, bunnanda kóbirek zatqa jetiwim múmkin edi” degen qanaatlanbawshılıq sezimi iyelep alaberedi. Lekin, endi kesh, kerekli insanlar endi ushramaydı, qolaylı jaǵdaylar endi dus kelmeydi. Bunday insanlar ómirge shın mániste qaraytuǵın insanlar bolıp tabıladı. Maqsetleri tárepke alǵa juretuǵın hám óz jolında “Átirapqa” áhmiyet bermesten, qolay, ańsat basqa múmkinshiliklerdi kórmesten óziniń maqseti jolında kúshli tosıqqa hám qıyınshılıqlarǵa ushraytuǵın insanlar bolıp tabıladı.
Eger maqsetińiz jolında túrli qıyınshılıq hám tosıqlarǵa dus keleberseńiz, óaqsetke erisiw jolı unamay atırǵan bolsa, maqsetińiz nátiyjesi sizdi kewilli etpey atırǵan bolsa, keliń tabiyattan basqa jollardı úyrenemiz. Mısalı, qara qus búrkit óz maqseti jolında qanday jol tutıwın kóreyik:
Taw shıńında otırıp gúzetedi, keyin hawa járdeminde ornınan qozǵalıp qanatların úlken jazıp ańsat ǵanan biyiklikke ushıp baslaydı, qanatların waqtı-waqtı menen silkitip qoyıp, páste oljasın kóriwi menen tómenge hawa aǵımı járdeminde, qanatların jıynap tasqa uqsap oljası tárep baǵdar aladı. Maqsetine erisiwden aldın bir qanatların úlken ashıp, oljasın kótergenshe tóbege baǵdar aladı, hawa aǵımı onı taǵı óz kúshi menen tóbege shıǵaradı. Eger baqlaǵan bolsańız ol óz maqsetine kem kúsh sarplap, tabiyat qolaylıqlarınan paydalanıp eristi. Eger mısal qılıw kerek bolsa bunday mısallar júdá kóp: mısalı, kemeniń jelkenleri samal járdeminde háreketleniwi, suw hám samal shıǵırların islewi hám t.b.
Bunday jollardı óz maqseti jolında áwmetli insanlar kóp qollaydı. Olar óz maqsetleri rejesin sırtqı átirap ortalıq múmkinshiliklerine maslastırıp dúzedi hám maqsetke erisiw jolın hám maqsettiń ózin oyın dep qabıllaydı. Olar maqsetke erisiw jolında ketip atırǵanda mudam “átirapqa” názer taslaǵan halda háreketlenedi. Maqsetine ańsat eriwiwshi insan sol jol menen rejelestirgen maqsetindenda kóbirek maqsetke erisedi. Siz ózińiz qálegen maqsetińizge ańsat erisiw ushın paydalanıwıńız múmkin bolǵan 4 túrli tabiyiy faktor bar:
1. Shárayat. Kerekli waqıtta kerekli orında payda bolıw bul úlken áwmet bolıp tabıladı. Átirap ortalıqtı siz basqara almaysız. Processler óz-ózinden júz beredi. Eger siz sol qolay jaǵday hám processlerden ónimli paydalana alsańız siz bir qansha kúsh hám quwatıńızdı tejep qalasız.