Маъруза №18 Мавзу

Паратиреоид безлар фаолияти бузилганда
организмда рўй берувчи ўзгаришлар


Итнинг паратиреоид безлари олиб ташланса, скелет мускулларининг тиришиши (паратиреоприв тетания) кузатилади. Бунда ҳайвон нафас мускулларининг тиришиши натижасида нобуд бўлиши мумкин. Паратиреоприв тетания қонда ва орқа мия суюқлигида кальций миқдорининг камайиши натижасида рўй беради. Одамда паратиреоид безлар фаолияти сусайганда қондаги кальций миқдори камайиши сабабли МНТ нинг қўзғалувчанлиги кескин ортиб кетади.
Паратиреоид безлар фаолиятининг ортиб кетиши камроқ кузатилади. Бунда қондаги кальций миқдори меъёридан ортиб кетади, ноорганик фосфор эса камаяди. Остеопороз, яъни суяк тўқимасининг емирилиши кузатилади. Беморларни ҳолсизлик, елка, оёқ-қўлларнинг оғриши безовта қилади.