Materiallari

Texnologik nazoratning asosiy formalari.

Ishlarni tashkil qilishga bog`liq ravishda texnologik nazoratning quyidagi asosiy formalari farqlanadi:

A) Ichki nazorat – konstruktorlik xujjatlarini ishlab chiqish paytida tashkilotning mazkur ishlanma bilan shug`ullanuvchi mutaxassislari tomonidan bajariladi, uni uch bosqichda amalga oshirish lozim:

Birinchi bosqich – konsul`tasiyalar va dastlabki nazorat — ishlab chiqaruvchilarning bo`linmalarida bajariladi.

Ikkinchi bosqich – asl nusxalarda bajarilgan grafik va matnli xujjatlarni tekshirish. Hujjatlarni nazoratga bitta maxsulot doirasida jamlanma xolida taqdim qilish lozim.

Uchinchi bosqich – grafik va matnli xujjatlarning yakuniy shakl berilgan asl nusxalarini tekshirish va imzolash.

Texnologik ichki nazorat xujjatlarning chiqish reja-grafigi bilan belgilangan navbat tartibida o`tkaziladi.

B) Tashqi nazorat – maxsulotni tayyorlovchi korxona mutaxassislari tomonidan konstruktorlik xujjatlarini ishlab chiqish paytida bajariladi. Tekshirish bosqichlarining soni ishlab chiquvchi tashkilot va tayyorlovchi korxona o`rtasidagi shartnoma bilan belgilanadi.

B) Kirish nazorati – ishchi loyixasi tugallangandan keyin konstruktorlik xujjatlarini qabul qilib oladigan tayyorlovchi korxonaning mutaxassislari tomonidan bajariladi.

Kirish nazorati paytida bajarilgan tuzatishlar va o`zgartirishlar ishlab chiquvchi tashkilot bilan kelishilgan xolda konstruktorlik xujjatlariga kiritiladi.